و سقط حبى للبرافو ......وقلبى يبكي لفراقها

[hazem_khidr]

لالالا مش معقول يا اتش
انت فظيع بجد انا فطست علي روحي من الضحك
بس بامانه احسنت الاختيار
ربنا يحميك من شرها يا رب

[Etsh]

الأخ العزيز SuMo باشا فى ملحوظة أكيد أنت مأخدش بالك منها ...و أكيد لو عرفت الفرق هاتعرف أنا بنكلم على أيه

1- البرافو اللى تمنها 135000 اللى أنت شوفتها أنت و الصديق العزيز للمنتدى جزئية الديزاين و الشكل فى منطقة التكييف مختلفة عن السيارة البرافو ذات ال 149000 ....لأن التكييف فيها مالهوش شاشة و مش ديجيتال أنما بكر عادى ....عشان كدة مافيهاش المشكلة بتاعت جرافيك الشاشة السىء و الزراير اللى متقفلة وحش و خاماتها سيئة ....عشان كدة أنا هناك سالته ممكن أخد اللى ب 153000 لأان تكييفها تحكموا على بكر مش ديجيتال و أشترى الجنوط ...فتبقى ذى أم 149000 ومافيش داعى للكوماند فويس و التفييم لأان ده الفرق ما بين الأثنين ......عارف الجنوط بكام ؟؟؟؟؟؟؟؟ 7000 جنيه يعنى أبق دفعت 142000 ..دى نمرة واحد

2- كذلك مشكلة المسند و تقفيلة و خامتة ..مش الموجود فى ال 149000 هوا اللى موجود فى 135000

3- برضوا قصة الكلاكس و خاماتة فى ال 135000 أنضف من ال 149000 و ده أنل ذكرته

4- مسألة ضيق المساحة الخلفية دى نسبية من واحد لأخر... بس أنا قرات مقالات كثيرة بالأنجليزية بيقولو نفس كلامى و ممكن تدخل و تشوف بنفسك...بس ممكن بالنسبة ليك مش ضيقة

5-أما ما يخص مسألة نور الفوانيس الأمامية و عدم القدرة فى التحكم فى بكرة إمالة الظهر بين المسند و الكرسى ....فا دى ممكن تتأكد منها بنفسك....أعمل ذيى و دور العربية و أنت تشوف ... و كمان دى عن تجربة من برافا سابقة و بونتو حالية و كمان الناس بره فى تقاريرهم قالوها ....روح و جرب تانى و أنت تشوف بعينك

على أى حال لاحظ الفروق فى تصميم الكونسول الداخلى و فرق الخامات بين ال 135000 و 149000 وأنت تعرف أنا بتكلم على أية

راى أخير
لا أعيب على السيارة فى شىء....الفيات من أجمل التصميمات و أنا من عائلة تقتنى الأيطالى أب عن جد من أول ال ألفا روميو وحت الصغرى بونتو ....سيارات لا غبار عليها و مواتير نار ...بس امو 145000 دى لأ فلتت ...يا أما أنا لازم أشوفها فى معرض تانى . و لك كل الشكر على الأهتمام SuMo

[Etsh]

حازم بيه......سعيد أنى أضفت الإبتسامة على و جهك ...بس ده والله من غلبى فا من الوضح إن غيظى من اللى شوفتو طلع على العربية الغلبانة دى ...و أهو كدة أنا وقفت سوقها و التوحيد و النور هيتخرب بيته بعد ما أخد توكيلها من سلسلة محلات خير زمان ....يالا أهو كلة تهييس....يرسم الضحك و البسامات على وشوش حبايبنا بس أنا فعلا و لله الحمد بعد صلاة الإستخارة و شوية research كدة أتكلمت فيه مع ناس طلاينة برة مصر طبعا بالانجليزى لأنى مافهمش ولا كلمة طاليان غير قيلم "حرب أطاليا" أستقرت على إختيار واحة من أثنين

1- سيات ليون.....بصراحة ماعرفتش أمسك عاليها عيب...أه الشنطة صغننة حبتين بس الكرسى الخلفى ممكن طيه و توسيع المساحة......و الأبشن بالهبل مش عارف هاعمل ب ده كلو أيه و بسعر منافس 144900 وليا تخفيض كمان + مافيش غلطه فى التقفيل الداخلى ...منكرش البرافو شكلو أحلى ...بس اليون لذيذ و مش تقليدى برضة...و أسمها المان و قدراته قوية تماثل البرافو اللهم فرق لا يذكر ...مايستحقش النظر أليه لأن أحنا ماحناش داخليين سبق على هاى واى

2- الجراند بونتو....لذيذة و شقية ألا نعم 77 حصان بس ماهى توربو ذى البرافو يعنى عربية لا يستهان بيها كاقوة و شكل جميل رياضى أما مسألة المساحة فا مش مشكلة دى برضة ب 108000 و برضه هاخد تخفيض فيها و أهو فرق ال 35000 أجيب بى شنط هاند باج أحطها على السقف "مش كده ولا أيه"
كدا أنا أستقريت

و بأذن الله أنا ÷اسافر الساحل بكرة ...بس هاكون على إتصال بيكو برضه...و أول ما أرجع ...ربنا هايوجهنى لواحدة فيهم و هاخلص فوراً بمشيئة الله

يالا سلام بق .....انا عاوز أنام اركم قريبا و أكيد إحنا لازم نتبادل الموبيلات قريبا عشان نتقابل ...عشان الصحبة الحلوة دى تكمل و نتعرف أكتر

[Etsh]

Wawoo طبعا منكرش غير أن العربية تصميمها رائع جدا جدا جدا بس only two problems

1- مش شايف إن العربية من جوا تصميمها غريب شوية ...يعنى لو أنت شوفت عربية صينى كده بصراحة مش فاكر أسمها أية بس هى تقليد لسمارت ...تحس أن دة التابلون بتعها مع أحترامى الشديد أكيد لفرق الخامات لصالح فورد...كمان أنا ماشوفتهاش على الحقيقة و صور النت بتختلف عن اللى بنشوفو فى مصر بعد ما يشيل السي دى و الحاجات الأساسية اللى بيسموها فى مصر كماليات

2- مشكلة الفورد الرئيسية....الوكيل...و إعادة البيع ...ماحدش بيشترى فورد used

طبعا انا لسه ماشوفتهاش على أرض الواقع ولا أعرف حاجة عن قدرات السيارة ف مش عاوز أظلمها بس لو أنت عندك معلومات عنها مشكور زودنا بيها و أى واحد يعرف ممكن نشوفها فين و أيه مساوىئ الفورد و مميزاتها بشكل عام يقول

بس السيارة من الخارج واو أنحنى بشدة ليه ....و أنا عندى صور ليها كان نفسى ارفقها و تشوفوها بس أنا لسة مش عارف أرفع ملفات الصور .....إذى مش عارف ...يالا حد يقوم بالدور ده بقى عشان أنا مش عارف و رغم أن مؤسس الموقع مشكور تكرم و بعاتلى وقالى و رغم أن أنا راجل كل شغلى كمبيوتر ديزاين و برمجة بس مش عارف ....شكلى مخى نحححححححححس ولا أيةptmnlo123per177

[Kossama]

كنت فاكر إنى محتار و محسوك ptmnlo123per1127

أنا خليت مراتى تقرأ الموضوع علشان تعرف سرعة قراراتى ptmnlo123per122