اخر اسعار قطع غيار الرينو 19 والرينبو

[zedanz2]

و الله يا باشا مش عارف اقولك ايه تسلملى يا بوب ... انا معاك قلبا و قالبا فى الكلام ده بس انا معرفش اعمل حاجه من حاجات دى خالص علشان معرفش اعمله فين و اجيبه منين و اعرف ازاى انه موتور مش معيوب و محتاج فتيس ولا لا )) انا عارف انى كده مقرف شوية ) بس معلش يا بوب مش لاقى احسن منك اساله بصراحة ... شكرا يا كبير

[POP EL GAMED]

بص يا باشا انت تجيب الموتور منين ده من اى حته فى مصر فى عزبه شلبى -الوكاله-بتوع الاستيراد(وطبعا هيزود مكسبه على الموتور فبلاش منهم)او حتى ممكن تطلع على بورسعيد
معظم المواتير بتبقى بالفتيس بتاعها ويفضل انك تشتريه بالفتيس بتاعه
وبالنسبه لموضوع الموتور معيوب مش انت اللى هتحدد ده هيبقى ميكانيكى ثقه وبيفهم رايح معاك وهو نفسه بعد ما تجيب الموتور هيركبهولك وهيظبطلك الدنيا بس بالنسبه لحوار المرور مش عارف ايه نظامه

[zedanz2]

شكرا يا جامد ربنا يخليك.... ترشحلى حد ؟؟ ولو فى فى الحرفيين تعرفو يبقا فول اوى...
الحوار ده ممكن يتكلف كام؟؟؟؟
ومعلش تعبك معايا يا بوب

[POP EL GAMED]

بالنسبه للموتور الاينرجى زى اللى عندى وده 1400 واحسن من موتور الرينبو العادى بس عيبه انه هيبقى اقدم من موديل العربيه
ولو على الموتور الاينرجى هتلاقيه عند بتوع الاستيراد فى حدود ال2500 جنيه بالفتيس بطلمبه الباور
والرقم ده من غير فصال لسه ومع بتوع اللاستيراد يعنى ممكن يقل عن كده لما تشوفه فى الوكاله ولا عزبه شلبى
ومع الاسف يا باشا انا معرفش حد ثقه فى الحرفيين

[zedanz2]

انا سالت عليه يا باشا فى صقر قريش و قالى 3500 من غير الفتيس كمان و طبعا ده غالى جدا ...ان شاء الله بسال عليه دلوقتى اهو فى كذا مكان و ربنا يسهل و اول معرف الدنيا كلها هتكلفنى كام هقولكو و علفكرة انا لسه جايب خرطوم الردياتير ب 55 جنيه و مش موجود كتير يعنى غلبنى شوية علشان اغلى من كده فى شبرا و ربنا يباركلك يا كبيييير علشان انت الى نفعتنى فى الموضوع ده و لما اركب الموتور بقا اببقى اجى اشد معاك تسلملى يا بوب يا جاااااااامد