وأخيرا ... بريوس تكشف سبب التسارع المفاجئ لسيارات تويوتا

[Dr. Bolbolan]

واللـه يا سـامح انت وفادى بتفكرونى بنكتة " هونجا حتى الموت " ههههههه

لآ وسيادة اللواء كل النار ما تهدى بيولع فيها ! هههههههههه

هكذا من المناقشات الحاميه ....من الرأى والرأى

الآخر.....نصل الى الحقيقـــه !!!!!



Dr. Bolbolan
من قناة الجزيييييييييييييييره !

[sam ram]

المشاركة الأصلية كتبت بواسطة Dr. Bolbolan واللـه يا سـامح انت وفادى بتفكرونى بنكتة " هونجا حتى الموت " ههههههه لآ وسيادة اللواء كل النار ما تهدى بيولع فيها ! هههههههههه هكذا من المناقشات الحاميه ....من الرأى والرأى الآخر.....نصل الى الحقيقـــه !!!!! Dr. Bolbolan من قناة الجزيييييييييييييييره !

لا والله يا دكتور مش دفاع مستميت و لا حاجه
انا حاولت اعرض كل اللي اعرفه و اقول وجهه نظري الشخصيه و طلبت الناس تقول رأيها ..
وابسط دليل اني كنت عملت من سنه او اكتر موضوع عن الفتيس الخلوزعي mmt ‎
و زميلنا ايمن عبد الرازق لما طلب مني موضوع عنه يقصد موضوع تاني عنه لانه شافه وعلق عليه و اليومين دول حصلت تطورات و اتضح ان كلامنا عنه كان صح فعلا
كل الحكايه اني بحاول اكون حيادي على اد ما اقدر ....
يعني مش كله دفاع عن تويوتا و لا كله هجوم على كل ما هو اسيوي و خلاص
تويوتا فعلا اعتماديتها قلت .. وفي مشكله و تحقيق وجدال كبير ....لكنها لسه برضو اعتماديتها افضل من عربيات تانيه و شركات تانيه كتييير ... بس للاسف العجل سكاكينه كترت
عن نفسي معتقدش اني ممكن افكر اشتريها لاني بتمن الكورولا ممكن اجيب برافو مثلا و الياريس موتورها صغير على اوتوماتيك و الكامري الي الجحيم بجماركها ... يعني اجيبها و اسيب الاي كلاس !!!
معلش داخل من الموبايل مش عارف اشكر او اجيب روابط
موضوع الفتيس ال ‏‎ mmt ‎موجود في توقيعي (قائمه موضوعاتي المفضله )واسمه (الصحافه المدفوعه و المراره المفقوعه)
و هونجا الي الابد دي مش بتاعتي خااااالص
حتى شوف الموضوع كده و انت تعرف

[Ahmed Anwer]

و الله يا دكتور ،،

مش بشعللها و لا حاجة ،،

بس مينفعشي لو الأهلي اتغلب

ادافع عنه ،،

استني يومين كده لما الأهلي يرجع يفوز تاني و اطلع لساني لكل المنافسين

إلا بقه لو زملكاوي

مافتحشي بوقي خالص

[sam ram]

المشاركة الأصلية كتبت بواسطة فادى انا مش هعيد و ازيد لأنك لا تتقبل كلامى, لكن لا تنسى ان تويودا اعترف بنفسه أن تويوتا أهملت الجودة, و ركزت على التوسع, نفس الكلام اللى انا بقوله من سنة, تويودا النهاردة جاى يقول نفس الكلام اللى انا كنت بقوله, يا سبحان الله. بجد برافو عليا. قلت هذا الكلام وسط العاصفة. و الأن ثبت صحته و ظهر للجميع كيف كنت بعيد النظر لأبعد حد. اقرا الموضوع ده يمكن يفيدك http://www.masrmotors.com/vb/showthread.php?t=21333 و لا تنسى ان اليابان نفسها انتقدت تويوتا و اهمالها و تسببها الاضرار بسمعة الصناعة اليابانية ككل, طب اليابان كمان متواطئة و بتتأمر على تويوتا؟! برضو النظرية المصرية, كتر خيرها انها تكرمت و تفضلت و و صلحت العربيات البايظة بتاعتها.طب ما كان من الأول! يا سيدى قانون الصناعة هو اصلاح عيوب الصناعة من قبل الصانع, هذا شىء ملزمة به اى شركة سيارات. تويوتا عارفة العيب, لكنها لم تبحث فى سببه, أو ربما يكون السبب الحقيقى مصيبة تويوتا لا تريد الكشف عنها, و بتلبسها فى الدواسة. ليه؟ لأن اكتشاف العيب هيؤدى الى استدعاء عدد كبير من السيارات, و خسارة مالية للشركة و على مستوى السمعة طبعا. لو حضرتك مش شايف ان مقتل عائلة كاملة سبب كافى لمحاكمة تويوتا فده شىء يرجعلك, بقولك ايه, تعيش تويوتا, فداكى يا تويوتا!! نموت نموت و تحيا تويوتا, ربنا يوعدنا كده بموته جوه حتة بريوس من اللى بتحافظ على البيئة, و لا حتة لكزس عشان الواحد يموت و هو مبسوط, اصل الجماعة اليابانيين مبيغلطوش حتى الموت, ليه نظام عندهم! انا مش هتكلم تانى لأنك لا تتقبل كلامى, و يا سيدى نستنى نتيجة التحقيقات و نشوف, و لا طبعا هتقولى أصل القضاة كانوا متربصين. سلام!

انا مبقولش متتكلمش تاني ... لأني مقدرش احجر على رأيك
انا بس قلت اعفيني من النقاش معاك في الموضوع ده ... لاننا دايما بنتصادم في النقاش و الحوار بيطوووول اوي في دائره مغلقه ...
متزعلش مني يا فادي ... بس انا عارف مدى كرهك للاسيوي .. وبالتالي متأكد ان عمر النقاش معاك عنه ما حيوصل لاي نتيجه مثمره
انا بحترم ارائك في اغلب موضوعاتك ... لكن للاسف دايما شهادتك في حق الاسيوي مجروحه بالنسبالي ... حتى لو كنت صح !!!
عموما الايام حتوضح الحقيقه ... نستنى ونشوف

[AbOnOrA]

يافادى احنا مش بندافع عن تويوتا ولا متحيزين ليها زى مانت ضد اى صناعة اسيوية بس احنا بنتكلم عن عن الحياديه

يعنى مثلاً مشاكل التسارع المفاجىء اياً كان سببها مش اختراع تويوتا ولا حاجة وفيه تقارير وحوادث كتير بسببها فى عربيات كتير من زمان منهم على سبيل الذكر ( هوندا - فورد - كريسلر - جيب - كيا - اودى )
والاخيرة ديه اللى هى اودى كانت ليها قصه وضجة كبيرة زى تويوتا دلوقتى
http://en.wikipedia.org/wiki/Audi_5000

كمان فورد الامريكية هى اكثر شركة بعد تويوتا عليها تقارير بسبب نفس المشكلة لدرجة خليتهم يوقفو انتاج بعض الموديلات اللى بيعملوها فى الصين علشان نفس المشكلة

ومن حيث التقارير وفقا للكونسيومر ريبورت فورد عليها 36 شكوى مقابل 52 شكوى لتويوتا

http://blogs.consumerreports.org/car...s-ford-gm.html

والسؤال هنا لما لا يتم التحقيق مع فورد وتعامل الشكاوى ضدها اعلامياً كما يحدث الان مع تويوتا مع ان الاتنين الشكاوى ضدهم فى موديلات 2008 وما بعدها برضو !!!؟

عامة مفيش حد يقدر ينفى او يثبت مدى صحة المشاكل ديه بس الواضح ان الموضوع فيه تحامل زائد على تويوتا لترجيح كافة السيارات الامريكية المتعثرة فى السوق الامريكية ايضاً ده اللى بنقولة

لكن بعيداًَ عن الماركات كلها انا شايف ان فلسفة القيادة بالاسلاك DRIVE BY WIRE سرعان
ما ستثبت فشلها ومسئوليتها عن كل المشاكل ديه بس محدش يقدر يعترف بده لا تويوتا ولا غيرها