رد: مخطط تصفيه الثوره ,,
الإعلامي فؤاد أبوهميلة
المعارضة حلوه والله وبتكسب كتير وفضائيات وشغل عسل ، عارض أي حاجة لو الدولة قالت الجزيرتين مصريتين قول أنت لأ دول تبع السعودية ، ولو قالت الجزيرتين سعوديتين قول أنت لأ دول بتوع مصر ياخونة ياللي بتفرطوا في الأرض والعرض ، وحتلاقي برامج تستضيفك وصفحات الإخوان والخلايا النايمة و6 إبريل هتلمعك وتشهرك وحتبقى نجم ، وأي حد يساند الدولة ومؤسساتها قول عليه مطبلاتي ، بس خلى بالك إن الثمن اللي بلدك هتدفعه وأنت بتعارض معارضة هدامة وبتروج شائعات وتطعن في البلد وتشهر بيها وتحرض دول زي إيطاليا على بلدك حيكون ثمن فادح تتحمل مسئوليته أجيال قادمة ، عايزين معارضة بناءة منطقية وعقلانية ناس هدفها مصلحة البلد مش معارضة من أجل الشهرة والفضائيات .
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
12-04-2016, 09:09 PM
