#31
|
||||
|
||||
رد: احدث طرق النصب (خد حذرك من ضبط ضغط الأطارات)
البنزينه اللى جنب البستان دى علمتهم الادب رحت بالعربيه عندهم وكان معايا كاوتش جديد هاغيره وعملوا معايا موضوع النصب ده ويسالنى احطلك مصرى ولا امريكى اقوله احسن نوع عندك لغايه ما حط 15 خابور فى فرده اصلا كنت هارميها وفى الاخر دفعت ليه 1 جنيه فقط وقلتله لو مش عاجبك خد الكاوتش هديه وطبعا كان مستغرب وسابنى امشى وهو قفاه بيقمر عيش:10FEE3~14 4:
|
#32
|
||||
|
||||
رد: احدث طرق النصب (خد حذرك من ضبط ضغط الأطارات)
وعلى فكرة البنزينه اللى انت طالع من باب اللوق الى ميدان التحرير على اليمين قبل الميدان على طول البنزين بتاعها بيضربوه بالمياه
|
#33
|
|||
|
|||
رد: احدث طرق النصب (خد حذرك من ضبط ضغط الأطارات)
لا يا جماعة مينفعش تسكتوا علي الاماكن دي كلها
دا احنا عايشين في نعيم علي كدة في الصعيد ولا حد يقولك جنية علي تفويله البنزين هوا تمن البنزبن وبس ولا حد يعمل فيك مقالب الكاوتش دي مش علشان ميعرفش علشان لو فكر يعملها مع واحد لو صابت مرة المرة التانية ميعرفش اي حيجرالة خد عندك - ثلاث اربع صعايدة ينزلو علية ضرب بالشوم لحد ميظهروا صاحب - لو محترم مش حيعبروا بفلوس مش عاجبه يشتكي - يتحول الموضوع للمعارف والعائلات وفلوس الزبون حترجع حترجع - ممكن يكون الزبون قفل شوية ويريح دماغة ويستناة وهوة مروح البيت بالبندقية وميطلعش علية صبح وسلملي علي الحكومة |
#34
|
||||
|
||||
رد: احدث طرق النصب (خد حذرك من ضبط ضغط الأطارات)
لازم نعمل Walk Around جولة حوالين العربية زى الطيارين مابيعملوا قبل مايطلعوا بالطيارة
بعد كده لو القرد قعد يتنطط مش هصدقه حصل معايا لما كنت راجع على الطريق فردة نامت رحت مغيرها بالإستبن واول بنزينة قابلتها عند راس سدر ركبتلها داخلى ومشيت ، بس حسبلى الفردة الداخلى ب 40 جنية وهى تمنها 20 جنيه بس كان لازم أدفع لأن مفيش حل تانى ، لأ و البجاحة كمان أخد فلوس عشان يركبها بدل الإستبن وبعدين بقى خدوا بالكوا من حاجة ، الكمبريسور اللى بيتباع بتاع العربية اللى بيشتغل على الولاعة بينفع اوى خصوصا فى بعض المواقف انا بس مستنى الفرصة و إن شاء الله هجيبه و يفضل انه يكون بعداد ضغط ديجيتال تقبلوا مرورى |
#35
|
|||
|
|||
رد: احدث طرق النصب (خد حذرك من ضبط ضغط الأطارات)
مش معقول يا جماعة كل النصب دة فى الكاوتش بس !! طيب هايعملوا ايه فى باقى العربية (موتو ر , كهربا, زجاج , سمكرة) دا احنا هانشوف ايام بيضا.
|
الكلمات الدليلية |
طرق النصب ضغط الأطارات كاوتش |
|
|