|
#421
05-04-2012, 01:17 AM
|
||||
|
||||
رد: في بيتنا............صيدليه
التحويل من Mixtard 100iu/ml الى Mixtard 40iu/ml والعكس
خلاص فهمنا يعني ايه ميكستارد؟!! وعرفنا ان الميكستارد بيحتوي 100 وحدة انسولين في كل 1 مل 30 منهم انسولين مائي و70 منهم انسولين معلق النوعية اللي اتكلمنا عليها دي من الميكستارد هي الاشهر وهية اللي موجودة في معظم دول العالم وسعره عندنا 31 جنيه مصري فقط لا غير لكن عندنا في مصر (وليس لدي معلومات ان وجدت في دول أخرى) نوع آخر من الميكستارد اسمه ميكستارد 40iu/ml وده سعره 6.30 قرش وله مثائل انتاج مصري بسعر 6 جنيه منها انسولين سيديكو 40 وحدة انسولين فاكسيرا 40 وحدة Hunil mix 40 وحدة طيب الفرق ايه بين نوعي الميكستارد الغالي والرخيص؟ الفرق ان الملي الواحد في الرخيص بيحتوي على 40 وحدة فقط من خليط الأنسولين بدلا من 100 وحدة ولكن تركيز الانسولين المائي والمعلق في ال40 وحدة لا زال 30/70 يا ريت تكون الفكرة وصلت..!! لو وصلت نقدر نقول ان لو كان المريض في حاجة لواحد مل من ميكستارد 100 اذن فهو في حاجة لاتنين ونصف سم من ميكستارد 40 لان قوة الميكستارد 100 مساوية مرتين ونصف لقوة ميكستارد 40 ولو كان في حاجة ل 0.4 من ميكستارد 100 اذن هو في حاجة ل1 مل من ميكستارد 40 دي طريقة تحويل حسابية هل هناك طريقة أخرى؟ نعم في الصيدلية عندنا نوعين مهمين من سرنجات الانسولين أحدهما تسع 1 مل مقسمة الى 100 جزء وهذه هي الواجب استخدامها في اي نوع انسولين تركيز 100 وحدة/مل والأخرى تسع 1 مل مقسمة الى 40 جزء وهذه هي الواجب استخدامها في الانسولين تركيز 40 وحدة /مل يمكننا التحويل بين نوعيي الانسولين حينما نقوم ايضا بتحويل نوعية السرنجة حينها سنلاحظ بسهولة أن : 40 جزء من الأنسولين تركيز 100/مل على السرنجة المقسمة ل100 جزء = 40 جزء (1مل) من الأنسولين تركيز 40/مل على السرنجة المقسمة ل40 جزء و 30 جزء من الأنسولين تركيز 100/مل على السرنجة المقسمة ل100 جزء = 30 جزء من الأنسولين تركيز 40/مل على السرنجة المقسمة ل40 جزء وهكذا اذا كان فهم هذا الأمر عسير يمكن التطبيق العملي باحضار نوعيي الأنسولين ونوعيي السرنجتين والحساب والتطبيق المباشر لتصل المعلومة بسهولة  
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#422
05-04-2012, 11:27 AM
|
|||
|
|||
رد: في بيتنا............صيدليه
شكرا يادكتور
|
|
#423
05-04-2012, 08:15 PM
|
||||
|
||||
|
رد: في بيتنا............صيدليه
merci beaucu
you are wellcome any time 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#424
06-04-2012, 01:27 AM
|
||||
|
||||
|
رد: في بيتنا............صيدليه
دايما بيحصل لبس عند الناس في جرعات البارسيتامول سواء لبوس او شراب لانها بتختلف...
ففيه ينفع لرضع وفيه لاطفال فوق ال6 سنوات ولو اديت الرضع لبوس بتاع ال6 سنين ؟؟؟خطا لانها هتبقي جرعه زياده  وناس كتير واحيانا اطباء بيتلغبطوا في النقطه ديت... نبدا علي بركه الله...وطبعا معروف قبل ما نبدا انه مسكن وفيه ادويه كتيررررررررررررررره بتركيزات مختلفه وشغال جااااااااااااااامد لانه بتاع برد وصداع او الم ونتيجته كويسه... - الجرعة القصوى للباراسيتامول هي 60 مجم /كجم في اليوم كاملا يعني لو واحد وزنه 70كجم يبقى جرعته اليومية القصوى 4200 مج اي ما يوازي حوالي 8أقراص بتركيز 500 مجم في اليوم كله (وهو التركيز الأغلب لأقراص الباراسيتامول) طبعا ده اقصى عدد من الأقراص يوميا وان كانت الجرعة المعتادة قرص واحد كل 6-8 ساعات 2- يفضل أن تقسم هذه الجرعة اليومية على 3-4 مرات في اليوم 3- أقل فاصل بين التناول يجب ألا يقل عن اربع ساعات 4- الجرعة التقريبية للمرضى فوق 3 شهور في المرة الواحدة بعيدا عن الوزن هي: 3 شهور - لسنة : 60-120 مجم 1-6-سنة : 120 -250 مجم 6-12 سنة : 250-500 مجم أكبر من ذلك 500 مجم فأكثر مع عدم تجاوز الجرعة القصوى نيجي بأة لمعلومتنا لازم ناخد بالنا كويس من تركيز الباراسيتامول في أي دواء في الصيدلية لأنه بيختلف من صورة لأخرى ومن شركة لأخرى ازاي؟!! أبسط مثال لهذا الأمر أننا ممكن نكون عارفين ان السيتال لبوس فيه باراسيتامول والأبيمول لبوس فيه برضو باراسيتامول واليوم اللي مش عندنا سيتال فيه نطلع ابيمول..!! وهذا خطأ كبير لان تركيز البارسيتامول في السيتال لبوس 120 مجم فقط أما في الأبيمول فهو 300 مجم وبمراجعة الجرعات هنلاحظ ان السيتال لبوس يدوبك مناسب لسن من 6شهور لسنتين بينما الأبيمول لبوس يبدأ استخدامه من ست سنوات..!! (الا اذا كان الوزن زائد عن الطبيعي فيمكن استخدامه لسن أصغر من ذلك) وبالتالي فلا يعتبر السيتال لبوس والأبيمول مثيلين وبالمثل ناخد بالنا من الاشربة. .فهي تسير بنظام عكس ذلك وهو أن الابيمول شراب يحتوي على 150 مجم فقط من الباراسيتامول/5 مل بينما السيتال شراب يحتوي على 250مجم/5 مل وبالتالي هما ليسا بمثيلان  الأمرر متكررة في عدد كبير من الادوية لذا يجب الاهتمام بالأمر.... 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#425
08-04-2012, 01:28 AM
|
||||
|
||||
|
رد: في بيتنا............صيدليه
بسم الله الرحيم الرحيم
الفرق بين الCream وال Ointment عندنا في الصيدليات نوعين من الدهانات مهمين للغاية طبعا همة الكريمات والمراهم بعض الأدوية بنلاقيها في صورة كريم فقط وبعض الأدوية بنلاقيها في صورة مرهم فقط وبعض الأدوية ممكن نلاقي منها الصورتين كريم أو مرهم؟ طب يا ترى ايه الفرق بين الكريم والمرهم وامتى بنختار ده أو ده؟!!!  أولا لازم نعرف ان المرهم بيحتوي على جزء مائي وجزء دهني وبتبقى نسبة الهيدروكربون فيه > 50% ومن مواصفاته أنه : لزج .. صعب الفرد نسبيا .. لا يتبخر من على الجلد لا يمتص من الجلد (بل تمتص المادة الفعالة فقط) أما الكريم نسبة الهيدروكربون فيه أقل من 50% ومن مواصفاته غير لزج..يمكن فرده بسهولة يتبخر من على الجلد أو يمتص من الجلد نتيجة لهذه الخواص فالمرهم : يفضل للاستخدام على البشرة الجافة Dry skin : لأنه يضمن ترطيب لمدة أطول بينما يستخدم الكريم على البشرة الدهنية oily skin : لأنه يمتص أو يتبخر بصورة اسرع فيقلل من دهنية البشرة طبعا الفرق اللي وضحته لحضراتكم ده الفرق العلمي لكن فيه فرق عملي ممكن نقوله اذا كانت البشرة عادية لا هي دهنية ولا جافة وهو أنه عموما 1- اذا كان هناك صورتين من الدواء أحدهما كريم والأخرى مرهم فان المرهم يفضل الا اذا كان مكان الاصابة لا يسمح بدهان المرهم..!! زي ايه؟ زي الأماكن الحساسة مثلا او في الوجه : لو هندهن ونخرج للشارع يبقى الكريم افضل لأن المرهم هيلمع ويعمل فضيحة أو لو هندهن الشعر: يبقى الكريم علشان الشعر ميلزقش في بعضه أو على الكفين: اللي بنستخدمهم ومش عايزينهم ملزقين أمثلة للأدوية اللي منها كريم ومرهم Garamycin Kenacomb Fucidin Dermovate ملاحظة أخرى : فيه ادوية منها مرهم بس..!! وده لأن الوظيفة المطلوبة منها بتتطلب انها تكون في صورة مرهم زي Diprosalic oint ده مرهم بيحتوي على salicylic acid اللي هوة بيشتغل كkeratolytic يعني بيشيل طبقة الكيراتين او طبقات الجلد الميتة وعلشان يأدي الوظيفة دي لازم يكون في contact مستمر مع الجلد ومش يتمسح بسهولة لذلك فهو يتواجد في صورة المرهم فقط وفيه أدوية بتبقى كريمات فقط : ودي غالبا بتبقى مستحضرات تجميل زي كل كريمات الوجه أو الشعر واللي متنفعش في صورة مراهم زي ما أوضحنا في النهاية لازم ناخد بالنا ان غالبية المرضى مياخدوش بالهم من الأمور دي وبالنسبالهم اي حاجة من اللي بتستخدم في علاجات الجلدية اسمها مرهم..!! فلما يقولك مرهم كذا ممكن يكون فعلا محتاج مرهم أو كريم فلازم تتواصل معاه علشان تحدد احتياجه الحقيقي تكون طويل البال....................
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
 |
| الكلمات الدليلية |
| دواء, صيدلية |
|
|
