انا بكرة التوكيل دة بكرررررررة (جاك)

[abo-salama]

من فضلك احكى لنا تجربتك مع التوكيل

[aymanlaw]

المشاركة الأصلية كتبت بواسطة odaoda بسم الله الرحمن الرحيم استاذ mmffor اعتقد اننا تناقشنا على العربية فحوار قبل كدة فمنتدى اخر عموما حضرتك رحت شفت العربية وشفت انها فوجة نظرك خاماتها وحشة وانها مش واسعة بحر وهكذا هل دة يعيب العربية فحاجة؟ بالتأكيد لا لانى انا كمان قبل ما اشترى رحت شفت الافيو والنيو اكسنت والطابلوة بقى بلاستيك ردئ جدا وطبعا وسع الصالون ميعديش 70 فلمية من الجاك ناهيك عن الشكل الغير متميز بالمرة والاوبشنز الفاضية ( كانت الافيو 2 ازاز كهربا وتكيف وباور فقط وطاسات ) والنيو اكسنت تفرق 4 ازاز كهربا بلنسبة لنقطة التكيف فانا مش متفق معاك خالص فالموضوع يا استاذنا العزيز حضرتك ركبت العربية مع احد مالكيها؟؟ شفت اداء التكيف فعز الحر ؟ مش معنا ان حد قعد فالعربية ودورها وشغل التكيف انة اختبر اداء التكيف الموتور 1500 سى سى معاك انة مش مسعف بس والله بعد صيانة ال5 الاف بيفرق وزن العربية 1300 كيلو حسب الكاتالوج حضرتك تعرف وزن الافيو كام؟؟ لا يتعدى ال800 انا الى عاوز اوصلهولك ان لو الجاك خاماتها وحشة فالعربيات الى فنفس الفئة حاماتها اسؤا بكتير وان لو حضرتك شايف الجاك مش واسعة بحر فالعربيات المنافسة فلفئة لا تمت للوسع بصلة وان لو حضرتك مش مقتنع بالعربية فاعذرنى انا اخترتها لانى ملقتش منافس ليها بسعرها الى اشتريتة بيها 70 الف لا الافيو ولا البريليانس على فكرة البريليانس الى فنفس اوبشن الجاك ب 75 ولما جيت انا وقت الشرا كانت ب85 يعنى نزلت 10 الاف جنية ودة وقت معرض اوتوماك اخبار اليوم وللاسف كانوا قايلين انة عرض لكن طلع فهلوة تقدر تقولى اي ذنب الى اشترا البريليانس منشهر وفجأة ينزل سعرها 10 الاف جنية؟؟ فشرع مين؟ادام حضرتك بتهاجم التوكيل انة غلاها يبقى لازم تهاجم التوكيل بتاع بريليانس واسبيرانزا انهم رخصوا عربياتهم ب 10 الاف جنية و 7 الاف جنية فالاسبيرانزا وضروا بمصالح ناس اشترت وانخفضت قيمة عربيااتها عموما انا عربيتى مش مراتى ولا حاجة وللو ظهر فيها عيب هفضحها لاننا كلنا هنا بنراعى ربنا ومنرضاش حد يقع ففخ ابدا وانا بايدى انى انقذة منة لكن اعود واقلك الجاك افضل عربية ففئتها مع السعر الجديد بردو ليس تعصب ولكن بالاقناع فاذا كانت الجاك سيئة فصدقنى المنافسين اسؤ بكتير واشكرك على استماعك وربنا يكرمك

استاذ --اودا --احييك على ردك الهادىء المحترم وشكرا

[MmFFoR]

المشاركة الأصلية كتبت بواسطة aymanlaw استاذ --اودا --احييك على ردك الهادىء المحترم وشكرا

انا مش حرد على الاهانة دي باي شكل و حارفع شكوى للادارة

[samirayad]

أنظر للموضوع من منظور آخر

أنا رايح أشترى عربيه مهما كانت صناعتها

عجبتنى .........أوك

أخلص

معجبتنيش وحسيت أن توكيلها بدأ يتلاعب ويزود فى سعرها

نظرا للأقبال عليها

ودى للأسف سمة الشعب المصرى

يشوف حاجه كله بيشتريها

يطلع جرى

علشان يجيب زيه

هو جربها ....هو عاشرها ....أبدأ

هو شافها فقط من بره وتملكت من قلبه

على طول

بشد ديله فى أسنانه ويقول

أما أجيب مرسيدس زى إللى راكبين مرسيدس

للأسف أحنا إللى بنغلى الحاجه بتكالبنا عليها

وأتذكر الرئيس السادات لما اللحمه غليت

وبنشر الوعى القومى لدى الشعب وأمتناع الشعب ومقاطعته للحمه

نزل تمن اللحمه

فاللى بيحصل ده بسببنا أحنا

نظرا لوجود الطمع المادى لدى المستوردين

_____________________

عموما

أنا شايف

أن الكل لازم يهدأ

أحنا حنختلف من أجل سياره معينه

تنزل تاكسى ولا ماتنزلش

فى البلاد المحترمه زى ألمانيا

أفخم الماركات ( مرسيدس وبى أم )

بتستخدم كتاكسى

أنا مش عارف ليه

بألاقى ناس تزعل لما سياره زى سيارته بيلاقيها بتعمل تاكسى

__________________

فلوسك فى جيبك والبضاعه قدامك

عجباك ( كثمن ووضع ) أشترى مهما كان تلاعب المستورد

مش عاجباك

ماتشتريش

من حكم فى ماله ماظلم

عاجباك وأشتريت حتى ولو بثمن مبالغ فيه

فأنت تتحمل وزر نفسك

لأنك لم تعقلها جيدا

كما قال المصطفى

أعقلها وتوكل

صدق المصطفى

مش كده ولا إيه

[أحمد فاروق سيد]

الله عليك يا باشمهندس سمير