أدب الرحلات

[sad-bird]

المشاركة الأصلية كتبت بواسطة خالدخليفة ونكمل مرة قامت خناقة فى القطار بين 2 من الركاب والعبد الفقير قام يااخواننا صلو على النبى عيب كده ميصحش انتو اخوات برضه وواحد فيهم شتم التانى بأمه والتانى مستحملش وراح مناوله بوكس بكل قوة وراح صاحبنا موطى طراااخ جات ف العضمة اللى تحت عينى فبص وقال انا اسف كان التانى مناوله فى وشه وصاحبنا اتجنن راح مناوله جاااااااااااامد واتكرر الموضوع والمرة دى جات ف عينى وانا اتجننت ياعم انت نشن كويس فضحك كان صاحبنا مناوله ولسه هيضرب قلت ارحمنى فضحكو ال2 وخلصت الخناقة الاظرف ان شرطة القطار جات وسألو مين كان بيتخانق الناس قالت / دول وبصولى وقالو اومال ده متعور ليه وضحك القطار كله وانا اتنازلت عن حقى وخلص الموضوع ههههههههه

اشرب يا معلم
ما ينوب المخلص الا تقطيع هدومه
مش عارف تعمل زي الشرطة
سيبهم يقطعو بعض وبعيدن ادخل انت
ههههههههههههههههه
فين الندالة اللي كانت من كام يوم في الاسباني

المشاركة الأصلية كتبت بواسطة Injection مازلنا مع خالد باشا وحكاياته الجميلة, وعجبنى قوى كلام حضرتك الهادى المتزن عن منصور وبلاويه, ومقدرش أقول لحضرتك أستفدت من الكلام ده قد أيه, هو وحكاوى حضرتك طبعا. وياريت كل كام حكاية كده تدينا ريبورتاج من دول, يعرفنا البلد ماشية أزاى. ومازلت متابع مايبدو أنه سيكون أطول موضوع فى المنتدى.

خالد ده كله فوائد
فعلا تنطبق عليه المقولة
في السفر سبع فوائد
ربنا يديله الصحه والوقت والمواقف اللي تخليه كل يوم يحكيلنا
بس المشكلة ان حكاوي القطارات هيجلها يوم وتخلص علشان فيه حتة نيسان بعد معاناه التنطيط في القطارات

[sad-bird]

المشاركة الأصلية كتبت بواسطة Injection يا خالد باشا أنا بهزر, ومن ناحية الأستفادة الموضوع ده يعتبر موسوعة للحياة المصرية, وتجارب حضرتك فادتنا كتير وخاصة أن حضرتك لفيت البلد كلها تقريبا وعرفت ناس كتير عمرى ماهعرف زيهم. والموضوع لاشك أنه من أحسن المواضيع الأجتماعية فى المنتدى, ويارب ما ينتهى أبدا.

فعلا الموضوع قيم وشيق ومفيد

المشاركة الأصلية كتبت بواسطة فاطومه المصريه ما شاء الله حضرتك عندك معلومات كتير عن القطارات انا نفسى اركبه بس عندى ف البيت مش موافقين بس المعلومات الخاصه بمنصور والعبارة بيجد اول مرة اسمعها من حضرتك

القطار فعلا وسيلة مريحة بكل الاحوال يكن سوء ادارته هو المشكلة
المعلومات كانت موجوده فترة حدوث المشكلة بعد كده الاعلام اهتم بمشاكل تانية حصلت وكل يوم فيه جديد

المشاركة الأصلية كتبت بواسطة خالدخليفة الله يكرمك بس طبعا اكيد كل شىء له نهاية والانسا ن نفسه اللى هو صنعة ربنا هييجى يوم ويخلص والحياة كلها هتخلص لكن مايبقى تأثير الانسان فى الناس وقال الله تعالى اعوذ بالله من الشيطان الرجيم فأما الزبد فيذهب جفاء وأما ماينفع الناس فيمكث فى الارض صدق الله العظيم

ربنا يديلك الصحة يا خلود وتفضل منورنا على طول هنا بس لما شنانك تتكششر ووشك يكرمش ابقى افتكرنا متسيبناش

ربنا يفرحك بسلمي ويرزقك من فضله بذريه صالحة تقر عينك

المشاركة الأصلية كتبت بواسطة خالدخليفة لعلمك الخاص عدم موافقة البيت عندكم سببه منصور وعصابته والايدى الخفية اللى عايزة تبيع السكة الحديد لانهم بيكرهو الناس فيها علشان تخسر تخسر تخسر وبالتالى يحط الشعب امام الامر الواقع وتتباع ولعلمك ايضا رغم كل ده فالقطارات لازالت أسرع و أأمن وأرخص وأنضف وأحسن مواصلة فى مصر ولايضاهيها ميكروباس ولا اتوبيس ولاغيره وانا جربت الكل وده كلام بناء على تجارب شخصية

فعلا كلامك صحيح لكن القطر
1. لازم تلتزم بمواعيدك معاه رغم انه مش بيلتزم بمواعيده معاك
2. أأمن في حالة الالتزام من كل الناس بعوامل الامان
3. اسرع في حالات الزحام في الطرق السريعة لكن في حالات الطريق فاضية الميكروباص اسرع
4. ارخص دي عاوزة اعادة نظر
5. انضف دي برضة عاوزة اعادة نظر الا ان كنت تقصد الاسباني والفرنساوي والمكيف

المشاركة الأصلية كتبت بواسطة خالدخليفة نكمل وفى يوم كان الحر رهيييييييييييب وكنت نازل على محطة بنها وكان قطار بورسعيد واقف وابتدا يتحرك الى القاهرة ومش عارف ايه اللى خلانى وقفت اشوفه وهو خارج من المحطة والقطار واقف على رصيف رقم واحد (محطة بنها 6 أرصفة)ولازم علشان يدخل على طريق القاهرة بيدخل على تحويلة وسائق القطار خارج سخن واخد التحويلة بسرعة عالية ولقيت شاب واقف على الباب وماسك الباب بايده فى اثناء التحويلة ايده فلتت وطار من القطار ووقع على السكة ودماغه خبطت فى الشريط وانا تلقائيا جريت عليه وقبل ان المسه بصيت على صدره لقيته بيطلع وينزل وفهمت ان فيه الروح طلعت زجاجة ميه ساقعة من شنطتى ودلقتها عليا فاتنفض وقعد يقول آه آه آه وناديت على الناس علشان يشيلو معايا لانى عارف انها ساعة ذروة وفى 4 قطارات جاية ورا بعض وصرخت فى الناس محدش عبرنى وجه افراد مباحث المحطة جرى انت مجنون لازم النيابة تعاين ياعم ده عايش النيابة دى لو مات ثم فى كذا قطار جايين دلوقت ولازم نشيله بسرعة ياعم ابعد عنه الله يخليك انت عايز تودى نفسك فى داهية وخلاص ممكن يكون فيه الروح ويموت فى ايدك وبصماتك عليه احنا جينا وخلاص متشكرين هما فعلا كان عندهم حق وبصراحة اتعلمت من الحكاية دى ان اى مصاب لازم اشوفه حى والا لأ واتصل بالاسعاف تنقله وافضل جنبه لكن امشى قبل م تيجى الاسعاف لانهم عندنا بيتهمو اول حد يشوفوه فى الموقع بتاع الحادث

دي احدى الكوارث عندنا
في كل الدنيا المتهم بريء حتى تثبت ادانته
لكن عندنا المتهم مذنب حتى تثبت برائته
وحتى لو مش متهم لو مجرد انه فاعل خير زي ما انت عملت
لكن لو حصله اي حاجة مما كانت انت اللي هتشيل ومش بعيد يطلعلك واحد يقولك انا شوفتك وانت بتزقه
ربنا يسترها معاك ومعانا

[sad-bird]

المشاركة الأصلية كتبت بواسطة خالدخليفة والله انا مش باصص لحكاية اطول واقصر دى لكن كل الموضوع انى حسيت انى ممكن انقل خبراتى وتجاربى فى الحياة لعل الاعضاء يستفيدومنها

ربنا يجازيك خير

[احمد بدر1978]

المشاركة الأصلية كتبت بواسطة sad-bird هو انت كل حاجة لازم تدخل فيها المدام كل واحد عنده مصيبه لازم تزق المدامات فيها حاجة غريييييييييييبة انت قلتلي انك بقالك 4 سنين عاوز تغير لكن مقلتليش انت متجوز بقالك كام سنة واوعي تصدمني وتقولي من 4 سنين

ماهما سبب اى مصيبة
مين طلع سيدنا ادم من الجنة ؟؟؟
انا ياباشا متجوز بقالى ثلاث سنوات واحدى عشر شهرا بالتمام و الكمال

[sad-bird]

المشاركة الأصلية كتبت بواسطة خالدخليفة وبمناسبة الاسعاف فاكرين جمال سواق التاكسى اللذيذ اللى كان بيسافر معايا ؟؟؟ صاحب الدماغ العالية فى يوم مسافرين سوا انا وهو بس وفى الطريق لقينا حادثة واحد عربيته مخبوطة وهو مرمى جوه العربية والباب متطبق عليه اقف ياجمال ياعم انت غاوى مشاكل اقف بس حاااااااااضر (بقرف) جريت على الراجل لقيته بيقول أه أه أه ورفع عينه شافنى وقال بصوت ضعيف / الحقنى الحقنى طمنته وقلتله متخافش لفيت ايدى فى منديل ورق ومسكت باب العربية وبفتحه مفتحش متطبق على الراجل جوه وقفت على الطريق وقفت سواق عربية جامبو عايزين نخرج الراجل ده انا هفتح لك الباب ومليش دعوة بيه بعد كده ماشى وجاب عتلة ضخمة وطويلة وهو ماشاء الله كان قوى الجسم ودب( بكسر الدال) طاخ دب طاخ دغدغ الباب وفتحه رماه على الارض وسابنى ومشى وناديت جمال كان واقف بعييد ياعم والله هتحبسنا تعال بس لف ايدك فى فوطة من بتوع العربية لف ايديه ال2 وانا لفيت ايديا ال 2 (علشان البصمات )وشلناه نقلناه على جنب وطلبت له الاسعاف مسئول الاسعاف /اسمك ايه انا / محمد احمد السيد تليفونك 010 قاطعنى وقال / عايزين الارضى ماشى مليته رقم غلط قال ماشى انت فين فى الحتة الفلانية استنى متمشيش واحنا جايين (طبعا دى بومبة من الاسعاف علشان ييجى يمسكك ويقول انت اللى خابطه) ادامكو كتير اقل من نص ساعة مستنى وجمال بيمووووت ف جلده انت واقف مستنيهم انت عايز تحبسنا اسكت شوية ياجمال اسكت ازاى انا همشى وتسيبنى اومال استنى علشان نتحبس احنا ال2 ياعم اسكت شوية سكت وهو متغاظ اتصلت بالاسعاف تانى وصلونى بالعربية فقالو بيننا وبينك 10 دقايق وفعلا بعد م قفلت معاه بحوالى 5 دقايق لقيت انوار العربية ظهرت من بعيد ياجمال وادور على جمال مش لاقيه يانهارك ابيض ياجمال هتسيبنى على الطريق السريع ؟؟؟ ياجمال ياجمااااااااال والعربية قربت اوى وانا جريت بعيد وبصيت لقيته راكن بعييييييد وبيشاورلى جريت عليه وانا وصلت له ومشينا بالعربية ولقيت الاسعاف وقفت عند الراجل المصاب ولقيته بيترعش وهو بيسوق مالك ياجمال بص لى انت خلتنى قطعت الخلف انت بتتلكك علشان لما تجوز تقول خالد السبب هههههههههه وقال ايه اللى انت عملته ده قلت حط نفسك مكانه لاقدر الله مش هتبقى محتاج مساعدة ؟ قال م احنا طلبنا الاسعاف انت عارف الاسعاف وشغل بلدنا ولازم نتطمن عليه قبل م نمشى والا ايه ؟؟ قال ماشى عشينى كباب اجيبهولك منين على الطريق السريع معرفش اتصرف هو انت تخلينى اقطع الخلف وتسيبنى من غير عشا ماشى ياعم جمال ولاجل حظه لمحت واحد بتاع كباب وفضل ياكل ياكل ياكل وشرب شاى ومعسل ياعم يالا احنا هنبات هنا قال لا بس قالها بطريقة تقول اننا هنبات وفوجئت بيه ناااااااااااااااااااام انا غلطان انى عشيتك وفضلت جنبه لحد م صحى وروحنا

هههههههههههههههههههههه
وهو فيه حد منننا يقدر ينسي جمال
الا صحيح انت قلت هتشوف اخباره ايه واتجوز والا لسه

بس الله ينور عليك عرفت تتصرف من غير ما تتخلي عن المصاب ومن غير ما تضر نفسك
ربنا يستر طريقك

المشاركة الأصلية كتبت بواسطة خالدخليفة ولازلنا مع الاسعاف (هذه الحكاية لاانصح بيها ابدا لانها مصيبة كبيرة بس ربنا ستر) فى يوم راجع بعربيتى بالليل بعد يوم مرهق من العمل والسفر وخلاص قربت على البيت وقبل القصرالجمهورى فوجئت بسواق تاكسى بيحايل كل الناس اللى ماشيين بعربياتهم ومنهم سواقين تاكسى زيه فوقفت فى ايه قال الست دى روحت بيها مستشفى المطرية وقالو دى عايزة مش عارف ايه موجود فى مستشفى عين شمس التخصصى وانا ممعاييش رخص وعربيتى قديمة ومكسرة زى م انت شايف وببص لقيت واحدة ضخمة نايمة قتيلة جوه العربية فكرت شوية بسرعة وشكيت فى الموضوع لكن قلت ياواد خليها على الله وسألتهم فى حد من قرايبها هنا ؟؟؟؟؟؟؟؟؟؟؟؟؟ ولقيت اكتر من 15 واحد بلا مبالغة اتلمو حواليا وشالوها ودخلوها بالعافيةلانها تقيلة جداااااااااا على الكنبة اللى ورا ولقيت كلهم نطو جوه العربية ومتفهمش شالتهم ازاى وجريت على مستشفى عين شمس التخصصى امام جامعة عين شمس بالعباسية ودخلت على الباب وانا مدى كلاكس طويل وعااااالى والامن فتح الباب بسرعة وشاورو ان الاستقبال يمين فى شمال وجابو تروللى بسرعة ودخلو بيها على الانعاش والدكتور قال عايزينك فى كلمتين (طبعا انا فاهم ) قلت / عينى هركن واجيلك اركن فى البارك هركن قصاد المستشفى علشان مضايقش حد اوكى وخرجت علشان اركن وطيرااااااااااااااااااااا ااااااااااااااان على البيت ولاشافش وشى

فاكر قبل كده والدك قالك يابني حرام عليك انا مش ناقص كل يوم اتخض عليك او حاجة زي كده
وابن عمك اللي قالك انا لو اتصلوا عليا انك اتخطفت والا حصلك حاجة مش هيعبرك
الحمد لله ربنا سترها معاك
فكرتني بحكاية زي اليل حصلتلك بس مينفعش اقولها
ههههههههههههههههههههههههه ه

المشاركة الأصلية كتبت بواسطة خالدخليفة ولازال قطارنا مستأنف المسير وده من المواقف العجيبة جدا يوم حادثة قطار قليوب كنت مسافر الى اسيوط والغريب ان الحادثة فى الوجه البحرى ومع ذلك ارتباك رهيييييييييب فى عموم السكة الحديد وانا راجع بالليل ركبت قطار 2 بالليل من اسيوط وهو قطار مراكز يقف جميع المراكز اولا قام متاخر حوالى ساعة الا ربع وطبع ركن كذا مرة لقطارات كتير متأخرة المهم وصلنا المنيا ولقيتهم بيركنوه على رصيف فرعى قلت بزهق / قطار جديد تانى هنركن له وفوجئت ان اللى جه العادى السريع اللى بييجى من سوهاج روحت ناطط من المركون بتاعنا انا وييجى نص القطار اللى كنا فيه وجرينا على السريع وقعدنافيه وفوجئنا بقطار المراكز اللى كنا فيه هو اللى مشى ايه الحركات دى مفروض السريع هو اللى يمشى وكلنا قلنا وايه يعنى هيمشوه شوية وهيركنوه لينا بعد كده وفوجئنا بالاسبانى داخل محطة المنيا وبتاعنا مركون طبعا كده الاسبانى هو اللى هيمشى والكل هيركن له روحت جريت على الاسبانى وحدى طبعا لان تذكرته غالية وانا جوه الاسبانى فوجئت ان القطار العادى السريع هو اللى مشى والاسبانى استنى ايه الخيانة دى قلت وايه يعنى كلهم هيتركنو فى السكة للاسبانى وفوجئت اننا كلنا مشينا ورا بعض لحد القاهرة المراكز يقف فى محطة من بتوعه السريع يقف بره المحطة وراه لانه مش بيقفها والاسبانى وراهم المراكز يمشى وكلنا وراه لحد القاهرة وحسبى الله ونعم الوكيل فيك يامنصور المفروض فى نظام متعارف عليه انما كل واحد يتصرف بمزاجه ده كلام ؟؟ واخيرا وصلنا القاهرة بعد رحلة استمرت 9 ساعات ونص رغم ان مفروض الرحلة 5 ساعات وربع

ههههههههههههههههههههههههه هههههههههههههه
دنيا
كله ماشي فيها
وكله بيوصل في ميعاده ولا بيقدم ثانية ولا بيتأخر ثانية

المشاركة الأصلية كتبت بواسطة Injection ههههههههههه, الحكاية الأخيرة دى جامدة قوى, "عايزينك فى كلمتين" هههههههههه, بلد عايزة الحرق بصحيح, كان نفسى أعرف هيقولك أيه, ولا لو مكانش سابك تمشى.

هو مش هيقوله
هو هيعمله
وهو عارف هو كمان انه هيمشي ولو كان مش عاوز يسيبه يمشي كان طلب الامن وخلي واحد منهم معاه لغايه لما يرجعله علشان يعمله المحضر ويحوله للشرطة والشرطة تحولة للنيابة ويتعمله اخلاء سبيل بضمان محل اقامته لغايه لما يتعرف اللي حصل اما بقى لو الست حصلها حاجة فكان هيشرب مقلب كبييييييييييييييييييييير

المشاركة الأصلية كتبت بواسطة خالدخليفة هو طبعا الواحد لازم يكون عنده حنكة (حداقة / حدق)فى تصرفه المهم انقاذ الناس لكن انا لاانصح ابدا بموقف عين شمس التخصصى ده ابدا ثم هو هيفتح محضر ويستدعى الشرطة المشكلة انك متضمنش تصرف اقارب المريضة ممكن يمسكو فيك ويتهموك ودى شفتها بعينى واحد بعد م نقل واحد المستشفى اتهموه ان هو اللى خابطه وطلبو فلوس علشان يتنازلو ولذلك دى كانت مخاطرة منى وخصوصا واحنا جوه العربية سالتهم هيا مالها فقالو زعلت( هيا اللى زعلت مش انا حد زعلها يعنى) طبعا ده رد عبيط وبيستهبلو وانا قلقت وهما معايا بعد الرد ده لكن ربنا ستر

الحمد لله ربنا سترها معاك