|
#341
14-08-2010, 03:23 AM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#342
14-08-2010, 04:19 AM
|
||||
|
||||
|
رد: أدب الرحلات
امرى لله هكمل رغم غياب الواد احمد كروزير يظهر مخطوف والا ايه
والحاج دسوقى من الناس المحترمة اللى على دين وانا شخصيا بحبهم وهو صاحب مكتبة كبيرة فى محطة الرمل وعامل جمعية للحج والعمرة وربنا يكرمه يارب المهم اول معرفتى بيه كانو سواقين التاكسى فى اسكندرية بيستغلونى وكان موقف محرم بيه لسه مفتوح من كام يوم والتاكسى ياخد الاجرة الضعف يعنى من محرم بيه لمحطة الرمل عايز 5 جنيه (الكلام ده من 14 سنة /1996) وادفع والا قى الحاج دسوقى زعل ويقول المرة اللى جاية متحاسبش السواق اول م تنزل اسكندرية او رايح اى حتة قل لى وانا اقول لك تدفع كام وفعلا المرة اللى بعدها اخدت تاكسى من محرم بيه وعلى محطة الرمل ونزلت دخلت جرى على المحل وبعد السلام والتحية اديله كام ياعم دسوقى جاى منين من الموقف الجديد محرم بيه ايوه 2.5 جني (جنيه بالاسكندرانى) طلعتهم لسواق التاكسى ايه دول حسابك مينفعوش عايز كام 5 جنيه عم دسوقى / ليه يااسطى انتى جايبه من مصر السواق بوقاحة خلاص وعاملين نفسكو مشايخ هتروحو من ربنا فين عم دسوقى/ سيبك منه ده بيهزنا علشان نجرى نديله تانى لكن هيا توبها كده رايح فين دلوقت الشاطبى وبعدين سيدى بشر بحرى من هنا للشاطبى 2.5 جنى ومن الشاطبى لسيدى بشر اديله 5 وانت جاى من شيدى بشر على هنا جهز له 8 جنى واكون حضرت لك طلبية ربنا يكرمك ياعم دسوقى الف لفتى وارجع له اتغديت الحمد لله طب تانى مرة تتغدى معانا مينفعش كده ماشى ولكن كنت بزوغ من موضوع الغدا ده لانه هيضيع وقت وانا كنت حريص ارجع بدرى وخصوصا انى مكنتش لسه عملت علاقة حب مع السكة الحديد (حلوة علاقة حب دى)وكان تنقلاتى كلها بالميكروباس ويدخل رمضان واوصل لعم دسوقى الساعة 1 الضهر ولسه 4 ساعات ونص على الفطار اقسم بالله العظيم ماتفطر غير هنا ياعم دسوقى مينفعش مينفعش ليه هو الفطار عندى مكروه والا حرام شرعا وانا اضحك لا ياعم حلال طالما حلال يبقى تيجى حاضر هستناك جاى ان شاء الله وقبل الفطار بنص ساعة اكون عنده تعرف البورمة ؟؟؟؟؟؟؟؟؟ بكل ثقة عارفهاطبعا لكن الراجل كان ذكى وحس انى اقصد حاجة تانية طب ايه هيا البورمة دى عبارة عن زير ميه عندنا فى الصعيد فقط وهو مدور اى زير فى الدنيا طويل ومسحوب او مسلوب لكن البورمة اختراع صعيدى زير بس مدور ضحك وقال دى أكلة اسكندرانى ازاى يعنى قال هتشوف وفوجئت بيه بيخرط البصل شرايح والبطاطس شرايح والطماطم شرايح ويقطع اللحمة قطع متوسطة وكتيرة ويحط كل ده على البوتاجاز ويسيبهم كلهم لحد اللحمة م تستوى مش اى حاجة تانية واللحمة على م تستوى بيكون كله تقريبا اتهرى وبقت البطاطس سايبة فى الصينية وشربت المرق بتاع اللحمة وأجى آكل ايه ده الأكل لذيييييييييييييييييذ جدااااااااااااااااااااااا ااااااا اول مرة آكلها الاكلة دى واكلت لما تعبت الحقنى ياعم دسوقى خير انا مش قادر اتحرك هههههههههههههه ضحك وقال بالهنا والشفا الاكلة دى فيها عيب واحد ياعم دسوقى خير مش هعرف اشتغل بعدها ضحك وقال هتشتغل ان شاء الله بعد م تصلى التراويح كل الاكل ده هيمشى وصلينا فى مسجد صلى التراويح فى ساعة وشوية لكن الاكلة جامدة وحلوة وقوية وانا اكلت منها كمية كبيرة عم دسوقى خير يابنى سلام عليكم رايح فين على الموقف مسافر مصر هههههههههههههههه توصل بالسلامة تانى مرة روحت لسه هيحلف انى افطر حلفت قبله وقلت له انا عايز اشتغل اعمل معروف لكنه والحق يقال كان رجلا كريما جداااااااااااااااا ومحترم وعلى خلق كبير الى ان بطلت تجارة الكتب والمصاحف وتحولت الى تجارة برامج الكومبيوتر ومبقيتش اشوفه لكن كنت بزوره وشغلتنى عنه الحياة لكن لم انساه ابدا والحــقيـقــــــة ان الناس بتروح اسكندرية فى الصيف لكـــــــن اللى محدش يعرفه ان رمضان الحقيقى لم أراه الا فى اسكندرية بعد ان انقرض فى القاهرة والأقاليم الهيصة والزينة والناس والزحام والاحتفالات والمساجد العامرة بالناس تحس رمضان بجد وتحس محدش مهتم بالتليفزيون وكل الناس فى الشارع بتحتفل بالشهر الكريم بعكس القاهرة والاقاليم تحس المساجد زوراها اقل من اسكندرية والناس مش فى الشارع كلهم مشغولين بالتلفزيون او جزء منهم يعنى كل دى عوامل تقلل من مظاهر رمضان فى الشارع عاشت اسكندرية حرة مستقلة هههههههههههههههه التعديل الأخير تم بواسطة خالدخليفة ; 14-08-2010 الساعة 04:44 AM
|
|
#343
14-08-2010, 05:34 AM
|
||||
|
||||
|
رد: أدب الرحلات
ولازلنا فى اسكندرية
والحاج مصطفى راجل محترم وكنت اروح له ايام ان كان له محل واحد فقط فى الشاطبى (دلوقت ماشاء لله 3 محلات ) وكان يعتبر ان المكسب فى المصحف حرام ونحاول نفهمه انك بتكسب فى طبعة المصحف الورقية منها الكبير والصغير والملون وغيره وغيره مش بتكسب فى كلام ربنا لكن ابدا كان يشترى طلبية ب10 الاف او ب15 زى م تطلع يدفعها نقدا ويبيعها بتمنها وكتير احرجنى مع بعض الزباين اللى ان عرفو طبيعته لكن كان راجل كرييييييييم جدا ومستحيل تمشى من عنده الا ولازم تاخد الواجب شاى بيبسى اى حاجة ومحترم جدا وله ايادى بيضاء(خدمات ) على كتير من الناس مخلف 12 كلهم من الشباب المحترم حتى أنس (اسمه كده) المشاغب اللى كان بيزوغ من المحل ساعة مباريات الاهلى ومجنن ابوه لكنه كان شاب محترم ومؤدب بس مجنن ابوه فى حكاية الكورة دى ولما ربنا اكرم الحاج مصطفى اشترى بيت فى العجمى وببارك له فقال / احسن ياراجل ده الواحد كان مخنوق فى الشقة التانية الصغيرة ويضحك ويقول حبيبك أنس كل يوم كان عامل مصيبة فى الشارع دلوقت يطلع البيت له شقة لوحده تايه فيها ههههههههههههههههههه الله يمسيك بالخير ياحاج مصطفى انا عارف ممكن متكونش مواقفى مع الناس دى كوميدية ومضحكة لكن دول فعلا علامات عرفتها خلال رحلاتى ومن اصحاب الاخلاق الرفيعة اللى مينفعش م جيبش سيرتهم اثناء حديثى عن رحلاتى
|
|
#344
14-08-2010, 06:00 AM
|
||||
|
||||
|
رد: أدب الرحلات
ومكملين رغم صيام المشجعين مع زيادة نسبة القراء
وفى بنها حبيبى الاستاذ حاتم تاجر عطور ومليان جدا يفصل 10 من احمد كروزير وظريف ولذيذ ومحبوب من زباينه وهو من سنى انا 45 سنة وهو 46 لكن لما نقف جنب بعض تحس ابويا مثلا بسبب جسمه الضخم وفى يوم قال انا هتعشى بره البيت تعالى هعزمك على العشا قلت ماشى وكنت معتقد ان هيعزمنا فى مطعم من مطاعم بنها الشهيرة او النضيفة لكن فوجئت بيه بيقول / هعزمك عند ابراهيم المنـتـن هههههههههههههه دى شهرته ؟؟؟ ايه الشهرة اللى توجع البطن دى اه شهرته بس عليه شوية ساندوتشات كبدة ومخ متقولش لحد عليهم لا عدو ولا حبيب وانا فى الأول م استوعبتش الكلام وقلت ياواد تلاقيه كان بيقف بعربية زمان فى الشارع وربنا كرمه وفتح مطعم والشهرة لسه لازقة فيه لكن فوجئت بواحد واقف على فرع النيل ببنها جنب مزلقان القطار وفى مكان شبه قذر وعربية شكلها من الأخر يجيب فيروس سى بمجرد م تبصلها ايه ده ياعم ده موقع ابراهيم المنتن تاكل كبده والا مخ والا اجيبلك شوية حلويات ولا ده ولا ده انا مسافر ياعم لايمكن لازم تاكل عافية؟ اه عافية هيعجبك والله طلبت ساندوتش كبده وبعيد عنكم حريقة فى معدتى من التوابل الكتيرة وصفارة ف ودانى وعرق غزيييييييييير ايه ده ياعم الحقنى ياحاتم بمووت وببص لعمنا حاتم كان طالب حوالى 45 ساندوتش (دى مبالغة ولكن للكناية عن كثرة الساندوتشات امامه ) ونازل اكل وناسينى خالص انت ياعم انت ايه المصيبة دى وحياة ابوك ياخالد تموت بعد م اخلص اكل ياعم كل انت بتتلكك م جالك فيروس سى وخلاص وكده كده رايح المستشفى (بيهزر طبعا) ههههههههههههههه وروحت البيت لاعارف اكل ولا انام ولاعارف اصلا سقت عربيتى لحد القاهرة ازاى ولافاكر السكة ولا الطريق تانى مرة يالا ياخلود ايه ياعم ابراهيم المنتن توبه ليه ده ممتاز يفتح الله انت حر والله عشوة هتفوتك وهتندم ومشيت وانا ندمان بس ندمان انى سمعت كلامه المرة اللى فاتت واكلت عند ابراهيم المنتن انا عارف سومو بياكل ازاى من عند الواد تلوث اللى جنب البيت عندهم هو ووائل ابو نورا والشلة؟؟؟؟؟؟؟؟؟؟؟؟؟؟؟؟؟؟؟ ؟!!!!!!!!!!!!!! عجيبة والله بياكلو ازاى دول ؟؟؟ التعديل الأخير تم بواسطة خالدخليفة ; 14-08-2010 الساعة 06:10 AM
|
|
#345
14-08-2010, 06:31 AM
|
||||
|
||||
|
رد: أدب الرحلات
ولازلنا فى بنها
والاستاذ وحيد (ده اسم حركى ) صاحب محل كبير هناك طويل جدا ماشاء الله واسمرانى جدا من اصول نوبية وفى يوم وانا عنده دخل ولد وبنت صغيرين اهلا يااولاد سلمو على عمو خالد اهلا ياحبايبى مين دول اولادى فبصيت بصه فهمها قال هما بيض اوى وعيونهم خضراء رغم ان ابوهم اسمرانى وشكله وحش (بيهزر ) لان امهم ايطالية فانا ضحكت وقلت والمدام مكانتش عارفة انك اسمرانى لما اتقدمت لها قال /انا اسمريت بعد الجواز هههههههههههه و ضحكنا ومشيت بعدها بكام شهر روحت لقيته بينفخ ويفش مالك ياعم مفيش لأ طبعا فى والله ياخلود حصلت مشكلة خير انا هتجوز تانى خير المدام حصل لها حاجة لا ابدا موجودة بس انا هتجوز واحدة تانية عليها ؟ ايوه ؟ الف مبروك ياحبيبى وطبعا المدام مش عاجبها طبعا وعاملة مشكلة كبيرة رغم انها عارفة انى مسلم وممكن اتجوز تانى وهيا لما اسلمت عارفة كده طيب اومال زعلانة ليه اهو غيرة حريمى بقى واحنا بنتكلم دخلت المدام الايطالية وهيا عارفة انى مش تاجر وفقط لكننا اصحاب وفضلت ترطن بالطليانى ييجى ربع ساعة وانا بينى وبينكو فى الطليانى مش محترف اوى يعنى كبيرى خريبتو ايطاليااااااااااااانو (بتاعة سمير صبرى فى فيلم 30 يوم فى السجن) وممكن اتكلم عن باولو روسى بصفته هداف كاس العالم سنة 90 بس بالعربى ههههههههههه المهم سبناها لحد م خلصت وسكتت وقال بذمتك دى عاقلة فقلت مالها بتشتكيلك منى بالطليانى طب انت فهمت ايه فهمت طبعا فبص لى باستغراب فهمت ايه فهمت انها زعلانة منك فضحك لكنها فهمت هيا كمان وكلمتنى عربى مكسر واشتكت والموقف حرج يارجالة لان شرعا هو مقتدر والعدالة دى هو اللى يقدر يقول هينفذها والا لا وانا هديتها بكلمتين وفهمتها انه بيحبها وان دى متطلبات العمل فقط مش اكتر وبقيت اقول اى كلام يراضيها ومشيت بعد اسبوع لقيته واقف مع المدام الجديد ة فى المحل وخرجنا بره مش خايف من كبسة حريمى فقال ماهى عارفة اننا هنا ومش بتيجى الف مبروك عقبالك أمين يارب وبضرب عينى لقيت المدام الاولانية جاية من بعيد وهناك بوادر حرب سلام عليكم ياعم وحيد ارجع ياجبان لا ياعم يفتح الله ههههههههههههههههههههه التعديل الأخير تم بواسطة خالدخليفة ; 14-08-2010 الساعة 06:50 AM
|
 |
|
|
