أدب الرحلات

[sad-bird]

المشاركة الأصلية كتبت بواسطة نبيل عبدالرحمن على ذكر قطر أبو قير وكنت باركبه أيام الشباب وكنت ساكن فى العصافرة وكنت باركبه من محطة مصر ، وفى يوم لقيت شاب عامل نفسه عبيط ويلف فى القطر ويشوف أى واحدة كبيرة ولا صغيرة يهجم عليها ويبوسها بالعافية ويجرى يدور على واحدة تانية وهكذا ماسابش ولا واحده فى العربية ، والغريب أنه بيبوس البنات والستات فقط والقطر مليان رجاله ، رحت ماسكه من قفاه تعالى ياله ايه اللى انت بتعمله ده ؟ أوعى انت مالكش دعوة ، رحت مناوله قلمين محترمين قعد يعيط والناس اتلموا عليه حرام عليك ياشيخ بتضربه هو أدك وبقى صعبان عليهم أوى ...ناس غريبة

الله ينور عليك بس للأسف فعلا ممكن الشخص ده يكون حصله مشكلة غالبا سببها واحده ست وبالتالي نتيحة الصدمة هو بيعمل السلوك ده (احمد بدر هيفرح بالبقين دول) والشخص بيتصرف كده بدون ادارك او حتى مدرك ولكنه بينفس عن حالة جواه وغالبا بيكون ولا هو متزن انفعاليا ولا هو شخص سوي

[Injection]

المشاركة الأصلية كتبت بواسطة خالدخليفة ايوه كده يااستاذ نبيل شجعنى الله يسترك احسن الشباب الصغير قلبوها مراجيح خالص والناس مش غريبة ولكن بعد دراسة لشخصية الشعب المصرى الشعب المصرى طيب وبينسى بسرعة وعاطفى ولذلك تلاقى خناقة حامية وموال ومصيبة حاصلة وفى الأخر بتخلص بكلمة معلش واصله نرفذنى ويعتذرو لبعض اصل انا كنت متضايق شوية وانت كلمتىن وتلاقى اعذار طلعت وفى الزحام انا بحس اننا فى حضانة وبعد مراقبة لسلوكيات النس وصلت لتعبير الحضانة ده ده زقنى وده خبط فيا وده قرصنى و م تفتح ياعم انت رغم ان الكل عارف ان المواصلة زحمة ولازم نتحمل بعض لكن تقول ايه واحد معدى خبط واحد معجبوش متفتح ياكذا او من غير ياكذا ويمسكو ف بعض وفى الاخر يعتذرو لبعض شىء عجيب

ياخالد باشا أحنا بنضحك معاك, هو فيه حد فينا هيعمل حاجة من دى يعنى, بأستثناء موضوع الورقة طبعا ( بنضحك معاك تانى) والموضوع قائم على القصص والنوادر العجيبة, كله بيهزر, ودى صفة من صفات الشعب المصرى.

وتحليلك للزحمة فعلا تحليل يطابق وضع الشعب, وخاصة ممكن تلاقى ناس بتتخانق وهتعمل وهتسوى, وتلاقى واحد بكلمة صلح بينهم, طبعا النظام ده مستفز جدا فى الحوادث لأن عمرك مهتاخد حق ولا باطل من اللى خبطك, بس ده يدل على أننا ناس غلابة قوى, وبنسامح بجد ومبنشيلش ضغينة لحد.

وحكاية أستاذ نبيل توضح أن فيه لسه حد فى الشعب عنده نخوة وكرامة حقيقية مش الصورية اللى الناس بتتخانق علشانها, ربنا يكرمك يا أستاذ نبيل, ويخليك دايما من المدافعين عن الحق.

[خالدخليفة]

ونكمل
وف يوم رايح بلد اسمها حوش عيسى مع واحد صديقى ولولا جدو بتاع الكورة محدش كان عرف هيا فين
ومشوار حوش عيسى كله لحد دمنهور(لو رايح بالطريق الزراعى) كوم ومن دمنهور لحوش عيسى نفسها كوم تانى
طريق ضيق جداومنحنياته كتير وخطرومايزيد خطورته اكتر انه اتجاهين وعربيات الميكروباس الفورد القديمة دى تلاقيه نط ادامك بدون مراعاة لاى قواعدويدخل على الاتجاه المعاكس فى المنحنى وده خطر جدا عليه ولافيش فايدة وفى يوم كانو بيرصفو الطريق وعرفت انه علشان خاطر سواد عيون جدو بعد بطولة الامم
المهم الطريق واقف
ليه ياجماعة
بينزلو عربية دبش (دقشوم / الطوب الابيض) علشان الرصف وبقينا ماشيين عربية عربية لحد م جه دورى ولقيت التباع بتاع اللورى بيقول لى عدى وشاور للورى ينزل الحمولة
ايه ده ياعم حاااااااااسب
كان الدبش نزل
ودخاااااااااان رهيب
وانا قلت خلاص كده طالما انا حى يبقى العوض على الله فى العربية ووقضا اخف من قضا
ولقيت العربية سليمة وهرم الدبش نازل ادامها وكلها تراااااااب والتانى مش عاجبه ياباشا نزلت من عربيتك ليه
قلت له اومال عايزنى اعمل ايه مش اشوف الكارثة اللى كنت هتسببها لنا دى
الحمد لله قدر ولطف
الحمد لله
وجبت ورا وطلعت من الطوب
طبعا لما وصلنا والعربية كلها تراب الراجل بص وقال ايه ده انتو كنتو فى الترب (المدافن )

وانا راجع
صديقى شاف واحد بيبيع درة مشوى
اركن ياخالد اركن بسرعة
ايه ياعم فى ايه
هنجيب درة
بقى ده كلام الدنيا ليل والطريق خطر وكله منحنيات مينفعش هنعمل كارثة ان مكانش لينا يبقى هنتسبب فيها
معلش
واضطريت ركنت جنب بتاع الدرة
وجبنا كام كوز درة وفوجئت بكلاكسات رهيييبة
وببص
اتاارى عربية عطلت جنبى والطريق اتقفل وعملنا طابور طويييييييييييييييييل على الجانبين
الغريبة
انا لما مشينا بالعربية ببص فى المرايه الداخلية لقيت ناس بتشتم بتاع الدرة
طب الغلبان ده ذنبه ايه
فكرونى بالقطار لما كان يتأخر كانت فى ناس تنزل تشتم السواق وتتخانق معاه
طب وهو ذنبه ايه ياجماعة

[sad-bird]

المشاركة الأصلية كتبت بواسطة خالدخليفة ونكمل الواد عاطف بتاع العسلية واد أفاق(بتشديد الفاء) يعنى حلنجى وبتاع 3 ورقات زى مبيقولو ويركب القطار من قها وينزل الزقازيق وكان الاول بيبيع برتقال يوسفى (سفندى/يوسفندى اى اسم ) بيجيبه من قيراطين الارض اللى حيلتهم هو واخواته(هو قال لى الكلام ده)وكان يبدأ مزاد البيع ب5 بجنيه وينتهى المزاد ب20 واحدة بجنيه وكنت استعجب لان البرتقال بنجيبه بالكيلو والكيلو وقتها كان ب2.5 جنيه والكيلو عمره م كان 20 واحدة ولابيحصلهم حتى وكنت اشترى وكان برتقال مسكر ولذيذ لحد ف يوم م طلع القطار عمك ابو مصطفى وعمك ابو مصطفى ده يطلع القطار يكنس جيوب الزباين وميديش فرصة لاى بياع تانى انه يبيع ولذلك سميناه البرادعى(علشان محدش يفهم غلط البرادعى بتاع اليومين دول مكانش حد يعرفه غير اللى بيقرو (يقرأون من القراءة )عن مشكلة العراق مع امريكا لكن كان فى مسلسل زمان بتاع عبدالله غيث وكان طالع ظابط مباحث اسمه رشدى مهمته القبض على زعيم عصابة اسمه البرادعى وكان كل م يقبض عليه يجى له تليفون فى آخر الحلقة ويقول له انا البرادعى يارشدى وتخلص الحلقة على كده) وقد كان عمك ابو مصطفى طلع ونادى ووصل المزاد الى 25 بجنيه وفجأة سكت عمك ابو مصطفى وقال بصوت عاااااااااااااااااااااااا اااالى وحيااااااانى (من الصوت الحيانى) ولا25 ولا 28 ولا29 تلاتوووووووووون بجنيه (قالها كده تلاتوووون/بالتاء بدل الثاء وشدد جداااااعلى الواو وهو بيقولها والواد عاطف راح له ياعم ابومصطفى ميصحش كده وعمك ابو مصطفى نادى مصطفى ولما شفنامصطفى فهمنا ان الواد عاطف هيختفى من الوجود لكن لانه حلنجى أفاق عرف يخرج منها وقال عموما انت زى والدى وانت حر وانا ابنك والى انت عايز تعمله اعمله بعد كام يوم الواد عاطف جاب شوية جوافة وحصل نفس المواقف والبرادعى فى القطار فقرر يبيع عسلية طب اشمعنى العسلية فقال اهو لما بجوع بفتح كيس اكل واحدة وابيع الباقى فرط يالا 13 واحدة بنص جنيه بنص جنيه اللى معاه نص هياخد كيس والا معاه جنيه هياخد 2 العسلياااااااااا

ههههههههههههههههههههه
ياعم بلاش مصطلحات اللغة العربية دي احمد بدر مراته طيرت البرجين اللي عنده مش هيفهمهم
هههههههههههههههههههههه

بس مقلتلناش برضة ازاي ال20 او 25 او 30 بجنية الا بقى اذا كانو مسروقين او مضروبين

[خالدخليفة]

والله كانو زى العسل واللى انا اكتشفته ان الاسعار هنا فى القاهرة بيبقى مبالغ فيها جدا وكنت بشترى معظم الفاكهة من الاقاليم لحد م ابتديت اركب العربية والاسعار بقت زى القاهرة فبطلت