مخطط تصفيه الثوره ,,

[kj1]

[kj1]

المشاركة الأصلية كتبت بواسطة kj1

[kj1]

رسالة من "شمام الكولّه" القاطن بمنزلهم أمام "اللاب توب"
إلى السفاح القاتل عبد الفتاح ‏السيسى ، عاجبك منظر الأطفال المقتولة دى ، عاجبك صور "العرب" المُشردين اللاجئين ، عاجبك صور الضحايا والموتى منهم رجال ونساء وشيوخ ، فين نخوتك فين "عروبتك" إلخ إلخ
*عندك حق أيها "الكلجى" ماهو "السيسى" برضو اللى كان بيدعم الخراب اللى بيحصل فى "سوريا" من سنين على أساس وهم إسمه "ثورة" ، ماهو "السيسى" اللى كان بيقول فى الأول على الضحايا إنهم وقود ثورة وإنهم تمن الحرية والإستقلال ولما بيموتوا بيقول أى ثورة ليها تمن ، ماهو "السيسى" اللى كان بيدعوا للجهاد فى سوريا من جميع انحاء العالم ، ماهو "السيسى" اللى قفل السفارة وقطع العلاقات مع سوريا لما حب يساعدهم ،

ماهو "السيسى" برضو اللى قفل محلاتهم اللى فتحوها فى مصر ووقفلهم نشاطاتهم التجارية ، ماهو "السيسى" اللى كان مش بيخليك تعرف الفرق بين مصرى وسورى فى مصر غير لما بتتكلم معاه وتلاقى لهجته مختلفة ، "السيسى" من قبل مايكون رئيس وهو اللى مسخن الدنيا فى سوريا ومخلى "الحكام العرب" واخدين موقف سلبى ، "السيسى" اللى بيخلى الحكومات الغربية بتتعامل بقوة وقسوة وعنف مع اللاجئين السوريين ، "السيسى" هو اللى بيعملهم "خيّم" فى مناطق متطرفة فى بلاده وبيعاملهم معاملة العبيد وانهم شعب واحنا شعب ، ماهو "السيسى" هو اللى بيقول على جماعات مسلحة "معارضة"
أقولك على حاجة ياعم "الكلجى" سيبك من إسطوانة صعبان عليا وقناع "الإنسانية" اللى انت لابسه ده لمجرد إنك تطلع "السيسى" وحش ، لو صعبت عليك اوى صور "السوريين" اللى مصر مش مقصرة معاهم فى حاجة ، فى آلاف الأطفال بيموتوا يومياً فى "بورما" انت مش بتجيب سيرتهم ليه تحت مسمى الإنسانية برضو ، وبعدين عايزنى أصدقك إزاى وانت اللى صعب عليك طفل غريب وقلبك إتقطع ، وماصعبش عليك طفل مريض بـ "السرطان" وإتريقت عليه وسخرت منه لمجرد إنه جنب "السيسى" اللى بالنسبة ليك عدو !! إحنا يابنى مش مقصرين ولا مصر مقصرة وانت كمان المفروض ماتقصرش ، تعالى نتفق ونحققلك رغبتك ، اقولك ازاى
إتنازل عن مكان فى بيتكوا واستقبل فيه "سورى" ، محلات كتير فى مصر مليانة سوريين قعدهم من شغلهم وريحهم علشان ده لاجئ ومش جاى مصر علشان يتمرمط ويشتغل واشتغل انت مكانه ، استحمل اى حاجة واى مستوى معيشى من الدولة فى مقابل اننا هنتبرع بكتير من مواردنا للسوريين ، استحمل ضرايب أكتر هتفرضها الدولة علشان تعادل العجز اللى هيبقى موجود ، ماتعيطش وتولول لما الدولة تستقبل كام ألف سورى وتلغى الدعم بالكامل ، لما تلاقى فرصة عمل متاحة اتبرع بيها لسورى هو أولى منك
لو مستعد تعمل الحاجات دى طالب بيها وماتطلبش ان الدولة تستقبل لاجئين وقاعد تنّظر وخلاص ! تعرف ساعتها ووقت الجد ووقت الإختيار ،، انت بعضمة لسانك اللى هتقول لا ياعم (اللى يصعب عليا يفقرنى) انا هغير صورة البروفايل أخليها حمرا وأشتم فى "السيسى" !
اندرو الفار

[kj1]

[kj1]