ما هو تقييمك لوكيل هيونداي و مراكز الخدمه

[mesho70]

المشاركة الأصلية كتبت بواسطة kumari sarah طبقا لخبرتى القصيرة معهم.. اسوا خدمة ..الناس هناك بيكلموك بقرف وكانك قاتلهم حد... حاجة تكلفنى 500جنية برة يكلفونى 12الف ولاد ......................... .. ومالهم ريس تكلمة وتفهم منه اى تفاصيل.. حسبى الله ونعم الوكيل

انا خبرتى طويلة معهم تتجاوز 8 سنوات بزيارات مستمرة
- واسمح لى هناك من هو اسوأ منهم بكثير وهذا هو حال مراكز الخدمة لدينا للأسف وعن تجربة شخصية مع اكثر من توكيل
- اما موضوع انهم يتكلموا بقرف فليس خطأهم بل خطأ حضرتك ( وسامحنى ) فمهندس الاستقبال ومهندس الصيانة مجرد موظف ودورة الاكبر هو ارضاء العميل اولا ً ( المفروض ) وراتبة وحافزة من جيب حضرتك يبقى واجب علية اولا ً ان تعرف كل صغيرة وكبيرة فى سيارتك بل وتستلم سيارتك مضبوطة تماما ً وتجربها معة قبل الاستلام
وتصر على ذلك وترفض استلام السيارة الا بعد تجربتها
- اما ان حاجة تكلفك 500 جنية ويدفعوك 12 الف ولاد ....... اتفق معك تماما ً
- اما انك تلاقى ريس تكلمة وتفهم منة فبالصوت العالى ( عن تجربة شخصية ) تفتح لك الابواب المغلقة وتقابل من تريد

[ahrambc]

المشاركة الأصلية كتبت بواسطة phen0m ياريت يا باشا لو تعرف مركز خدمة معتمد في الدقهلية تقلي عليه لأني محتاج اروحله ضروري

فى المنصوره ... مركز تاج فى احد الشوارع الجانبيه امام كوبرى شارع عبد السلام عارف - مرور المنصوره

و يوجد مركز العدوى فى طريق المحله المنصوره عند ميت عساس

[phen0m]

استاذahrambc الف شكر ليك بجد وانا ان شاء الله ناوي اروح مركز تاج ده ان شاء الله وهابقي اقلكم عملت ايه

[kumari sarah]

المشاركة الأصلية كتبت بواسطة mesho70 انا خبرتى طويلة معهم تتجاوز 8 سنوات بزيارات مستمرة - واسمح لى هناك من هو اسوأ منهم بكثير وهذا هو حال مراكز الخدمة لدينا للأسف وعن تجربة شخصية مع اكثر من توكيل - اما موضوع انهم يتكلموا بقرف فليس خطأهم بل خطأ حضرتك ( وسامحنى ) فمهندس الاستقبال ومهندس الصيانة مجرد موظف ودورة الاكبر هو ارضاء العميل اولا ً ( المفروض ) وراتبة وحافزة من جيب حضرتك يبقى واجب علية اولا ً ان تعرف كل صغيرة وكبيرة فى سيارتك بل وتستلم سيارتك مضبوطة تماما ً وتجربها معة قبل الاستلام وتصر على ذلك وترفض استلام السيارة الا بعد تجربتها - اما ان حاجة تكلفك 500 جنية ويدفعوك 12 الف ولاد ....... اتفق معك تماما ً - اما انك تلاقى ريس تكلمة وتفهم منة فبالصوت العالى ( عن تجربة شخصية ) تفتح لك الابواب المغلقة وتقابل من تريد

متشكرة اوى على ردك الجميل.. وشكلك كدة شربت مقالب منهم للركب وبقيت خبرة فى الحاجات دى.. بس بصراحة دى اخر مرة اتعامل مع التوكيل نهائى ومجرد ما يخلص الضمان هاودعهم للابد.. من اسبوع اتصلت بيهم وقلتلهم انا عايزة قطع الغيار القديمة لو كانوا خلصوا فكها.. فالباشا المهندس رد عليا وبدون داعى لذكر اسماء بس هو من توكيل قليوب "لو عايزة قطع الغيار تعالى بكرة خديها ولا هابعتها الخردة بعد بكرة" انا الصراحة تننحت من الرد ومكنتش عارفة ارد ازاى علية وانا من النوع يتحرج بسرعة.. وجلست افكر يمكن انا كلمتة بطريقة رعلته ولا حاجة بس المكالمه كانت والله كالاتى.. التليفون رن وحد رد وقلت انا كنت عايزة قطع الغيار القديمة اللى تم تفكيكها من العربية فلو سمحت عايزة اكلم حد مسئول عن الموضوع دة.. حولنى لواحد وقلت نفس الكلام فرد عليا الرد ده..ولما رحت استلم قطع الغيار لقيتهم كسروا بعض قطع الغيار دى بطريقة عشان حتى ماعرف اتصرف بيها مع انى ولله كنت هاشيلها عشان لو احتجت استعملها تانى فى المستقبل.. وانا متاكدة انى دة ماكان حال قطع الغيار لانى بفهم فى الميكانيكا كويس وكمان اخدت صور للعربية قبل ماآبعتها وكانى كنت حسة.. بس انا حتى ماعرف اوكل محامى دلوفتى لان كل اللى كنت مدخراه صرفته على شرا العربية دى.. وهما مصوا دمى خلاص.. دانا حتى مستنية مبلغ التعويض عشان اكمل علية واستلم العربية.. فعلا حرام عليهم دى مش فلوس حرام دانا طالع عينى ليل ونهار فى الشغل الخمس سنين اللى فاتوا عشان اجيبها.وجيباها عشان اوفر على عيلتى قرف المواصلات. انا مش من النوع اللى بيزعق ويعلى صوتة بس اعتقد مادام هاتعامل معاهم بيقى اعتقد انى لازم اتدرب.. رغم ان العربية حلوة اوى بس منهم فعلا خلونى اندم انى اشترى من هيونداى وبضرب نفسى ميت جزمة انى مافكرتش فى الاسبارك مثلا او بيكانتو.. حسبى الله ونعم الوكيل

[lost2008]

انا جربت غبور"ابو رواش" فى صيانة ال1000 و كانو ناسيين غطاء زيت الموتور مش قافلينه على الاخر و الحمدلله انى اخدت بالى , و جربت مركز "مودرن سيرفيس" الى فى النزهة فى صيانة ال10000 دول بقه خلصو الصيانة فى وقت قياسى ( غالبا مكشفوش على حاجة و اكتفو بغيار الزيت و رجلشة الفرامل) المهم الباشوات كانو سايبين غطيان الكشف على ميه البطارية مش مربوطة عدل بس للاسف مخدش بالى غير بعده بمدة لما لاحظت طفح على وش البطارية و ربطهم,,, اكيد المركزين دول مش حروحهم تانى و حدور على حد غيرهم