ارشيف الاستراحة 2011

[mahranahm]

المشاركة الأصلية كتبت بواسطة _amr.mostafa_ على فكره انت كاتب مقتبس يعني منقول ومنقول يعني مقتبس والاتنين يدلو على النقل والاقتباس ..

شكرا على الاضافة انا قولت يا راجل انك من ليبيا

[mahranahm]

المشاركة الأصلية كتبت بواسطة corsair طب كويس انه قال ان المرءه بتولد مش بتبيض

مسخرة يا كورسير
بس انت خد بالك انها فى كل شهر بتتعب
وهى حامل بتتعب

باين عليها مبتخفش خالص

الراجل ده بيقعد معاك كتير اوى يا كورسير دا متعقد من الحريم هو كمان

[sad-bird]

المشاركة الأصلية كتبت بواسطة mesho70 اسمحلى ارد انا - ممكن حضرتك تغير المعروض فى كل صفحة من لوحة التحكم وتجعلة يعرض 40 مشاركة ودة الحد الاقصى وبيكون اريح للتصفح - وهتلاقى رقم المشاركة مكتوب على الشريط الاصفر اقصى اليسار وامامة علامة # والرقم فمثلا ً مشاركتى هذة رقم 36 - وبالتالى ترجع لرقم المشاركة رقم 23 وتلاقى الرد

شكرا يا باشا على الرد والتوضيح



انا عارف معلومة العرض وكنا قبل كده اتناقشنا فيها
وقلنا نعمل كلنا الموضوع ده بدل ما نقعد نتصفح كل صفحة عدد قليل
الخيارات موجوده حتى 100 مشاركة في الموضوع وانا عاملها عندي على 20
بالتالي عدد الصفحات عندي 2 بس
بس كنت بغيظ حبابينا اللي هنا

[nktis]

كل الحاجات المهمه في حياتي بعملها في وقت قصير وصعب(طواريء)
من ايام المدينه الجامعيه في سموحه ..اروح اقدم اخر يوم والامتحانات ادخل بعد 10 او ربع ساعه...حتي مشروع حياتي الصيدليه وكانت معاينتها النهائيه يوم ثلاثاء عشان يدوني اذن فتح ومزاوله نشاط ...ويدوب كنت عملت نقاشتها ومفيش رف يوحد ربه يوم السبت ومعالي سياده النجار متاخر في شغله ولو لجنه المعاينه جات وملقتش الميزان والطفايه والارفف ...؟؟؟ خد تاجيل 6 شهور تاني
الميزان ...........زاستلفته من صيدلي صديق وهو اللي مدربني.
بس اشتريت الطفايه..........ولكم ان تتخيلوا اني من يوم السبت الظهر الي الثلاثاء فجرا واقف معايا النجار والنقاش عشان يدهن الرفوف..وللاسف كنت مضطر اوكلهم ترمادول عشان ماينموش...
تعالوا لصلب الموضوع....الجوازه اللي اجلتها 3 مرات
مره.............وفاه احد اعمامي رحمه الله عليه
مره............وفاه ابن عمي وهو واقف علي عرفه( مهندس في كهرباء الحرم)
واخيرا............وفاه والدي رحمه الله بعد مرور اصعب واقصي وقت علي مدار حياتي ...لكم ان تتخيلو اني كان لازم اداري واخفي عنه طبيعه مرضه وكمان والدتي ....ده غير كميه المسكنات.......الحمدلله مات ومعرفش كان عنده ايه ..؟مكنتش اقدر ابص في عنيه في اخر ايامه ...رحمه الله
الجوازه...محدد بعد امتحانات الثانويه اول شهر 7 ....جميل وشغال براحتي خالص في شقتي واروح اتفرج واختار...لسه بدري وانا بداتها بدري
ولكن اخو العروسه هيدخل في الصيف وحجز القاعه في 4 شهر 7؟؟؟؟؟؟؟؟؟
يبقي لازم ااجل بعده ..اقلها استني اسبوعين.؟ رمضان.؟؟استني للعيد
انا قلت مبدهاش ياد يا نوح انفجر واعمل ثوره واضراب في البيت واطلق لحيتك ..؟ومثل دور الاكتئاب لحد ما صعبت علي والدتي وصممت تجوز الواد المكتئب...؟ نسيت اقلكم صح...اخو العروسه اللي هيتجوز جاتله استدعاء من الجيش من 18 مارس الي 18 الشهر الجاي
لازم اعمله قبل ما يروح الجيش يوم 17 مارس
فاضل 11 يوم وساعات
الطواريء اللي عندي ...لسه ما جبتش العفش........بكره ان شاء .ادعوا يكون السعر حنين...
التنجيد......اشتريت القطن ووديته للمنجد النهارده وشغال فيه ...هستلمه بعد بكره
كسوه العريس والبدله .... اشتريت اللبس البيتي والداخلي وبس ولسه بعد بكره نازل اسكندريه اجيب الخروج والبدله...ربنا ييسرها
والنهارده رحت المستشفي عشان اعمل شهاده صحيه وهستلمها يوم الارعاء...وعقد القران الجمعه وطبعا روحت اتصورت مستعجل

انا عايز من حضراتكم تدعولي ان ربنا ييسرها ويفتح الطرق معايا ويسهل المشاوير ومتحصلش اي حاجه طواريء تاني ..........حراااااااااااام .........عايز اتجوز
وطبعا كل الاخوه الافاضل اعضاء مصر موتورز معزومين ...اللي عايز يجيني .............يشرفني...متق لقوش من ناحيه الاكل ....لحوم وحمام ورومي للي يحب...
العنوان محافظه البحيره...قطاع جنوب التحرير ....مركز بدر...مدينه النجاح...صيدليه د.نوح ..والانسات الفتره الصباحيه هيقوموا بالواجب ويدلوكم علي مكان المزرعه...حيث الفرح
اسف لاني طولت عليكم بس بصراحه فرحااااان جداااا وعايزكم تشاركوني الفرحه...
اقوم اصلي المغرب بقي.....

[sad-bird]

ألف مبروك يا نوح
روح الحق اتجوز لحسن انت خلااااااااااااااااااااااا ص
ههههههههههههههههه
وادي كمان واحد طار من نادي العزوبية
ربنا يسترها عليا بقى