|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
13-10-2016, 01:29 PM
|
||||
|
||||
رد: مخطط تصفيه الثوره ,,
سالى سليم تكتب: 11/11
لازم تمشي يا سيسي، وروح الثورة هترجع تاني في 11-11.. السويت كورن يا كفرة بقت بضعف التمن، المارشميلو مش لاقينها في السوبرماركتس واللوكر بقى بـ 11 جنيه، برغم إنها طلعت إشاعة بس هنصدقها وممشينها بـ11 جنيه.
أنت إيه يا راجل، قد كدة مش حاسس بشعبك وشبابه الغلبان المنبطح على سمارت فونه طول اليوم، من باب الإيد البطالة نكسة!! إيه يعني منظومة التموين اتسعت لاستيعاب كام ألف أسرة زيادة .. طز. إيه يعني المعاش الاستثنائي بقي بيستفاد منه كام ألف أسرة جديدة تحت خط الفقر بقالهم سنتين ... طز. العيش مدعم .. هتذلنا! البنزين مدعم .. دة غصب عن عين الدولة، ولا أنت شفت دول الخليج بيعملوا إيه وعايز تعمل زيهم وتشيل الدعم وتفرض ضرايب جديدة ولا يوزك عقلك تعطل دفع مرتبات الموظفين 4 شهور زي السعودية؟!! تجيب منين مش مشكلتنا، احنا كل اللي علينا نخلف وننسي نربي و بس. مش علشان واجهتنا بصراحة بحقيقة الورث التقيل اللي استلمته والتحديات والمشكلات من التجريف السياسي والتردي الاقتصادي والظلم الاجتماعي وغياب العدالة، اللي عانى منها المواطن المصري لسنوات هتصدعنا وتقول لنا اشتغلوا!! نفذت برنامج لتأهيل الشباب للوظائف القيادية في الدولة، وقدرت تنهي تبعية مصر في علاقاتها الخارجية، بقى لينا توجه استراتيجي بيعتمد على الندية والالتزام والاحترام المتبادل مع دول العالم، مع استحالة التدخل في شؤون مصر الداخلية.. ولا يفرق معانا الكلام ده! دخلتنا مجلس الأمن .. أيوة استفدنا إيه بقى!! رجعت الأمن للبلد بعد عمليات السرقة والخطف والتفجير ما كانت مالية مصر، ونزلت الرجالة يواجهوا ويموتوا بدالنا .. هو حد قالكم اننا مش عايزين نموت!! عملت مشروعات عملاقة للنهوض بالاقتصاد المصري اللي كان قرب يتدفن وجبتلنا استثمارات أجنبية بتريليون و 40 مليار جنيه؛ علشان توقف البلد على أساس قوي .. ولا يهمنا .. فين اللحمة؟؟ احنا مش مجهزين أي حد يمسك رئيس مكانك لأنه بصراحة الأحزاب - مش هنخبي عليك – تعر، وعارفين إن أي تحرك ثوري الآن مؤداه انهيار البلد تمامًا ... يعني هيجيبها لمس أكتاف. ومش من الطبيعي اننا كل سنتين وكام شهر نشيل رئيس ونجيب رئيس تاني .. بس فلوسنا خلصت وبردو هننزل علشان القاضية فلوسها أكتر وحساباتنا بتهوي. العقل الباطن لأي طفل في إعدادي قادر يدرك إن أي تحرك هيخدم التيار اللي هيدمر البلد، ولو الأمور فلتت نبقى بنقول علي البلد دي وحدووووه... ما فيش حد منزل من السماء وكلنا عندنا أخطاء، وأي طريقة حكم فيها أخطاء وما تنكروش إنه الراجل بيحاول بقدر الإمكان .. صحيح المردود مش سريع لكنه بيحاول. كل الجبهات مفتوحة علينا من كل ناحية، وده مش سر، ده واقع غير مبالغ فيه عايشينه بشكل يومي.. ما فيش حد يهد الأرض اللي هو واقف عليها... واللي مش مدرك اننا ما بقاش حيلتنا رفاهية الخساير ينزل 11-11 
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
|
|
