|
#366
14-08-2010, 05:24 PM
|
||||
|
||||
رد: أدب الرحلات
ثانيا مابنخفش
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#367
14-08-2010, 05:35 PM
|
||||
|
||||
|
رد: أدب الرحلات
ولازلنا فى محطة مصر
والناس بتوع كشك الاستعلامات كانو بيصعبو عليا جدااااا من الرد على التليفون للاسئلة اللى معظمها عبيط من الركاب لختم اشتراكات الكيلو متر وحاولت اخفف عنهم شوية فقررت اثناء ختم الاشتراك بتاعى انى أرد على الزباين بدلا منهم وقد كان بقى واحد يرد على التليفون والتانى بيكتب المسافة ويختم الاشتراك وفى اثناء عملية تنزيل المسافة وختم الاشتراك (حوالىدقيقة) بكون رديت على اكتر من 10 ركاب مسافرين وكانو يضحكو لان اول مرة يشوفو راكب جميع قطارات السكة الحديد فى دماغه وبيرد بلاتردد او تفكير وطبعا شىء عجيب وسألونى انت شغال ايه (لانى اشتراكى كيلو متر يعنى مش موظف فى الهيئة) صاحب شركة صغيرة اهلا بيك بس انت حافظ معظم المواعيد لانى بسافر كل يوم بقى لى مده وكل حتة من مطروح لاسوان كان الله فى العون وتوطدت العلاقة بيننى وبينهم وكل م اروح اختم الاشتراك يتلكعو (يتلكأو) فى الختم اكون مشيت اكبر عدد وانا افهم واطنش وخصوصا الناس تسأل اسئلة عجيبة واحد ماسك التذكرة ف ايده وبمنتهى العنجهية (القلاطة /الأنفة/ألتناكة) رصيف القطار ده فين ويبقى فى ورقة ملزوقه على الشباك بتقول ان قطار رقم كذا قايم من رصيف كذا الساعة كذا وانا اقرا و أرد وهكذا وكانو 3 بيعملو بهمة ونشاط هذه الاسماء من الذاكرة الاستاذ سعيد والاستاذ محمد والاستاذ جرجس وف يوم اختفى جرجس ايه ده عم جرجس فين بيعمل عملية خطيرة فى المعده ربنا يشفيه امين يارب وبعده بشهر قابلت جرجس الساعة 1 بالليل حمدا لله على السلامة الله يسلمك صحتى مبقتش متحملة فاخدت وردية بالليل بعيد عن الوش بستلم 1 بالليل وبسلم 8 الصبح اهو ارحم من شغل النهار ربنا يعينك ويديك الصحة ومشيت وتبدلت الاحوال وجابو مجموعة ستات متعرفش تكلم واحدة فيهم ولو تجرأت وقاطعتها اثناء الرغى مع زميلاتها فى اى كلام فارغ تشخط فيك شىء عجيب والله موضوع حقوق المرأة ده اللى أكل حقوقنا تمااااااما
|
|
#368
14-08-2010, 06:14 PM
|
||||
|
||||
رد: أدب الرحلات
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#369
14-08-2010, 06:27 PM
|
||||
|
||||
|
رد: أدب الرحلات
ومازلنا فى محطة مصر
صرافين تذاكر بحرى ناس مؤدبين محترمين ويخدموك ويدورو على كرسى فاضى ويحاولو يتصرفو المهم انك تسافر وانت مستريح كنت اروح هناك كل يوم واختم الاشتراك لمكان مختلف وواحد فيهم سألنى ايه ياعم ده صحتك ده شغل وغية (غاوى يعنى) ربنا يعينك وبتشتغل فى ايه فى تجارة العطور ااااااه هو انت سبب الريحة الحلوة دى ايوه طب عايزين ازازة عينى وتانى يوم اجيب ازازة بليه ريحتها جميلة مش اى كلام واديهاله كام عيب والله تمنها وصل لازم تقول لا والله دى هدية لله ربنا يخليك وكنت اروح لصرافين قبلى مساكين الضغط عليهم جبااااااااااار القطارات اقل من الركاب اللى عايزة تسافر والناتج مشاكل طول النهار ملحوظة فى الصعيد 99% من الصعايدة يفضل القطار ولايلجأ الى الميكروباس او الاتوبيس الا ان لم يجد وسيلة للسفر بالقطار والواحد فيهم برضه مبيقدرش يزوغ لانه هيروح فين والزباين كتير ولذلك دايما تلاقى الواحد فيهم تعبان وهلكان ودايما مرهق وعصبى وعبوس (مكشر) وكنت دايما اعيب على قرايبى الصعايدة انهم تاعبين الناس بالمنظر ده باسئلتهم الكتير ومشاكلهم اللتى لاتنتهى ابدا وهو الموظف ذنبه ايه يعنى هو فى مكان ومحجزوش وكانو كلهم كده ماعدا واحد اعتقد اسمه الاستاذ / ايهاب راجل محترم وطيب وبيضحك فى وش الناس ومن بلد اسمها اسطنها تبع المنوفية بس هو بينزل بنها وياخد عربية لاسطنها لانها اقرب لبنها المهم الى ان حدثت حركة تنقلات غيرت هذه الفكرة تماااااااما ودخلت شبابيك بحرى (الدرجة التانية ) لقيت بتوع قبلى خير حركة تنقلات مبروك على ايه احنا جينا من رصيف 11 لرصيف 8 عايز ايه تذكرة طنطا فى 931 3 وربع ياساتر ايه ده ايه طريقة الكلام دى يبقى انا كنت ظالم الصعايدة لما قلت انهم بيخلو الموظف يطلع من هدومه وروحت لايهاب مبروك ياحبيبى الله يكرمك ياعم خالد بس التغيير حلو برضه راح مقرب من ودنى وهمس فيها اللى عايز يتغير شوية البنى آدمين دول معاملتهم زفت للناس والله انا عايز اسيب الوردية دى ياسيدى ولايهمك مفيش حاجة بتفضل على حالها هيمشو من وشك فى يوم ما ضحك وقال حلو ة فى يوم ما دى هبقى اجيبلك شوية ف ورقة المرة الجاية وضحكنا ومشيت وروحت على صرافين قبلى لقيت بتوع بحرى هناك ازيك ياطروق (طارق) ايه ياحبيبى الف مبروك التنقلات الله يبارك فيك معلش هتتعب مع الصعايدة قرايبى شوية ياراجل حرام عليك ده قرايبك دول ناس زى العسل والله اه والله غلابة وطيبين ويسمعو الكلام ولما تفهمهم يفهمو انا بهزار / يفهمو ؟؟؟؟ معقولة دى ضحك وقال/ اه والله بيساعدونى فى الشغل لكن فى بحرى كنا نفهم الواحد من دول يفضل يقاوح ويفتكر اننا مخبيين التذاكر طب هنخبيها ليه وهنعمل بيها ايه ويشتكونا كل شوية ويزعق فينا واحيانا فى ناس لما متلاقيش تذاكر تشتمنا طب و احنا ذنبنا ايه هنا أريح ياعم وسبته ومشيت طبعا دى سياسات الهيئة الفاشلة المفروض( وده مش اختراعى ده كلام شفته وجربته ) لما يزيد انتظارالحجز فى بحرى عن 3 أيام بيطلع خطوط جديدة وان زاد فى قبلى عن 5 ايام بيطلع خطوط جديدة والملحوظة التانية ان الصعايدة اصحاب الخط الطويل مظاليم القطارات الرخيصة اللى بتروح قبلى قليلة جدا بالمقارنة ببحرى والناتج مشاكل فى الحجز والسفر واللجوء لرعاع الميكروباس اضطراريا وطبعا اللى بيواجه المواقف دى كلها مش اصحاب المكاتب المكيفة وانما الموظف الغلبان هو اللى بيواجه الركاب وأذكر قرار أصدره منصور شخصيا و ده كان من اغبى القرارات اللى صدرت فى تاريخ الهيئة ويدل على واحد مش فاهم ولاحاجة وقبل م نقول القرار نشرح نظام الغرامات نظام الغرامات للركوب بدون تذكرة القطارات العادية / 50 قرش الفرنساوى / 3 جنيه الاسبانى والتوربينى / 6 جنيه والنوم / ليس له غرامات لان ممنوع الركوب فيه بدون حجز بالمناسبة قطارات النوم تابعة لشركة قطاع خاص اسمها ابيلا مصر ولاتتبع السكة الحديد (انا عارف ان 95% من الناس ميعرفش المعلومة دى) والقرار الغبى كان بيقول توحيد الغرامة على جميع القطارات مع رفع قيمتها الى 10 جنيه طبعا الكل هنا مظاليم بس بنسب متفاوتة يعنى الغلابة اللى غرامتهم 50 قرش تبقى 10 جنيه ازاى اذا كان التذكرة لطنطا ب4.5 جنيه واحد ركب من غير تذكرة يدفع 14.5 ده كلام ده تشجيع للميكروباس وطبعا صاحبنا تاجر عربيات وهيجيب شوية ميكروباس علشان يبيعهم بالذمة ده كلام وفى كمسارى قال / اثناء الاضراب اذا كان هما بيدفعو ال3 ونص بالعافيه هيدوهالنا 13 ازاى وطبعا السواقين كلهم والكمسارية عملو اضراب لمد 3 ساعات اتشقلب فيهم كيان البلد ونزل بسلامته يحايل فيهم طب ادرس القرار قبل م تنزله بدل متقعد تحايل فيهم ورفضو اى حلول وسط وقالو احنا اللى بنواجه الركاب مش اصحاب المكاتب المكيفة اللى بيطلعو القرار ويرموه واحنا نواجه توابع القرار وفعلا رجع فى قراره بعد اقل من 5 ساعات وعلشان يطلعوه منها بطريقة شيك المنافقين عملو يافطة تأييد وشكر للباشا على انه استمع لشكاوى السائقين والكمسارية وكنت ادخل المحطة كل يوم واقول ايه الكلام الفارغ ده اذا كان ده قراره ورجع فيه بيشكروه انه رجع فيه؟؟؟؟؟؟؟؟!!!!!!! شىء عجيب التعديل الأخير تم بواسطة خالدخليفة ; 14-08-2010 الساعة 06:33 PM
|
|
#370
14-08-2010, 06:49 PM
|
||||
|
||||
|
رد: أدب الرحلات
الحقيقه اننى متابع صامت و قرأت الموضوع من الأول
و أود أن أعبر عن اعجابى و تقديرى للموضوع و كاتبه الأستاذ / خالد فهذا الموضوع يمس الطبيعة المصرية الأصيله من الجذور و هو بذرة صالحة لكتاب .... يمكن أن يسمى " يوميات مسافر فى السكة الحديد " و فى انتظار المزيد بشوق و لهفة .... و عذرا لو لم استطع المشاركة بالكتابة و ذلك لعارض مرضى و لكن تأكد أنى متابع للموضوع تماما
|
 |
|
|
