عايز أركن قصاد بيتي

[fighter2020]

المشكلة بقى ياجماعة ان والدى اشترالنا بيت فى عين شمس قرب المساكن بس مش فيها بيت كامل المهم هو فى حارة مسدودة تشيل عربيتين واحدة راكنة والتانية بتتحرك المهم الحارة كلها معاهم عربيات المشكلة بقى اننهم اتفققوا يركنوا على ناحية واحدة اللى هى قدام بيتنا بس انا معنديش عربية ومسالم جدا وماليش فى الاذية والله مرة كنا بنوضب الشقة وعايزين نشيل العربيات فضلنا مستنين ساعة عقبال مكل واحد ياكل ويغير وينزل وطبعا فلوس وفى مرة طلعت خبطت على واحد مرضيش يفتح والصنايعية حطين الونش على السطح وطبعا اليوميات محسوبة واخبط على صاحب التاكس ينزل يشيلة مبيردش فنزلت من ضيقى طفشتة بطريقة قديمة اتعلمتها فقولت بلاش واجرب تانى ببص لبلكونتة لاقيتة باصص من ورا الشيش طلعتلة وقالى ثوانى ونزل جرى بيلبس على السلم .
قولت الناس مش زى بعضها اتفاجات بواحد تانى من كام يوم بيقولى دة فلان عايز يحط حديد قدام بيتنا عشان يحجز ركنة فضحكت وقولتلة لا طبعا وواحد تانى رائد جيش فى الجوية بيكلمنى بارف وبيقولى لما تنزل رملة خدها على جنب عشان اركن قولتلة ابقى زحها انت لو عرفت انا مبخفش من ظباط انا مش عسكرى عندك فوالدى قعد يضحك وانا وحيد يعنى مليش فالخناقات والبهدلة والله مش عارف احط حديد قدام البيت واتخانق وخلاص مع العلم انتوا عارفين الخناقات بقت بالسلاح كانة مثلا بيتخانق بالحزام ووانا ماليش فى الجو دة ولا اسيبهم يركنوا تحت البيت مع العلم تحت البيت فى دكنتين هاعملهم جراج لو جبت عربية بس بردة بيركنوا قدامهم شورو عليا بجد اتخنقت

[SHABRO]

مع احترامي لحضرتك يا دكتور , هو فعلا اللي عايش في عمارة مش من حقه يحجز الركنة اللي ادامها باي طريقة , وبرضه مش من حق محل يحجز الرصيف اللي ادامه عشان محدش يركن , المفروض كان عمل باركنج تحت الأرض او جراش لكل شقة....
هو بس احنا بنفتقر للأدب في تعاملنا مع بعض شوية ..

[ahmed_zamalek7]

والله عموما موضوع الركن بقى مقرف جدا خصوصا فى القاهره انا بقيت بقرف انزل البلد ديه كمان مفروض الجرجات البقيت محلات تتلغى ويرجعوها جرجات تانى والمحلات تتنقل فى مولات ويشوفو التكاليف الاقتصاديه مفيش نظام خالص وبعيد عن الركن اسلوب السواقين سواء تاكس او ميكروباص او ملاكى بقيت زفت امبارح فى الزقازيق خناقه كانت بكذلك ومطاوى عشان خبطه عربيه واحد راكن صف ثالث وبيفتح الباب قام واحد خابطه طب ازاى وروقو بعض وفى الاخر محدش صلح لحد حاجه

[Elawany13]

المشاركة الأصلية كتبت بواسطة SHABRO مع احترامي لحضرتك يا دكتور , هو فعلا اللي عايش في عمارة مش من حقه يحجز الركنة اللي ادامها باي طريقة , وبرضه مش من حق محل يحجز الرصيف اللي ادامه عشان محدش يركن , المفروض كان عمل باركنج تحت الأرض او جراش لكل شقة.... هو بس احنا بنفتقر للأدب في تعاملنا مع بعض شوية ..

1111111111111111

[mohamed elshahat]

:w6w2 00504112236376d