ارشيف الاستراحة 2009

[islam_galal]

علشان ضابط الجيش تكون ليه عربية لازم يكون علي الأقل مقدم (فوق 35 سنة تقريبا) غير كده اتوبيسات القوات المسلحة

[Ahmed Anwer]

علي فكرة في اسرائيل

فيه قانون ،،

القانون ده بيدي الحق لاي رجل عسكري في حالة الحرب او الاستدعاء

انه يوقف اي عربية و يامرها انها توديه مكان خدمته

و يا ويله من لا يقبل انه ينقل العسكري في حالة الحرب او الاستدعاء

[sh_masry]

المشاركة الأصلية كتبت بواسطة Ahmed Anwer علي فكرة في اسرائيل فيه قانون ،، القانون ده بيدي الحق لاي رجل عسكري في حالة الحرب او الاستدعاء انه يوقف اي عربية و يامرها انها توديه مكان خدمته و يا ويله من لا يقبل انه ينقل العسكري في حالة الحرب او الاستدعاء

بس يا احمد باشا ده حق على اى حد ناحيه البلد و بالذات ناحيه الرجاله اللى بيحموا المواطن و البلد فى حاله الحرب و اكيد اى حد هايعمل كده بطيب خاطر .....

و بالنسبه لردى على dr 3esho اى حق اللى واخده الجيش اللى اكتر من الداخليه ده ؟؟ و بعدين انت عارف ان امين الشرطه (و اقسم بالله ان الكلام ده حصل ) لو ماوقفتش علشان تركبه معاك ممكن يعملك مخالفه و انا قصدى طبعا عن ذوى النفوس الضعيفه اللى فى المرور و ما اكترهم طبعا !!
و بعدين اتفرج على احترام ظابط الجيش لما تكون بتكلمه فى اى مشكله بينك و بينه و لو حتى انت اللى غلطان و قارن نفس الموقف مع احد رجال الداخليه !!!
و البدله الميرى للداخليه اللى بتقول ان ليها احترامها ده كان زمان لأن اللى كان لابسها شخص محترم فى الأصل النهارده البدله دى للأسف اطمرمطت و بقى ممكن تلاقى اللى مايسواش لابسها و بيفرض سطوته عليك بسبب البدله

[AbOnOrA]

جامد القانون الاسرئيلى ده خاصة ان البلد على طول فى حرب ptmnlo123per144...

والله يا شريف انا بقف كتير لاى حد فعلا مش اى حد اى حد يعنى بس على سبيل المثال بتوع الشرطة اللى بشوفهم بيشاوروا لو فى طريقى بقفلهم وبركبهم من غير ما اسئل على كارنية او حاجة لانى عارف اماكن وقوفهم وبالاخص على الدائرى

بالنسبة لظابط الجيش او افراد القوات المسلحة عامة فانا شخصياً عمرى ما شوفت حد فيهم بيشاور لعربية ايا كانت

ولو شوفت اكيد هقفلة عادى جداً

من ناحية تانية اللى طول عمرى بلاحظة ومعتقدش ان حد يختلف عليه ان دايما الناس بتعامل ظباط افراد القوات المسلحة باحترام وبود وتعاطف حقيقى اكتر من اى حد

وشوفوا الناس بتعمل ايه مع العساكر حتى اللى فى خدمتهم واللى قضى خدمة فى الجيش اكيد عارف الناس بتبقى متعاطفة معاه ازاى

غير كده اى اسرة ( اب وام واطفال) فى الطريق فى وقت المواصلات فيه قليلة او الجو وحش بعرض عليهم انى اوصلهم او اقربهم وفيه ناس بتركب معايا وناس بتتحرج وبصراحة انا اصلا الاول كنت بتحرج وخاصة لو حد قالى لاء لا ء شكرا ً وكنت بتكسف اوى بس بعد كده بقى موضوع عادى وبقرب منهم اسلم واسئلهم اقدر اوصلهم او اقربهم او لاء وبتقبل الرد اياً كان وبقى ليا مغامرات كتير مع الناس بسبب الموضوع ده او العادة ديه وبحمد ربنا عليها الحمد لله

[sh_masry]

المشاركة الأصلية كتبت بواسطة AboNoRa والله يا شريف انا بقف كتير لاى حد فعلا مش اى حد اى حد يعنى بس على سبيل المثال بتوع الشرطة اللى بشوفهم بيشاوروا لو فى طريقى بقفلهم وبركبهم من غير ما اسئل على كارنية او حاجة لانى عارف اماكن وقوفهم وبالاخص على الدائرى

ظباط القوات المسلحه عمرى ما شفتهم بيشاوروا لحد من احترامهم لنفسهم بس لو وقفت هايركبوا معاك و هايقدروا الموضوع ده جدا و يشكروا اللى ركبهم معاه بطريقه تخليك تتكسف من نفسك و بصراحه انا بحب اقفلهم على طول اول ما اشوفهم فى اى مكان زى الدائرى مثلا و فعلا بيبقى محرج و هو راكب معاك انما اى حد تانى لا لا لا حتى و لو كان بسيفين و نسر تبع الداخليه .... يا اخى ده انا مره كان فيه واحد سواق عربيه مقطوره بيجرى على الأوتوستراد فوق ال 140 و جريت علشان ابقى قدامه و كان نفسى اشوف ظابط مرور واحد , المهم انا كان المفروض ادخل المعادى بس كملت و قلت مش هاسيبه لغايه ملاقى لجنه او اى حد من المرور اللى مطلع عنينا علشان الحزام و اذ بى فجاءه الاقى لجنه مكونه من لواء و عميد و نقيب و الحاشيه بتاعتهم طبعا رحت نازل مكلم اللواء و حكيتله موضوع العربيه المقطوره اللى جايه ورايا و راح موقف الطريق و نبهه على الظباط اللى معاه انهم يوقفوا المقطره دى ...... و هب دخل المقطره على اللجنه و انا و لا كأنى واقف و راح ممشى المقطره علشان الباشا السواق معاه امين شرطه راكب معاه ..... يا اخى .... على دى بلد