النهاردة سرقت عربية ابويا وعملت حادثة

[the ultimate opportunity]

سلامتك يا عبدو و خلي بالك بعد كدا

[الحانوتى]

اولا حمد الله على السلامة وقدر الله وما شاء فعل
المهم تكون استفدت واتعلمت
اما بخصوص الحاج فياريت تقولة علشان هو لما يعرف منك احسن ميعرف من برة
اما بالنسبة لوضوع الحتة الصغيرة المقشرة زى الاخوة الاعضاء مقالوا عند بوهيجى نضيف وخلية يعملهالك
وبعدين انت مش كدة كدة هتقول لوالدك خلاص قولة عليها وهو هيتصرف فيها اكيد احسن منك انت
بدل ما الصنايعية يشتغلوك ولا يعكوا اى حاجة وانت مش فاهم القصة فيبهدلوا الدنيا

[reda310]

فى الاول والاخر هيعرف بس لو منك يبقى احسن
وهو هيتصرف وكمان عشان محدش يستغللك ولا يمسك عليك حاجة

[ahmed el gendy]

يا عم ولا تزعل نفسك لا انت اول ولا اخر واحد يخبط عربيه ابوه طب اقولك انا عملت ايه ف عربيه الحاج
الكلام ده يجي من 12 سنه كده كنت وقتها ف 3 اعدادي كانت العربيه كورولا 1993 وكانت لسه العربيه جايبينها جديده وكانت مش رشه وقتها الحاج بعد زن علمني بدايات السواقه اللي هي الغيارات اول وتاني لحد خامس المهم مشيت بيها يجي كيلو بس طبعا المشكله كانت ف الطلعه الاولي العربيه تبطل المهم والدي قالي خلاص بقي كده كفايه يلا عشان ورايا مصلحه صغيره وركب هو وساق وانا جنبه ونازل يقضي المصلحه بتاعته اللي مش هتاخد اكتر من ربع ساعه ونازل لقيته بياخد المفتاح قلت لا سيبه عشان الكاسيت
نزل هو من هنا وانا عاوز اسوقها واقول اللهم ما اخزيك ياشيطان لحد قلت لنفسي هاطلع بيها سنه صغيره عشان اتعلم الطلعه بس
ادور وادوس بنزين ودبرياج هوب لقيت العربيه طلعت بيا ومش طفت رحت واخدها وماشي لفيت بيها الزقازيق كلها قعدت يجي ساعه لحد الشارع اللي قبل البيت شارع صغير وعربيه واقفه ع اليمين وعربيه جايه مقابل ع الشمال وقفت ورا العربيه اللي واقفه عشان اعدي المقابل وعديت المقابل وطالع رح الجنب اليمين كله حاكك جامد ف صندوق العربيه النص نقل من عند الرفرف اللي قدام لحد اخر الباب اللي ورا واظطريت ارجع بظهري بس هي العربيه بترجع مارش ازاااي اصلا الحاج علمني غيارات لحد الخامس معلمنيش المارش ساعتها طبعا نزلت سألت السواق هي بترجع لورا ازاي ركب ورجعها لي وربنا رزقني بواحد معاه اخدها وصلني لحد البيت البيت اصلا كان ف الشارع اللي وراه
وصلت البيت لقيت الحاج واقفلي علي باب البيت زي الوحش اللي ف لعبه سوبر ماريو انت رحت فين ؟ ساعتين يا ابن ال ... وانا بادور عليك انا قلت انك وقعت بيها ف البحر اصله كان راكنها جنب البحر اللي ف الزقازيق ده كله علي فكره مكنش شاف الخبطه لان الخبطه كانت ف الجنب اليمين
ركن العربيه ف الشارع وطلع البيت بعدها بنص ساعه نزل تاني شغل له مفيش عشر دقايق ولقيته جاي نادي عليا قلت اهلاااا شكله عرف لقيت الكلام مزدوج باللسان والايادي قلت له ياعم تلاقيها اتخبطت وهي واقفه قعد يقولي اتخبطت وهي واقفه يا ابن ال ... وقعد يتخانق وانا كبرت دماغي بس بصراحه العربيه كان الجنب اليمين كله متدمرررر خطين بطوووول الرفرف والبابين وداخلين لجووه فشششخ

الكلام ده وانا ف 3 اعدادي السواقه التاليه للسياره كانت بعد التخرج و الحصول علي اعفاء من الجيش والعمل كمان قعدت ازن عليه يوميا هات العربيه اروح مشوار وهو يرفض لحد ما قرفته ف عيشته اخر ما زهق مني قالي بص العربيه زي المدام ملك فرد واحد فقط واداني العربيه القديمه وراح هو اشتري زيرو حتي معلمنيش السواقه خااالص قالي البدايات وعربيتك معاك تخبطها تكسرها تولع فيهااا انت راجل وبتشتغل اصرف عليها لما تعرف المسمار ف العربيه بكام لوحدك هتحافظ عليها

وده كانت كل علاقتي بالسياره غلطه واحده لركوبه يوم ساعه واحده دفعت تمنها 9 سنين محطتش رجلي فيها ولما حطيت رجلي حطيت معاها من جيبي بس الحاج طلع دماغه عاااااليه قووووي بصراحه

[wesby]

بص نصيحه منى وانت بتتعلم السواقه متفكرش نفسك هتبقى فان ديزل لو انت عايز تتعلم طبعا تنفض للى حواليك لانهم ديما هيعلقو عليك وامشى على مهلك لحد ما هتلاقى نفسك بقيت تمام وبتمشى زى مانت عاوز
وديما بقولها سوق سوقتك هتبهر الى حواليك
يعنى متشوفش حد عمل كذا فتحب تقلده وفداك ياعم واديك بتتعلم محدش اتولد سواق