كرهت السواقة فيات 127 او اي سياراة قديمة مش بسب الاعطال بل بسب الناس

[abo-salama]

لا تحزن يا استاذ احمد هم لديهم عقد وانت رجل طيب وبذالك يقاس ايمانك وطهارة يدك ربنا يفتح لك مزيد من الرحمة والبركة

[A7MED NASSER]

و لا تزعل يا احمد باشا

امال بقى لما انا بمشي بعربية اختي ال 126 مش 127 كمان و طبعا لازم عالاقل تعطل في الشهر مرتين
و لا حاجه لازم بروح انا اوديها للميكانيكي . بلاقي تريقة بالهبل . كفاية لما ابقى واقف بيها في الشارع مثلا
و اللاقي بنت صغيره ما كملتش سنتين و نص تقريبا ( يدوبك بتتكلم) و تقول لممامتها و هي ماشيه
(ايه العربيه الصغيره دي يا ماما دي عامله زي الفار الصغير) طيب بنت زي دي بالسن ده
هترد عليها هتقولها ايه

طبعا : طول ما انا راكبها بطنش . ده غير اللي عارفني بقى يعدوا يقولي (تنزل من سيراتو و تركب علبة الكبريت
دي ازاااي) و برضوا ما بشغلش دماغي . بس برضوا و انا سايقها ما ببقاش حامل هم اي حاجه زي السيراتو
يعني لو فكرت اخد حقى هاخده و من غير ازعل خالص . الحكاية كلها هتكون معايا ايه 100 جنية
ما فيهاش مشكله (ما تجيش فانوس شبوره في السيراتو) بس هبقى اتبسط . بس لغاية الوقتي
انا باخد كل ده بهزار و ضحك و لا بحط في دماغي و بكده انا بغظهم زياده كمان

لصاحب الموضوع و شكرا ً

[sayed2077]

انا بقى معايا 128
بروح بيها الجامعه كل يوم وبصراحه بقيت مشهور جدا لانهم كلهم بينادونى بسيد فيات هههههههههه اه والله ومع ان فيه ناس كتيير اوى معايا جاية من الخليج واقل واحد معاه سيراتوا بس مش بتبقى بتاعتهم 100% ومش بيجوا على طول غير كدا لو انا لقيت اى حد واقف فى اى مكان بستجدع معاه واقفلوه واوديه الحته اللى هو عاوزها و ده بصراحه خلانى محبوب جدا ما بين الشباب لانهم عارفين انى جدع معاهم ولو حد عطل او حصله اى حاجه بقى بيتصل بيا ويقولى على المشكله واحاول احلها ليه وفعلا ال 128 معايا مميزة جدا مش عارف ليه الحمد لله انا ظبطها تمام وكل ما اروح حته كل الناس الموجوده تقولى تبيع تبيع هههههه غير كدا لما بمشى على الكورنيش بعتبر ال 128 زى اللانوس اللانوس متقدرش تشد بيها لو على سرعات ماتور منخفضه انا برضوا نفس الحكاية لما بحب اجرى بجيب سرعة ال 80 على الرابع وبعدها اطلق لنفسك العنان بتجيب 130 بكل سهولة مع بنزين 80 ولو 92 اتفرج بقى هتعمل اييه وفعلا بجيب عربيات حديثه بس اهم حاجه يكون طريق طويل يعنى مش قصير علشان الماتور بيجمع لغاية سرعة ال 80 فوقت كبير بعد كدا بيجمع بسرعه جدا بعد ال 80 والحمد لله ال 128 بصراحه افادتنى كتيير جدا فى مواقف كتيير وفعلا هتبقى ديه عربيه غالية اوووى عاليه لو بعتها علشان كده لو فكرت ابيع هبيعها لواحد قريبى علشان تبقى تحت عينى على طول
I LOVE 128

[محمد عبد النور]

د قلة ادب واضحة واللى بيعمل كده مش متربى هو ماله ما يخليه فى حاله عامة متشغلش بالك ولا تضايق نفسك

[emadwady]

ا استاذ احمد دى عيال قليلة الادب ولو تعبان فى تمن العربية وعارف الفلوس بتيجى ازاى مكنش قالك كدا ... وعلى رأى اللى بيقول تلاقى امة اللى جايباها له ... أنا برضوا معايا 125 وبسمع رخامة كتير بس ربنا خلق لى ودنين اسمع من هنا وافوت من هنا