ابتسامة فى استراحة مصر موتورز

[hesham mansour]

بس بالنسبه للكماليات
يا ريت لو تعرفنا
ptmnlo123per145

[oldman]

يا ترى بيتحمل قوة كام حصان

[د0تامر محمد]

نكت سياسيه 00وربنا يستر
-------------------------------
*ذهب نائب رئيس دوله لزياره تمثال الجندى المجهول فطلب التمثال حصان يجلس عليه لانه تعب من الوقفه00 راح النائب لريسه حكاله الحكايه واستغرب جدا 00قاله لازم نشوف ايه الموضوع ده00 راحو مع بغض للتمثال لما شافهم قال للنائب:
انت ما بتفهمش انا قلت لك هات لى حصان مش حمار!

*تفاخر مسئول امريكى امام آخر عربى وقاله احنا بندى المواطن عندنا الف دولار وبناخد منه 500 ضرايب وفواتير كهربا وميه وتليفون ونضافه ومابنسألوش بيودى الباقى فين
فرد عليه العربى احنا بندى المواطن 100 دولار وبناخد منه 500 دولار ضرايب وكهربا وميه ونضافه وعينه وما بنسالوش جاب الفرق منين

*واحد معارض اخدوه ظبطوه لما طلع خد بعضه وعلى كباريه 00 كانوا مراقبينه ادوا تمام انه تاب
شرب كاسين وسكر قالوا تاب واناب
طلع الاوتوبيس يسرق هللوا وقالوا بقى من الحزب

*مدرس سأل طالب ابتدائى :حيوان من
تلت حروف مفترس00 الولد قاله أسد
-ابوك يشتغل ايه؟
-دكتور
-ولاد دكاتره صحيح
سأل التانى:
-ايه اصغر حيوان من تلت حروف
-فار
-ابوك بيشتغل ايه؟
-مهندس
-ولاد مهندسين صحيح
سأل التالت:
-حيوان من اربع حروف بيطير
-تمساح
-غبى 00 ابوك بيشتغل ايه؟
-ظابط امن دوله
-هوه الحقيقه التمساح بيطير لما يبقى وزنه خفيف شويه00 برافو

*مره رئيس بيسأل طالب:
-تحب تطلع ايه لما تكبر؟
-وزير سعادتك
-انت عبيط يابنى!
-الشرط ده الحمد لله متوفر عندى

*رئيس سأل وزيره :
-انا احسن ولا بوش؟
-انت سعادتك لان بوش بيخاف من بن لادن
-طب انا ولا اولمرت؟
-سعادتك لان اولمرت بيخاف من نصر الله
-طب انا ولا عمر بن الخطاب؟
-برضه سعادتك لان عمر كان بيخاف من ربنا

[AHMEDCAR]

ياراجل حرام عليك موتنى من الضحك

بس بتاعه سيدنا عمر بن الخطاب دى ميه ميه فى الجون

و ربنا يستر

[koky_90]

اضحك ولا اعمل ايه ...!
حد شايفنا................... ......................... ......................... ptmnlo123per1118

انا هتضحك وخليها على الله (هههههههههههههههه) بس نكت في الجون تسم ايدك ptmnlo123per15