|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
10-05-2016, 01:22 PM
|
||||
|
||||
رد: مخطط تصفيه الثوره ,,
القنوات والصحف التابعة لرجال أعمال بتمارس الابتزاز يوميا ضد الدولة .. وحاليا اشتروا الأحزاب وزودوا جرعات الابتزاز للسيطرة على الحكومة بأي شكل.. و ماشيين بمبدأ "شعرة معاوية" أو "واحد يضرب و التاني يلاقي"...
خالد صلاح من اليوم السابع هو "المعتذر الرسمي".. و بيلعب دور "نادر بكار" السابق في الجماعة السلفية.. دور اللي شغلته يلبسنا السلطانية كل مرة.. خالد صلاح إعتذر 4 مرات قبل كده، مرة لما نقلوا عن الديلي ميل خبر "الطيارة الروسية اتضربت بصاروخ"، و مرة لما قالوالنا "داعش احتلت مدن القناة و في طريقها للقاهرة".. و مرة لما قالولنا "إتقبض علي حمدين صباحي في مدينة الإنتاج الإعلامي" و مرة عن خبر "ذبح و طهي الكلاب في المنصورة".. دا طبعا غير اللي مابيعتذرش عنه من مانشيتات لا تعبر عن الخبر، و المانشيتات المضروبة اللي هدفها الفرقعة و الترافيك.. و المراسلين الصيّع اللي ملوا الصحف حتى القومية منها أيام يناير، اللي كل أخبارهم غلط في غلط.. و بيحشروا انتماءات سياسية و حزبية في "الخبر" مش في مقال.. و الصحفيين اللي تلقوا تدريبات في قطر و تركيا و صربيا لصناعة الإنشقاق.. الإعلاميين و الصحفيين اللي هم مش إعلاميين و لا صحفيين أساساً، و لمعتهم نفس القنوات دي و أطلقتهم علينا كمعدين برامج و صحفيين.. يجهزولنا القيء اللي بيطلع علينا من البرامج و صفحات الصحف يوميا... و النهاردة بيعتذر عن إن "النقابة خدعت الجماعة الصحفية".. خدعت مين يا خالد بيه؟؟ أنتوا خدعتوا نص الشعب المصري 3 سنين و خلتوه جاب بإيده جاسوس إرهابي يحكم الدولة... مش ملاحظ إن "إتخدعت" دي عاملة بالضبط زي كليشيه النشطاء العبيط: "معلش أصل سرقوا ثورتنا".. اللي رددوه في مصر و سوريا و اليمن و ليبيا و كل دولة وصلتوا فيها الإرهاب لدرجة بقى فيها قادر على إنه يدمر جيوش؟ ما تقعد في بيتكوا طالما على نياتك أوي كده و مابتفهمش حاجة و كل شوية حد يخدعك؟ بتقرفنا ليه؟؟ ماكنتش واخد بالك و أنت جريدتك نفسها و الجماعة الصحفية اللي بتعتذر بالنيابة عنها.. بتشنوا علينا حرب نفسية بقالكوا 4 سنين؟؟ ممكن تمارسوا لعبة الشد و الجذب دي في أي حتة.. ممكن تخربوا بيها اي بلد.. عندنا لأ.. عندنا الإسكندرانية فرموا الفرنساويين والفلاحين هزموا المماليك والصعايدة قرقشوا عضم الترك و الفرس و الهكسوس و السوايسة طحنوا الإنجليز.. و القاهريين نيموكوا أنتوا و جماعات الإرهاب العالمية من المغرب.. جورنال الوفد منزل صورة متحركة مكتوب عليها "لا لتقييد الحريات".. و مش عارف بصراحة أنهي حمار ممكن يصدق إن لوجو زي دا محطوط و في تقييد حريات في نفس اللحظة.. لأنهم أمرين متناقضين تماما.. الوفد أول جورنال نزل خبر عن "تورط خمس ضباط في جريمة إغتيال حلوان" مع نفس كلاشيهاتكم الهبلة "مصدر أمني".. "مصدر رفض ذكر اسمه".. إلخ.. و النيابة نفت الخبر.. و طبعا دا مقصود بيه إن الضباط خونة.. و إنهم مايبقوش مستأمنين حتى زمايلهم على شغلهم و يبقوا بيلفو حوالين نفسهم.. و مايشتغلوش... ما تعتذر بالنيابة عن السيد البدوي بالمرة؟؟ مش زميلك برضه؟؟ أصل ضحكوا عليه راخر عشان نغّة و بيمص في صوبعه و عنده أربع سنين... إحنا لا قابلين إعتذاركم و لا طايقين جرايدكم خلاص... بتتخدعوا.. يبقى اقعدوا في بيوتكوا... منقووووووول Alaa Hammouda
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
|
|
|
