|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
26-10-2016, 11:25 PM
|
||||
|
||||
رد: مخطط تصفيه الثوره ,,
عارفين مين "بلحة" ..؟؟؟
بلحة .. ده يا حضرات هو الواد العبيط اللي اﻷخوان ضحكوا عليه بعد الثورة مباشرة وقالوا له روح أهتف يسقط حكم العسكر عشان يخافوا منك .. وبعدين خزوقوه وراحوا هما يتفاوضوا معاه .. بلحة .. ده اﻷهبل اللي كانوا اﻷخوان والسلفيين يسخنوه ينزل يتظاهر كل جمعه ويقولوا له معاك يا رفيق كتف بكتف عيب عليك .. وبعدين يسيبوه يواجه مصيره مع الشرطة .. (حتى أسألو العجل أبن اﻷمريكانية) .. بلحة .. ده اللي اﻷخوان عيشوه في دور الثائر وبعدين ضحكوا عليه وسرقوا منه ثورته ومجلس الشعب والشورى والنقابات وكان ناقص يسرقوا منه المنطلون .. (هم غالبا سرقوه بس هو مكسوف يقول) .. بلحة .. ده عبيط القرية اللي عصر على نفسه لمونة عشان يوصل جماعة أرهابية لحكم مصر .. عشان خايف نظام مبارك يرجع .. (هم اﻷخوان قالوله كده) .. بلحة .. ده اللي الخرفان كان كل ما ينزل يتظاهر ضدهم يخدوه في الخرابة الضلمة اللي ورا قصر اﻷتحادية وميرضوش يدوله المعلوم .. بلحة .. ده اللي كان بيقول على السيسي أخوانجي وقت حكم الخروف مرسي .. وبعدين قال عليه ده خليفة مبارك .. وبعدين قال ده مبارك كان ملاك جنبه .. بلحة .. ده اللي قعد يعيط ويطالب السيسي بأزاحة الأخوان من السلطة وبفض أعتصام رابعة ولو بالقوة ولما عزلهم وفضوه قعد يقولنا والفسيل الوطني والدم كله حرام (طوخه بس متعوروش يا بوي) .. بلحة .. ده اللي قعد عملنا فيها عشر رجالة في بعض وقالك النسر بتاعنا هو اللي هيكتسح السيسي في أنتخابات الرئاسة .. وبعدين معرفش يجمعله التوكيلات اللي تدخله السباق .. ولما الدولة ساعدته ودخل طلع ترتيبه التالت بعد الاصوات الباطلة في سابقة لم تحدث في تاريخ أي ديموقراطية في العالم كله .. بلحة .. ده هو اللي في قضية تيران وسنافير طلع يقولنا أن الملك سليمان كفيل السيسي .. وفي موضوع سوريا طلع يشتم السيسي ويقول ده بيخرب مصر وهيجوعنا عشان رفض يمشي تحت طوع السعودية .. بلحة .. ده هو اللي قعد يساعد اﻷرهابيين بغبائه وسفهه عشان يخرب السياحة .. وبعدين قاعد يعيط على الدولار اللي غلي .. بلحة .. ده اللي قعد يقولنا أن قناة السويس الجديدة فنكوش وبعدين قالنا دي هتغرق وهتبوظ القديمه وبعدين قالنا دي الشركات سابت المشروع وطفشت ولما أفتتحناها قال عليها دي ترعة وطشت أمه أكبر منها .. بلحة .. ده اللي كان بيعاير مبارك بفشله في علاج الفشل الكلوي وفيرس سي .. ولما منظمة الصحة أشادت بدور مصر الرائد في علاج فيرس سي .. عمل نفسه من بنها .. بلحة .. ده هو اللي غمض عينه عن أصلاح منظومة الخبز والتمويين والكهربا والغاز والبنزين والمساكن الجديدة للعشوائيات والطرق والمشاريع القومية العملاقة اللي بتشغل ألاف العاطلين .. وأنبهر قوي بكلام سواق التوكتوك .. وعايز يعمل صاورة عشان السكر غلي .. بلحة .. ده هو اللي ما بيصدق أي أشاعة يطلعها خرفان المرشد عشان يجري ينشرها بكل حيوية ونشاط .. ولما نكذبها يبص في السقف ويعمل نفسه فيها حودة العبيط .. بلحة .. ده هو اللي كل شوية يطلع يتشحتف ويتضامن على واحد محبوس ولا تايه ومحدش لاقيه .. وبعدين نكتشف أنه يا أرهابي من اللي معاهم الجنسية الامريكية وكان محتاج ضغط أعلامي عشان يخلع على أمريكا .. أو نكتشف أنه طفشان بيجاهد مع الدواعش في سوريا .. بلحة .. ده هو اللي صدق أن مصر هتعمل قواعد عسكرية لروسيا وهتبيع لها حاملتين الطائرات الجديدة اللي لسة شارينهم "بوان دولار" .. (أه والمصحف قال كده) .. بلحة .. ده لينا معاه صولات وجولات محتاجة مجلدات نكتب ونتحاكى عن عتهه وسفاهته اللي معيشنا فيها بقالنا خمس سنيين .. مش بوست صغير على الفيس بوك .. كل ده وأحنا محتسبين وصابرين عليه وبنعتبره أبتلاء وتخليص ذنوب من ربنا .. عسى في يوم ربنا يتوب عليه ويعقل أو يرحمنا ويريح البشرية من شروره ...  😂😂منقووووووووول 
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
|
|
