رينو سيمبول الجديدة البديل العصرى لكليو سيدان

[POP EL GAMED]

والله ممكن يا باشا انما اللى اتقالى ان السيمبول عربيه غير الكليو السيدان وانها هتنزل تاخد مكان الكليو فى مصر هنا
لكن محدش ادانى خبر عن ان الكليو هتتلغى بس احنا ممكن نوحد جهودنا وندور وبأذن الله نوصل لاخر الموضوع ده

[Ahmed Anwer]

انا وجهة نظري الشخصية ،،

انا اوروبا مبتحبش السيارات السيدان في الفئات الصغيرة مبيحبوش غير الهاتشباك

النسخ السيدان من السيارات الصغيرة دايما بتكون متصنعه و متصممه لدول اخري

زي الجولف و الجيتا

و البيجو 206

و البولو سيدان

و ده مش عيب و لا حرام انهم يخاطبوا احتياجات معينه و اذواق لشعوب معينه

و ممكن تصححولي

بس انا كان نفسي يستوحوا شكل الكليو في تصميم السيمبول

و العبرة بالمعاينة

ايه رايك يا بوب نتفق و نروح نعاينها عالطبيعة و نصورها

[tronky]

المشاركة الأصلية كتبت بواسطة POP EL GAMED والله ممكن يا باشا انما اللى اتقالى ان السيمبول عربيه غير الكليو السيدان وانها هتنزل تاخد مكان الكليو فى مصر هنا لكن محدش ادانى خبر عن ان الكليو هتتلغى بس احنا ممكن نوحد جهودنا وندور وبأذن الله نوصل لاخر الموضوع ده

أن شاء الله هحاول أسأل و أرد عليك فى الموضوع ده يا بوب

[sam ram]

سؤال بسيط ليه معملوش السيمبول شكل الكليو الجديده بس سيدان ؟؟!!

تخميني والله اعلم ان (السيمبول) السيدان معموله للدول اللي زي حلاتنا وبالتالي سياره اقتصاديه
يعني ملهاش علاقه بالكليو الحاليه
انما الكليو السيدان كانت مبنيه على الكليو القديمه و بالتالي فضلت باسمها كليو
وبالتالي مش حينفع يسمو السيمبول كليو لانها شكل مختلف خالص
وزي ما قال مهندس احمد انور ... الكليو هاتشباك لاوروبا وبالتالي مفيش منها سيدان

لكن موضوع ان الكليو السيدان حتفضل موجوده مع السيمبول دي غريبه ... الا اذا كانت واحده من تركيا مثلا و التانيه من رومانيا ... خطوط انتاج مختلفه او ستوك و لسه مخلصش ... والله اعلم

محتاجه تنقيب من وحوش الرينو

[POP EL GAMED]

المشاركة الأصلية كتبت بواسطة sam ram سؤال بسيط ليه معملوش السيمبول شكل الكليو الجديده بس سيدان ؟؟!! تخميني والله اعلم ان (السيمبول) السيدان معموله للدول اللي زي حلاتنا وبالتالي سياره اقتصاديه يعني ملهاش علاقه بالكليو الحاليه انما الكليو السيدان كانت مبنيه على الكليو القديمه و بالتالي فضلت باسمها كليو وبالتالي مش حينفع يسمو السيمبول كليو لانها شكل مختلف خالص وزي ما قال مهندس احمد انور ... الكليو هاتشباك لاوروبا وبالتالي مفيش منها سيدان لكن موضوع ان الكليو السيدان حتفضل موجوده مع السيمبول دي غريبه ... الا اذا كانت واحده من تركيا مثلا و التانيه من رومانيا ... خطوط انتاج مختلفه او ستوك و لسه مخلصش ... والله اعلم محتاجه تنقيب من وحوش الرينو

اولا انا اللى قلت ان الهاتش باك فرنساوى ومبتنزلش مصر
وان السيدان تركى وبتنزل مصر عشان تبقى اقتصاديهptmnlo123per195
والسيمبول عربيه هتنزل بشكلها ده فى العالم كله
لانها واخده اسمين سيمبول
وتاليا
فالعربيه دى غير الكليو يا جماعه
وبالنسبه لاقتراح بشمهندس احمد انا موافق نتقف مع بعض وننزل يوم مع بعض ولو اى حد تانى يحب ينضملنا ويروح معانا يشرف