متوسط اسعار المستعمل هذا الاسبوع

[اماراتي 2020]

مطلوب لانسر 2008 بحالة جيدة للتواصل المهندس محمد فتحي 0125656249

[baby2010]

اولا السلام عليكم ورجمة اللة وبركاتة
ازيك يادكتور تامر يارب تكون بخير
معلش كان ليا سؤال ليك معلش استحملني
هو قبل كدة انا بحاول اقرا المشاركات بتاعتك علشان مادوشكشي بكثرة الاسئلة انا فية كومنت ليك قبل كدة قولت فية ان انتا بتحب الياباني وانة احسن شيء وا اولا كورلا ثم لانسر ثم صني وقولت النترا
طيب ممكن اعرف بملغ 60000 ممكن اجيب النترا اتوماتيك موديل كام وهيل هيا عربية كويسة و لا اية
وبلانسبة كمان للبيجو 307 الاتوماتيك هل ستين الف يجبلوي عربية موديل كام فية واحد هنا بيقول فول اوبشن 2003 ب65 الف

[bebo1074]

دكتور تامر اولا اود ان احييك علي اسلوبك الادبي الرصين المعبر في الرد علي جمهور السائلين من اعضاء المنتدي ودي حاجة ممتاز نفتقدها في زمن قل فية حسن البيان وتوصيل المعلومة في بساطة واحنا في انتظار تسجيل انطباعتك او قل تقريرك علي ما يجري الان في سوق السيارات المستعملة باسلوبك الشيق واية اخبار المؤشرات في الطالع ولا !!!!!!!!!!!!!!!!!!!!!!!!! !!!!!!!! النازال

[د0تامر محمد]

المشاركة الأصلية كتبت بواسطة bebo1074 دكتور تامر اولا اود ان احييك علي اسلوبك الادبي الرصين المعبر في الرد علي جمهور السائلين من اعضاء المنتدي ودي حاجة ممتاز نفتقدها في زمن قل فية حسن البيان وتوصيل المعلومة في بساطة واحنا في انتظار تسجيل انطباعتك او قل تقريرك علي ما يجري الان في سوق السيارات المستعملة باسلوبك الشيق واية اخبار المؤشرات في الطالع ولا !!!!!!!!!!!!!!!!!!!!!!!!! !!!!!!!! النازال

شكرا على كلماتك الرقيقة
بالنسبة لسوق السيارات الآن فهو يعيش فى حالة من التخبط
الأسعار متباينة جدا وهناك سيارات مبالغ فى أسعارها وهذا يعود لثقافة إستهلاك من ناحية ولشدة الطلب من ناحية مع قلة المعروض منها
مثلا السيارات ال128 موالسبعينات بينطلب فيها فوق ال10 آلاف؟والتمنينات بتوصل ل20 ألف!!
شىء غريب جدا ومستفز
حب الشعب المصرى الغريب للانسر جعل أسعارها غريبة جدا ومتباينة
الانوس قبل2000 أسعارها تتساوى مع ال2003 بحجة التقفيل الكورى
الأكسنت والإكسيل بينطلب فيها أسعار غريبة!
سيارات جيدة جدا مهدرة مثل الفرنسى (ستروين ورينو وبيجو)وألمانى مثل (الأوبل) وأخرى مثل الفورد بحجة غلو قطع الغيار والصيانة ولمن إمتلك عدة سيارات سيعرف أن الفرق بسيط جدا بين سيارة وأخرى فى ثمن قطع الغيار بحساب العمر الإفتراضى لكل قطعة
ضيق ذات اليد والحالة الإقتصادية وخوف الناس من القسط جعل سوق المستعمل ينتعش والسوق أساسا يحكمه شبكة من التجار تحدد أسعار للشراء بالبخس وتبيع بأسعار مبالغ فيها وفى هذه الأيام تجد الناس تقلّب قرشين فى تجارة المستعمل وبقت شغلانة لكثير من الناس وقد إحترفوا تزويق سيارات سيئة
السوق لا تعلم إلى أين سيذهب فى الأيام القادمة ولكن على الأقل لن تزيد الأسعار عن هذا المعدل ومن المتوقع ان تنخفض قليلا ولكن من يدرى!

[د0تامر محمد]

المشاركة الأصلية كتبت بواسطة baby2010 اولا السلام عليكم ورجمة اللة وبركاتة ازيك يادكتور تامر يارب تكون بخير معلش كان ليا سؤال ليك معلش استحملني هو قبل كدة انا بحاول اقرا المشاركات بتاعتك علشان مادوشكشي بكثرة الاسئلة انا فية كومنت ليك قبل كدة قولت فية ان انتا بتحب الياباني وانة احسن شيء وا اولا كورلا ثم لانسر ثم صني وقولت النترا طيب ممكن اعرف بملغ 60000 ممكن اجيب النترا اتوماتيك موديل كام وهيل هيا عربية كويسة و لا اية وبلانسبة كمان للبيجو 307 الاتوماتيك هل ستين الف يجبلوي عربية موديل كام فية واحد هنا بيقول فول اوبشن 2003 ب65 الف

على فكرة كورولا ثم صنى ثم لانسر
60 ممكن تجيب إلنترا مو2005
بيجو 307 مو2002-2003 ب65 قطع غيارها وصيانتها مكلفة عن اليابانى
وتحت امرك فى اية استفسار