مشكاح وريما 2009

[د./أليشع ثابت]

ههههههههههههههههه جميلة بجد يا د./ تامر

بس هو الراجل دة مش عايش غير للأكل بس

ماعندوش أى طموح فى الدنيا غير كرشة

فعلأ طلع مشكاح أسم على مسمى بصحيح

شكرأ على الأبداع و الفن الراقى

بس احلى حاجة ان اللى بيأكلة بط بط بيطلع عليهم وز وز

ptmnlo123per195ptmnlo123p er195ptmnlo123per195

[د0تامر محمد]

شكرا دكتور أليشع
القادم أسوأ وأنكت

[د0تامر محمد]

-12-
قررت ريما أخيرا أن تكون الحاجة ريما!!!
بعد حكاية خطف الموبايل وفى آخر عملية كادت أن تنكشف وطاردها الرجل ولانها خفيفة رشيقة نطت فى الاتوبيس كنسناس أفريقيا الوسطى وخلعت بالمحمول وأخذت قرار التوبة!!
عرضت على الشيخ مشكاح فكرتها!
نعم أصبح مشكاح الشيخ مشكاح بين يوم وليلة!
ريما تندس بين النسوة وكلمة اتنين بعد ما تسمع مشكلتها تدلها على الشيخ مشكاح أبو سر باتع 00حلال المشاكل والعقد ومسخر الجان والعفاريت الزرق والحمر والفوشيا!!

جلبت ريما أول زبونه الى بيت الشيخ مشكاح 00
تركتها عند الباب الخارجى 00 بعد أن عرفت منها التفاصيل 00
بسرعة البرق كانت تدخل من الباب الخلفى وتلبس النقاب وتفتح الباب

-أهلا وسهلا يا أختى

-الشيخ مشكاح موجود

-موجود يا أختى تفضلى

-ممكن أقابله؟

-الشيخ عنده جلسه 00شوية وح يفضى 00تشربى أيه؟

-معلش أنا مستعجلة

-دقيقة واحدة

دخلت ريما لتخبر مشكاح بما لديها من معلومات

ودخلت السيدة

نظر اليها مشكاح وقال فى صوت هادىء ورخيم:

-مرحبا أخت سعدية

بهتت السيدة:
-أنت عارف أسمى يا مولانا

-طلباتكم يا أختنا

-أنا 000
قاطعها مشكاح:
-جوزك

-الله أكبر 00الله أكبر
بركاتك يا مولانا

-شوفى حل مشكلتك سهل00
يومين وجوزك ينعدل ويرجع لك

-ح يسيب البت اللى ح يتجوزها يا مولانا

-ان شاء الله يا أخت سعدية
بس فيه طلبات

-أنت تأمر يا مولانا

-لازم الاسياد تتعشى من ايديكى

-على عينى 00أحلى أكل

-وكمان تدبرى لنا ورقتين بمية

-أنت تأمر

-الفلوس دى لزوم الأسياد مبتحركوش الا لما أولع لهم فى الفلوس00
حاكم ده مزاج عندهم وأمرنا لله

-حاضر حاضر يا مولانا
-سيبى عنوانك وصورة جوزك مع الاخت بره

-حاضر

-العشا يكون هنا بكرة ومتنشيس

-قبل العشا ح يكون هنا

-متنسيش الرومى والحمام والبط
ولو فتة كوارع يبقى مية مية

-أيه؟!!!!!!

-آه00أصل الاسياد بيحبوا الاكل ده وانا عايزهم يعملوا معاكى أحلى واجب
أطعم الفم تستحى العين

انطلقت السيدة غير مصدقة وفى قمة السعادة

ذهب مشكاح فى المساء يترصد زوج السيدة
وبعد أن ترك الفتاة التى سيتزوجها 00
أقترب منه وغز مطواة فى جنبه00
زعر الرجل :
-أنت عايز أيه؟

قال مشكاح:
-عمرك

-ليه أنا عملت أيه؟

-شوف يا خفيف البت اللى كنت معاها دى بتاعتى 00أنا اللى ح أتجوزها00
لو قربت منها تانى ح أسيح دمك00
أنفد بعمرك00
ده آخر تحذير

-أنت مين يا جدع أنت؟

-أنا قلت ده آخر تحذير00

جرحه مشكاح فى وجهه جرحا سطحيا

-أنا قلت ده آخر تحذير 00
المرة الجاية ح يبقى فى المليان
روح ربى عيالك وأشترى عمرك

أنطلق الرجل كالفأر المذعور يهرول بكل ما أوتى من قوة!!

عاد مشكاح الى البيت وهو يشعر بالانتصار وعندما رأى الوليمة أنفرجت أساريره00

قالت ريما:
-الوليه عاملة أكل يكفى أسبوع

-يا رمرومتى 00أصرف ما ف الجيب 00
أحيينى النهاردة
أقعدى 00دا الاكل باين عليه مانجة

وجلس مشكاح يلتهم و يلتهم ولاول مرة لم يستطع أن يقضى على الاكل كاملا فقد خر من الشبع والتخمة !!
ارتمى على الاريكة على ظهره وكرشه الضخم يطبق على أنفاسه

تتبع

[هيامى]

رائعة جدا كوميديا محصلتش
دى كانت عايزة رمضان وتبقى قنبلة
مبدع دايما يا دكتور

[د0تامر محمد]

-13-

ونجحت أول عملية قام بها الشيخ مشكاح وعاد الرجل لزوجته وربما كانت الحسنة
الوحيدة التى قام بها فى خلال السنوات الاخيرة!!
جاءت السيدة فى اليوم التالى وهى فى غاية السرور تقبل يد الشيخ وتشكره00
-والله لو بأيدى 00أديلك أكتر من اللى طلبته ده أنت سرك باتع

قال مشكاح محتدا:
-ياست قلت قبل سابق أن كله للاسياد

-ربنا يعمر بيتهم 00
أنا ح أقول لكل ست غلبانة محتاجة عليك يا راجل يا بركة

خرجت من عنده وهى تلهج بالدعاء
تركت صينية بسبوسة بيتى وصوابع زينب على بقلاوة هدية جديدة للشيخ مشكح

ما أن خرجت حتى فتحت ريما اللفافة الكبيرة وسال لعاب مشكاح:
-الله الست دى مية مية 00ربنا يبعت زباين سقع زيها كده

قالت ريما:
-آة00بس لازم نرفع الفيزيتا00كده شوية

-يا بت أحنا بنربى زباين دلوقتى بلاش طمع
دى سياسة جر الرجل أفهمى!!

-ساعات كده مخك بيبقى نوّر00 يا سلام عليك يا مشكوحتى

-أمال يا رمرومتى 00 دا أنا أبو المفهومية ولسه ح تشوفى البدع

-بالراحة يا راجل على الحلويات

-أنتى على طول باصه لى ف الاكل

-مش القصد 00بس دى ح تسد نفسك على الغدا

-ساعة الغدا يحلها حلال

-على رأيك 00
يعنى هيه ح تحوق معاك
المهم أنا ح أطلع ألف لفة يمكن أعتر فى زبونة

-أستنضفى 00بلاش السقط والوقيع

خرجت ريما بينما أكمل مشكاح التهام باقى الحلويات حتى انتفخت بطنه
وأنقلب على ظهره ليعزف سيمفونية الشخير
**********
دارت ريما فى السوق كالنحلة وهى ترهف السمع لكل حديث يخرج من
النسوة علها تجد ضالتها00
وأخيرا وجدت سيدة تحادث الاخرى عن بنتها الملبوسة ولفها على المشايخ!!
تدخلت فى الحديث :

-معلش يا أختى00
أنا سمعت كلامك عن بنت ملبوسة ودوختك بيها00
أنا كان عندى بنت ولفيت بيها وفى الآخر ولاد الحلال دلونى على واحد شيخ
سره باتع 00البنت خفت وبقت عال العال

-صحيح؟!!

-أى والنبى

-أسمه أيه ياست؟

-أسمه الشيخ مشكاح

-قولى لى على عنوانه يصلح حالك

ووقعت الضحية ولم تنس ريما أن تحادثها فى تفاصيل وتأخذ منها كل المعلومات
وطارت الى مشكاح ليدون فى عقله كل المعلومات لحين قدوم الزبونة وابنتها

ومع طرق الباب 00قامت ريما لتفتح وهى تتوقع قدوم الزبونة لكن الطارق كان
شخصا آخر!!!!

دخل زبادى المحامى يسأل عن مشكاح00
خرج اليه مشكاح بعيدا عن حجرة الشغل حتى لا يكتشف أمره

-أنا مبسوط منك يا مشكح على العملية اللى قمت بيها

-طب يا بيه فين بقى الشيك

-ما أنا جايلك عشان كده

قال مشكاح فى تأفف:
-خير

-عملية صغيرة

-تانى!!

-لا بس المرة دى ح تاخد الشيك وفوقيه نص باكو

-قول يابيه أنا خدامك وتحت أمرك

-شوف يا سيدى باختصار00

ألتفت لريما وقال:
-مفيش أى واجب ياست ريما

قالت بغلظة:
-تشرب أية يابيه؟

-واحد شاى وتعميرة

-تعميرة؟!!

-يعنى جوز سندوتشات لزوم الشاى

انصرفت ريما فألتفت لمشكاح:
-بقولك أيه 00
الولية دى مش لازم تعرف حاجة عن شغلك معايا
دارى على شمعتك تقيد00
السبوبة تجيب سبوبة يا معلم مشكح

-كلامك مظبوط00اللى تأمربيه ماشى

-شوف ياسيدى أنت ح تخطف عيل صغير وتسلمه

-خطف؟!

-عملية خفيفة وسهلة وشكرا

-طب00

-من غير أسئلة
تعدى عليا ف المكتب وتنفذ


تتبع