#416
|
||||
|
||||
رد: في بيتنا............صيدليه
من الأدوية المشهورة جدا عندنا
الCataflam وده بيحتوي على declofenac K والVoltarin وده بيحتوي على declofenac Na وكل واحد فيه منه مثائل كثيرة فالفولتارين مثيله الأشهر هو الأولفن وأدوية أخرى متعددة والكاتافلام مثيله الأشهر هو الأوفلام وأدوية أخرى متعددة طيب يا ترى ايه الفرق الأساسي بين الاتنين؟!! الأمر بسيط للغاية declofenac K يتميز ب Shorter onset shorter duration relatively toDeclofenac Na يعني الكاتافلام بيدي مفعول كمسكن اسرع نسبيا من الفولتارين ولكن مدة التسكين أقصر نسبيا من الفولتارين والعكس بالعكس الفولتارين بيبدأ مفعوله بعد مدة اطول ولكن بيستمر برضو لمدة أطول طيب يا ترى فيه فرق تاني؟!! أكيد.. فيه ميزة أخرى للكاتافلام وهوة أنه انسب لمرضى الضغط المرتفع من الفولتارين لأنه ملح للبوتاسيوم بينما الآخر ملح للصوديوم (الذي قد يساهم في رفع الضغط عند مرضى الضغط) معلومة اخيرة بعض الشركات أرادت أن تستفيد من الميزتين مثل شركة ميفا فأنتجت دواء مثل Olfen 75 D.A i.e double action وده بيحتوي على 16 مج ديكلوفيناك بوتاسيوم يدينا مفعول سريع و 59 مج ديكلوفيناك صوديوم يدينا مفعول ممتد ويبقى كده استفدنا من الملحين في النهاية مننساش ان الاتنين لهم مفعول مضاد للالتهابات وخافض للحرارة
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#417
|
||||
|
||||
رد: في بيتنا............صيدليه
قبل ما نقول معلومة اليوم لازم نعرف حاجتين
1- بعد ولادة الطفل فان الزيادة الطبيعية في وزنه تكون من 200-250 جم أسبوعيا 2- احنا عندنا نوعين من المواليد اللي بيتولد بعد الشهر السابع واللي بيتولد بعد الشهر التاسع (طبعا الأصل في حساب عمر الجنين بالاسابيع وليس بالأشهر) ولو حد اتولد في التامن يبقى ميعاده الاصلي هو التاسع وبنسميه premature وده لو اتولد قبل الاسبوع ال37 أكبر مشكلة بالنسبة للي بيتولد في الثامن بتبقى مشكلة التنفس ليه؟ لان هناك سائل يفرز بغرض تليين السطح الداخلي للرئتين بحيث تصبحا قابلتين لدخول وخروج الهواء وعملية التنفس الطبيعي هذا السائل يفرز بنسبة مناسبة في الشهر السابع وبالتالي لو حدثت ولادة فلن يكون هناك مشكلة في التنفس ثم يقل افرازه في الشهر الثامن ثم يعود ليزيد في الشهر التاسع علشان كده طفل الثامن يوضع في الحضانة لحد ما تتضبط مشكلة التنفس كمان هناك مشكلة في الوزن لأن الطفل الطبيعي المناسب أن وزنه عند الولادة يكون حوالي من 2.5- 3 كيلو غير كده بنقول عليه ناقص الوزن Low birth weight وبيفضل انه يقعد في الحضانة شوية لغاية لما وزنه يبقى مناسب طيب كل الكلام ده ليه؟!! عندنا مجموعة ألبان في الصيدلية أشهرها الالبان اللي اسمها بيبيلاك bebelac شركة البيبيلاك بتطور منتجاتها أول بأول وباقي الشركات بتطلع مثائل لها وبالتالي لو عرفنا الفرق بين أنواع البيبيلاك هنروح نلاقي كل أنواع الألبان الأخرى بتماثل واحد من انواع البيبيلاك طيب نشوف كده ايه الفرق بين البان البيبيلاك؟!! Bebelac 1 مناسب للطفل المولود الذي لا يتناول رضاعة طبيعية أو قد لا تكفيه كمية لبن الأم فيضاف اليها مناسب للرضيع من 0 الى 6 شهور Bebelac 2 مناسب للرضيع من 6 أشهر الى 12 شهر (سنة) Bebelac 3 مناسب للرضيع من سن 12 شهر (ولكنه ليس ضروري) Bebelac premature للأطفال ناقصي الوزن عند الولادة Bebelac E.C يستخدم للرضع الذين يعانون بصورة مستمرة من حالت مغص مع انتفاخات وغازات زائدة (حيث أن نسبة اللاكتوز مخفضة) أيضا يمكن استخدامه للرضع أصحاب الوزن الطبيعي عند الولادة ولكن معدل زيادة وزنهم أقل من الطبيعي Bebelac A.R للرضع الذين يعانون من قيء كميات كبيرة من اللبن الصناعي بعد الرضاعة بصورة غير مرتبطة بمرض عضوي حيث انه ذو لزوجة أقل فهو أخف على المعدة Bebelac F.L للرضع الذين لا يمكنهم هضم سكر اللبن (اللاكتوز) فيتسبب لهم في حالات اسهال وانتفاخات أيضا يمكن استخدامه في الرضع الطبيعيين حينما يكونوا مصابين بحالة اسهال شديدة (حيث ان الألبان الأخرى ومنها لبن الام تحتوي على سكر اللاكتوز الذي يعمل كمسهل) ملحوظة أخيرة : في حالة عدم توفر bebelac premature أو مثائله من الألبان الأخرى يمكن الاستعانة بbebelac E.C
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#418
|
||||
|
||||
رد: في بيتنا............صيدليه
عندنا في الصيدلية ثلاثة انواع من الدياميكرون....
Diamicron tab Diamicron 30 MR Diamicron 60 MR والمادة الفعالة في التلاتة واحد وهي... gliclazide يا ترى ايه الفرق بينهم؟!! الفرق ببساطة ان الشركة المصنعة أول ما عملت عملت الأول Diamicron tab بيحتوي على 80 مج من المادة الفعالة تكفي لتغطية احتياجات 12 ساعة لمريض السكر وبالتالي كانت الجرعة الطبيعية لاستخدامه قرص مرتين يوميا (بعض المرضى كانوا في احتياج لقرص واحد فقط يوميا) أمال ايه اللي حصل؟!! ببساطة شديدة الشركة طورت آلية في تصنيع الحباية لتكون في حالة Modified release = MR وده بيخلي 30 مج فقط من المادة الفعالة يساوي في أداءه قرص 80 مج من العادي لمدة 24 ساعة كاملة فاللي كان بياخد قرصين مرتين يوميا من العادي ممكن ياخد قرصين يوميا من ال30MR قبل الفطار فقط أو قرص من ال60MR .قبل الفطار بساعة واللي كان بياخد قرص من العادي يكفيه قرص واحد فقط من ال30MR عموما البداية تكون بقرص 30MR مع متابعة مستوى السكر ملحوظة : أقصى جرعة يومية اما أربع أقراص من 30MR أو قرصين 60MR يؤخذا كجرعة واحدة قبل الافطار مميزات التركيبة الجديدة: 1- كمية اقل من المادة الفعالة مما يعني عبء أقل على الكبد والكلى 2- ضمان الحفاظ على مستوى مناسب من الدواء في الدم لأقصى فترة ممكنة 3- افراز المادة الفعالة ببطء على مدار اليوم يقلل من مخاطر حدوث الhypoglycemia آخر حاجة ان المفروض ان الدياميكرون العادة اللي هوة الدياميكرون الأخضر يكون اتلغى بالفعل من السوق المصري لوجود الاحدث منه لكن الشركة أعادت انتاجه بعد تصميم بعض مرضى السكر على استخدام القديم نتيجة لضعف الوعي..!!
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#419
|
||||
|
||||
رد: في بيتنا............صيدليه
عندنا في الصيدلية 3 أنواع رئيسية من الأنسولين
Actrapid 100iu =Humulin R Insultard 100iu= Humulin N MIxtard 100iu =Humulin 70/30 يا ترى ايه الفروقات بينهم؟ أولا: نعرف ان كل نوع من اللي على الشمال من انتاج شركةNovo nordisk مماثل تماما للي على اليمين من انتاج شركة lilly ثانيا: نعرف ان كل هذه الأنواع يحتوي ال1ml منها على 100 وحدة أنسولين ايا كان نوعه ندخل في المعلومة: A- actrapid وشهرته : أنسولين مائي =أنسولين رايق وهو عبارة عن: 1- انسولين مماثل تماما للي بيفرزه جسم الانسان 2- مفعوله وقتي.. أي أن الانسولين يعمل مباشرة بمجرد حقنه ليغطي تاثير الطعام الذي يتناوله المريض فورا (لو افترضنا ان مريض السكر من النوع الأول هيستخدم انسولين مائي فقط.. يبقى كل ما ياكل حاجة ياخد قبلها جرعة أنسولين مكافئة لهذه الوجبة) طبعا ده شيء هيبقى مرهق ومؤلم وغير عملي بالمرة..!! B-Insulatard وشهرته : الانسولين العكر عبارة عن معلق من الانسولين ليكون ذو مفعول ممتد يعني تأثيره لا يظهر الا بعد مرور مدة من الحقن (يبقى من الصعب الاعتماد عليه وحده لمريض السكر لأنه مش هيشتغل الا بعد لما يدخل في غيبوبة..!!) C-Mixtard أكثر الأنواع شيوعا في الاستخدام هو عبارة عن خليط من actrapid 30% Insulatard 70% يعني أن 1ml من الميكستارد بيتكون من 30 وحدة أكترابيد (تعطي مفعول وقتي) + 70 وحدة من انسولاتارد (تعطي مفعول ممتد) كده خلصت المعلومة؟ لا طبعا to be continue tomorrow
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#420
|
||||
|
||||
رد: في بيتنا............صيدليه
من المشاركة السابقة ممكن نستنتج
أن استخدام الMixtard هو الأنسب لمعظم مرضى السكر من النوع الأول لأنه ممكن يحتاج جرعة واحدة فقط مرة يوميا وبالكتير ممكن يحتاج جرعتين قبل الفطار وقل العشاء (طبعا الجرعة تحدد بواسطة الطبيب) لازم نعرف برضو أن اختيار 30 وحدة من الانسولين المائي مع 70 وحدة من الأنسولين الممتد المفعول تحديدا كان نتيجة لاختبارات وتجارب كثيرة لعمل توليفة مناسبة مع معظم مرضى السكر طيب لما الأنسولين الميكستارد حلو قوي كده.. ليه لسة النوعين التانيين متواجدين؟!! أولا : لأننا في حاجة لاستخدام الانسولين المائي في بعض الحالات الهامة عن طريق الوريد وابرزها غيبوبة ارتفاع السكر (الحالة التي لا يمكن فيها استخدام الميكستارد أو الانسولاتارد كونهما في صورة معلق فلا يجوز اعطاءه وريديا) ثانيا : قد لا تتوافق نسبة 70/30 في الميكستارد مع بعض الناس في ضبط نسبة السكر لديهم حينها يتدخل الطبيب المتخصص لتغيير النسبة وذلك باستخدام خليط من: الأكترابيد و الأنسولاتارد أو الأكترابيد والميكستارد فيمكن نصيحة المريض باستخدام 10 وحدات اضافية من الأكترابيد مع الميكستارد أو خلط 40 وحدة من الأكترابيد مع 60 وحدة من الانسولاتارد وهكذا الى أن يتم التوافق بين الانسولين وطبيعة وجبة المريض ومستوى السكر في الدم بكره نكمل..........
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
الكلمات الدليلية |
دواء, صيدلية |
|
|