الرد علي كل ما يخص السيارات الهيونداي

[motez]

المشاركة الأصلية كتبت بواسطة Mr.Mamo السادة الافاضل اولا شكر خاص لكل من شارك بسؤال أو مساعدة ثانيا لاسباب خاصة أحب اخذ رأيكم في حاجة لإن الموضوع مرهق فعلا ان الموضوع كده بقي صعب شوية تحبوا الاستفسارات تبقي علي الخاص و نقفل الموضوع لحد كده في الموضوع ولا نخلي الموضوع زي ماهو ولا في حد عنده اقتراح تاني ممكن يسهل وينظم الاسئلة و الردود عليها وبصراحة انتو اساميكو صعبة قوي لدرجة اني مش عارف فعلا انقلها و في الاخرالرأي رأيكو و انا معاكو في اللي تقترحوه

انا شايف ان الموضوع يفضل مفتوح لانه هيفيد ناس كثيره جدا .........

بالنسبه للاسماء تقدر حضرتك تعمل اقتباس زى ما انا عامل كدا والف شكر لمجهود حضرتك جزاءاك الله كل خير .......

[ابو هيما]

المشاركة الأصلية كتبت بواسطة Mr.Mamo السادة الافاضل اولا شكر خاص لكل من شارك بسؤال أو مساعدة ثانيا لاسباب خاصة أحب اخذ رأيكم في حاجة لإن الموضوع مرهق فعلا ان الموضوع كده بقي صعب شوية تحبوا الاستفسارات تبقي علي الخاص و نقفل الموضوع لحد كده في الموضوع ولا نخلي الموضوع زي ماهو ولا في حد عنده اقتراح تاني ممكن يسهل وينظم الاسئلة و الردود عليها وبصراحة انتو اساميكو صعبة قوي لدرجة اني مش عارف فعلا انقلها و في الاخرالرأي رأيكو و انا معاكو في اللي تقترحوه

أولأ -
أتقدم لحضرتك بالشكر على الرد على أستفسارات أعضاء المنتدى وعلى السعى لأفادة الجميع ولكن ردا على كلأم حضرتك فأنا من رأئى أن يكون الموضوع على الملأ حتى يستفاد الجميع وبلأش الرد على الخاص الأ أذا طبعا حد طلب كده .
ثانيا-
حضرتك مش محتاج تنقل أسم كل واحد ولكن ممكن الضغط على أقتباس ثم الرد على سؤال أى عضو فى المربع اللى هيظهرلك بعد كده .
ده رأئى الشخصى والرأى الأخير طبعا أتركه لأعضاء المنتدى والأدارة مع وافر الأحترام للجميع .
ثالثا -
كان لى سؤال خاص شوية وأرجو ان تكون الأجابة عليه بدقة وهو :
معدل أستهلك البنزين فى النيو اكسنت مانيول
أنا بصراحة محتار فى الموضوع ده لأن فى ناس كتير من أصحابى اللى يمتلكوا العربية بيقولوا ان استهلأكها للبنزين عالى وناس تانية تقول معقول -طب الحقيقة فين !!!!!ptmnlo123per1127 .
وبصراحة الموضوع ده شغلنى لدرجة أنى سألت المهندس جورج فى مركز خدمة غبور بشرم الشيخ عن أستهلأك العربية للبنزين فقالى أنها بتستهلك حوالى 9 لتر فى 100 كيلو وده انا شايف انه معدل عالى .

ودلوقتى حضرتك بتقول انه 6.2 -طب معلش هو الصح فين ؟!!!! (مع أحترامى للجميع )

معلش أصل الموضوع ده مهم جدا وأعتقد انه يهم كل وأحد بيسافر وبيتحرك كتير بالعربية .
مع الشكر وفى أنتظار رد حضرتك

[Mr.Mamo]

براحة كده علشان الناس تفهم و احنا نرتاح
السيارات المانيوال مش زي الأوتوماتيك في استهلاك الوقود .. وده شئ منطقي
فالضغط بطريقة غير صحيحة علي دواسة البنزين لأي سيارة اوتوماتيك لابد وان تزيد استهلاك البنزين .
ان معدل الاستهلاك الطبيعي للمرة الثانية يترواح ما بين 6.2 لتر و 6.7 لتر لكل 100 كم في حالة ما اذا كانت السيارة تقاد بشكل سليم
و للبحث و التأكد اليك الموقع الرسمي لهيونداي الام باللغة الانجليزية
www.hyundai-motor.com
وهو موضوع تأكد منه بنفسك بسؤال شخص لديه نيواكسنت مانيوالو شخص اخر لديه نيو اكسنت اوتوماتيك عن ملاحظة استهلاك سيارته للوقود
أو لنجربها مع اعضاء المنتدي الان الذينيملكون نيواكسنت

يا شباب

إعلان
لكل شاب للمنتدي
من لديه نيو اكسنت مانيوال أو أوتوماتيك
يساعد في تأكيد رأيي

[Mr.Mamo]

بصو يا جماعة كده ع الموضوع ده

http://www.masrmotors.com/vb/showthr...t=18620&page=3

[ابو هيما]

متشكر جدا لرد حضرتك -بس على فكرة الموضوع ده سبب لى حيرة جامدة جدا وخصوصا أن سؤالى كان موجه دائما لكلأ الطرفان أقصد الذين يمتلكون المانيول والأتوماتيك ومفيش حد منهم أدانيى رأى واضح وصريح وكانت الأجابة دائما الوسط بينهم أى الذين يمتلكون هذه السيارة من الفائتين كان جوابهم دائما (أعتقد كده !!!!-يعنى هما برده بيشكوا فى استهلأكها الزيادة شوية للبنزين )
وعلى فكرة ده اللى خلأنى أعدل وأغير تفكيرى عن شرائها وفكرت أجيب الفيفا الهندى 12 صباب وكامة واحدة ومحرك 1500 سى سى يتناسب مع حجم السيارة مش زى الفيرنا المصرى اللى موتورها شديد عليها ومش متناسق مع حجمها وعلى فكرة كل الناس اللى أمتلكت الفيفا متكلمش عليها كلمة واحدة وبيقولوا كمان أن أستهلأكها للبنزين كويس جدا وتفيلها أحسن من المصرى بكتير وقطع غيارها متوفرة ورخيصة -وطبعا أستاذنا فى الحوار ده وكبيرنا اللى دائما نجد عنده النصيحة والمشورة وله منى كل الأحترام والتقدير الأستاذ AHMED CAR مشرف القسم الكورى -وفى كمان معلومة بس انا بصراحة مش متأكد منها عشان مكنش بفتى بس أنا سمعتها وهى ان مكونات الفيفا هى هى فى الموتور نفس مكونات الأكسنت 1500 الشكل القديم يعنى قطع غيار فى كل مكان ومتوفرة أكتر(برده نتاكد من الموضوع ده من اهل الخبرة والمسؤلين عشان محدش يأخد كلأمى على أنه ثقة !!!!) .
فياريت برده تفيدنا برأى حضرتك بالتفصيل وبالنتائج العملية فى هذا الموضوع وياريت وده المهم لو حضرتك كان لك تجربة قيادة الأتنين تقولنا أيه رأيك فيهم ( أقصد الفيفا الهندى والنيو أكسنت)
وشكرا لحضرتك مرة اخرى .