بعد المقارنة بين M11 واللوجان ...يبقى السؤال المحير !!!!!!!

[mahshahin]

المشاركة الأصلية كتبت بواسطة MOSTAFA SALLAM على فكرة انا كان نفسى فى الأسبرانزا ام 11 بس للأسف بعد اول عربية صينى اشتريتها كرهت الصينى كله والله و قولت اجيب حاجة تعيش و فى نفس الوقت لها اسم فى السوق و توكيلها يكون محترم و تقعد معايا على الأقل 5 سنوات بدون مشاكل لأن انا واحد من الناس بحب اجيب العربية زيرو و تقعد معايا لغاية متبتدى تطلب فلوس و اقوم بيعها و جايب عربية زيرو تانية و هكذا .بس مينفعش تضحى بعربية بالكامل علشان شوية ابشنز و شكل و بعدين اللوجان انا شايف انها سيمبل من الداخل مع مواد محترمة و ابشنز جامد برضه زى كمبيوتر الرحلات الى الكاسيت المالتى فاكشن الى الفرش الجلد المجملى للى فى اللوجان البلاك لاين اضافة الى الكمليات الأخرى . و بالنسبة لفتح التنك من الخارج فدى وسيلة امام لأن فى فرنسا مفيش حد بيمون و هو قاعد جوة العربية او حاطت المفتاح فيها . و بالنسبة ايضا للأماكن ازرار الزجاجاج و الكلاكس فدة شىء طبيعى فى اى عربية فرنسية لأن فرنسا لازم يكون لها تصميم خاص بالعربية لتكون مميزة عن باقى العربيات الألمانى و اليبانى و الأوربى و الكورى و الماليزى و الصينى و غيره . و بعدين سهل على الشركة الأم انها تخلى الكلاكس فى الطارى و اماكن ازرار الزجاج فى الباب لأنها مش معضلة يعنى كلها حاجات بسيطة . و بالنسبة للشنطة فانت كدة كدة هتضطر تنزل علشان تحط اللى انت عاوزه فى الشنطة ولا هتفتح الشنطة من جوة و تخلى اى واحد ماشى فى الشارع هو اللى يحطلك اللى انت عاوزه او هى تحط نفسها بنفسها !!! فكل مشكلة و ليها حلها و اعتقد ان كل دى شوية حاجات هابلة و متنساش ان اللوجان تقفيل المغربى اللى موجودة فى الشوق حاليا نازلة من 2010 و الأسبرانزا ام11 نازلة من 2009 و اللوجان تفوقت عليها و اكتسحت السوق و انا شايف ان مبيعات فئة السبعين قلت بشكل ملاحظ لما اللوجان نزلت و متقلقش من قطع الغيار موجودة و فى منها التيوانى و التركى و الصينى و الأصلى و طبعا كل حاجة و بتمنها و متقلقش ايضا من اعادة البيع لأن اللوجان بتتباع بسرعة و سعر اعادة البيع زى الانوس و الفيرنا و توكيلها محترم للغاية و اى حاجة بيشلها التوكيل طول م العربية فى فترة الضمان . و لكن انا بنصحك بعدم شراء اللوجان لأنك مش قادر تتقبل تصميمها و بتشبها بالميكروباص قبل متشتريها يعنى انت كارها قبل متشتريها و مش مرتحلها نفسيا يبقى ابعد عنها احسن لأنك مش بتغير العربية كل يوم . بس برضه مينفعش تشترى شكل و ابشنز و تبعد عن الأساسيات زى الشاسيه و العفشة و الموتور و غيره و على فكرة تصميم و شكل من اللوجان جميل والله بس هى ازواق و لو اتفقت الأزواق لبارت السلع و اختلاف الرأى لا يفسد للود قضية بس احب اقولك انك ممكن تتفرج على شقيقتها الساندير ( لوجان هاتش باك ) و هى هى اللوجان الأختلاف فى الشكل الخارجى فقط و على فكرة اللوجان من فئة و الأم11 من فئة اخرى لأن اللوجان لو نزلت بسعرها الأصلى مش هتقل عن 85000 جنيه هى رخيصة علشان اتفاقية اغادير مش اكتر . حاجة اخيره ممكن تتفرج على الكيا ريو و الأفيو و الانوس و الفيرنا و البونتو و السينا و غيره و اسأل و اختار اللى انت مرتحله و اى حاجة بخصوص اللوجان انا تحت امرك لأن انا من ملاك العربية و ربنا يوفقك فى اختيارك .

كنت عايز اعرف ايه الفرق بين اللوجان الهاف اوبشن والفل اوبشن

[mms]

المشاركة الأصلية كتبت بواسطة MOSTAFA SALLAM هو حضرتك مدرس لغة عربية :w6w2 005041122053268 بس انا شايف ان فى تشبيه اجمل من كدة انه بيقارن بين بنت فرنسية و بنت صينيه و شوف انت مين يكسب

طيب البنت الفرنسيه هنا هى اللوجان والبنت الصينيه هنا هى الام11 ,,,,,فى الجمال قول حضرتك انت مين يكسب ؟؟؟؟؟؟؟؟؟؟؟

[MOSTAFA SALLAM]

المشاركة الأصلية كتبت بواسطة mahshahin كنت عايز اعرف ايه الفرق بين اللوجان الهاف اوبشن والفل اوبشن

الفول ابشن زيادة عن الهاف ( كمبيوتر رحلات , سماعات خلفية , المرايات و الجرايد بلون العربية , مرايات جانبية كهربائية , ريموت كنترول , ايرباج , فوانيش شيورة , لمبة بداخل درج التابلوه , الحلية النيكل اللى فى الشنطة من وراء , لون العدادات , يوجد ايضا تطعيمات باللون الفضى فى التابلوه و الأبواب من الداخل , الفرش و التنجيد فى الفول ابشن افضل , تنجيد فى الباب من الداخل )
دى بصراحة الزيادات اللى متذكرها بس انا شايف ان فارق الشعر يستاهل مع العلم ان الفول ابشن ب 70 الف جنيه .
و الهــــــــــــــــــــــ ـــــاف ابشن ب 66000 جنيه .
و البــــــــــــــــــــــ ـــــــلاك لايــــــــــــــــــــــ ــــن ب 71000 جنيه .

[MOSTAFA SALLAM]

المشاركة الأصلية كتبت بواسطة mms طيب البنت الفرنسيه هنا هى اللوجان والبنت الصينيه هنا هى الام11 ,,,,,فى الجمال قول حضرتك انت مين يكسب ؟؟؟؟؟؟؟؟؟؟؟

و الله فى مثل بيقولك خد بنت اجنبية و خليها تسلم بدل متاخد بنت مصرية و تكفرك :w6w2 005041113562663
بس هنا مفيش مصرية الأتنين اجانبو طبعا كل واحد و زوقه و انا عن نفسى اخترت خلاص و من زمـــــــــــــــــــــان البنت الفرنسية

[hossameldin5]

السياره ممتازة وقع الغيار موجوده خارج التوكيل بوفره مثال محلات ابو عوف بالتوفيقيه و بيكين بشارع دمشق وغيرها***********