صيانه ال30000 فى البيت مع تقييم للاداء ولا عزاء للتوكيل

[خالدخليفة]

فعلا كلامك يدل على انك راجل كبير وعاقل لانى شفت بلاوى كتير على الطرق للفيرنا لان موتورها القوى بيغرى على الجرى لكن فعلا زى متوقعت هيا اخرها 120 كيلو فى الساعة لان طول وعرض وارتفاع العربية ميقولش غير كده واذكر كذا مرة اكون جاى على طريق القاهرة / اسكندرية الصحراوى والاقى فيرنا مقلوبة ربنا يستر عليك وعلى ملاكها واذكر مرة جاى بعربيتى ( نيسان صنى 2008) من اسكندرية وكنت ماشى 2 بالليل فى رمضان وقررت الحق السحور فى البيت وكنت ماشى بسرعة 180 ونظرا لانى حافظ الطريق وقبل ميقفلو اجزاء منه دلوقت كنت ماسك الحارة الرابعه وهات ياجرى وفوجئت بفيرنا ماشية فى الحارة ال3 وعلشان ميتخضش من سرعتى العالية اديته نور وكلاكس وفوجئت بيه بعد م عديته جاى يجرى ورايا ومدينى نور وكلاكس ووسعت له تصور عدى من جنبى زى الطلقة يعنى ماشى 200 على الاقل وطبعا فهمت انه هيعمل له مصيبة نزلت السرعة لحد 150 واتاخرت عنه وحدث ماتوقعت العربية لفت حوالين نفسها ثم اخدت الطريق بالعرض وانقلبت وركنت و جريت عليها ولقيت اللى فيها الحمد لله كلهم كويسين يادوب جروح خفيفة وطلبتله الاسعاف من موبايلى و جبت له ميه وعصير كاانو معايا ومشيت بعد كده وطبعا مشكلة العربية دى ان حجمها غير مناسب للموتور وهو ده بقى التهريج الكورى بس اعتقد انهم فاهمين ان اللى بيركبوها ملتزمين ومسالة الموتور الكبير علشان سحب العربية يبقى كويس مهما ركب فيها من اوزان مش علشان السرعة العالية وده طبعا من باب حسن الظن ليس الا والله اعلم

[wanderer]

انا بشكرك جدا على الفيديو بس انت بتقول انها صيانه ال 30000
مش شايف انو فى حاجات ناقصة فى الصيانة معملتهاش

يعنى مثلا لما غيرت فلتر البنزين مش المفروض تقيس الضغط بتاع مضخه البنزين

والحساسات (حساس حرارة المتور - حساس حرارة الهوا - حساس الدق - حساس عمود الكامات - حساس الكرنق)انت ما فحصتهمش خالص فى الفيديو

يعنى انا كل اللى عايزه بس انك تتاكد من باقى الحاجات دى
علشان تكون صيانة متكاملة وياسلام بقى لو تعملنا كمان فيديوهات
لفك و تركيب المارش و الدينامو و السيور كلها
بجد تبقى استاذ ptmnlo123per154ptmnlo123p er154ptmnlo123per154
وشكرا لتانى مره,, وفى انتظار المزيد

[AHMEDCAR]

منا قولت باباشا انى كشفت على العربيه بالكمبيوتر و على كل الحساسات بالجهاز انت اكيد ما اخدتش بالك

نيجى بقى لطرمبه البنزين اكشف عليها ليه و العربيه نفسها الحمد لله شغاله كويس ده التوكيل نفسه مش بيعمل كده على فكره

ان شاء الله الصيانه الجايه هتلاقى فيها كل اللى انت عاوزه

[wanderer]

المشاركة الأصلية كتبت بواسطة AHMEDCAR منا قولت باباشا انى كشفت على العربيه بالكمبيوتر و على كل الحساسات بالجهاز انت اكيد ما اخدتش بالك نيجى بقى لطرمبه البنزين اكشف عليها ليه و العربيه نفسها الحمد لله شغاله كويس ده التوكيل نفسه مش بيعمل كده على فكره ان شاء الله الصيانه الجايه هتلاقى فيها كل اللى انت عاوزه

طيب انت يعنى كشفت على حساسات العربية بالكمبيوتر عند البنزينه ولا انت عندك جهازك ..ولو عملتها فى البنزينه طيب قولى انهى واحدة علشان اروحها انا كمان

اما بالنسبه لطرمبه البنزين انا شفت بعينى وهما بيكشفوا عليها بس التوكيل انا معرفش لان عمرى ما عملت صيانه عند توكيل,, وياريت برضه تتاكد من الموضوع ده

[teto1]

مجهود رائع