#26
|
|||
|
|||
رد: ما هي وضعية القيادة المفضلة لك في سيارتك ؟؟؟؟
انا عن نفسي ببقي مرجع الكرسي لورا ومرجع الضهر برده وببقي غطسان في الكرسي يادوب شايف الطريق
بس مش بحب اشغل التكيف دايما بحب ابقي فاتح الشباك واحس ان انا مع الناس برده بس اهم حاجة حزام الامان مش لحاجة عشان مفيش اي لجنة تكلمني وطبعا الايد الشمال علي الدريكسيون واليمين علي الفتيس |
#27
|
||||
|
||||
رد: ما هي وضعية القيادة المفضلة لك في سيارتك ؟؟؟؟
أنا كنت حضرت كورس مع الشركة بتاعتي اسمه بالعربي القيادة الامنة. بيقولك طبعا لازم حزام الأمان بلا نقاش. مسند الرأس في نفس مستوي الرأس و ليس أسفلها. يعني المسند من فوق يكون عند شعرك مش تحت عشان ديه بتكسر الرقبة في الحوادث الجامدة لا قدر الله. ما ينفعش الكرسي يكون بعيد قوي عن الزجاج الأمامي و لا قريب قوي. يكون في الوسط و طبعا حسب طولك بحيث انك تكون كاشف الطريق كويس و زاوية القدم مع الرجل مش صغيرة قوي و لا كبيرة قوي عشان ما تحسش بألم بعد شوية و بردو تكون القدم متحكمة في كل دواسة من أول مشوارها لأخرة. وضع الدركسيون لازم ما يلزقش في ركبك و كمان لازم يكشفلك كل عداداتك كويس. ارتفاع الكرسي يساعدك تكشف العدادات و تشوف وش عربيتك كويس و كمان تكون بعيد شوية عن سقف العربية عشان لا قدر الله في حالة انقلاب العربية الحزام اللي المفروض مربوط بيخليك تنزل شوية ناحية السقف فتكون مش محمل علي رقبتك. مسكة الدركسيون بقي مهمة لازم تمسك بأيديك الاتنين و الابهام اللي هو أول صباع ما يلفش حوالين الطارة لأن في حالة أن كاوتش انفجر لا قدر الله علي سرعة عالية هتلاقي العربية حدفت بسرعة جامدة و الدركسيون هيتحرك بقوة جامدة ناحية الحدفة و ده ممكن يكسر الابهام بسهولة. يعني من الاخر كل صوابعك تكون علي الطارة من فوق ما فيش واحد تحت الطارة. وضعية الايدين بقي يا اما في وضع الساعة 9:15 أو 10:10. يعني تخيل الساعة اللي بعقارب عاملة ازاي في أي وضع من اللي فاتو دول و حط ايديك الاتنين زيها. المرايات بقي الناس كلها عارفة حاول تكون 90 درجة مع الباب أو أضعف الايمان تجيب يا دوب جنب العربية. صدقوني الحاجات ديه كلها تعود مش أكتر. أنا من كنر ما اتعودت علي حزام الأمان باستعملة و أنا قاعد علي الكنبة الخلفية مع أي حد و كمان و الله و أنا ماشي علي رجلي بحس أني عايز أربط الحزام من كتر ما اتعودت عليه. ربنا يحفظنا احنا وولادنا و يهدينا.
|
#28
|
|||
|
|||
رد: ما هي وضعية القيادة المفضلة لك في سيارتك ؟؟؟؟
تسلم الايادى ياكبير
بالنسبة لصاحب الموضوع استاذى موضوعك اكثر من رائع بيفيد جدا ناس كتير وبتكتسب منة خبرات كتير ( فى الاول قولت الموضوع فستك ولكن انا قريت اغلب التعليقات ) بجدا موضوع شيق على حسب رائى وضعية القيادة بتعتمد على حالتك النفسية وحالة شريكتك على الطريق ( السيارة ) يعنى الحزام اولا ( دا اساسى بيدينى احساس بالامان ) الاحكام الجيد على الطارة وعدم الاستهزاز بيها اختلاف اوضاع الايادى على الدريكسيون لحد 80 دا وضع عادى بعد كدة تحكم المسكة كويس واخير وليس اخر تسلم الايادى يا كبير |
#29
|
||||
|
||||
رد: ما هي وضعية القيادة المفضلة لك في سيارتك ؟؟؟؟
باختصار شديد
نفس اللي بيعمله شريف بالظبط وضع النوم هههههههههه والسنده عالمخدع واغطس فالكرسي حتي موضوع الزجاج مغلق صيف وشتاء انت بتقلدني ولا ايه يا شريف ؟
__________________
لمن لا يعرفني
http://www.masrmotors.com/vb/member.php?u=50931 لتجاره قطع الغيار الاستيراد والجديد ومقاوله سيارات الحوادث (لانوس - نوبيرا - كيا سيراتو - تويوتا - لانسر - هيونداي - اوبترا - اوبل - متسوبيشي ) اقوي مقابلات الاسكندريه فى اجازه نصف العام 2013 http://masrmotors.com/vb/showthread.php?t=105128 |
#30
|
||||
|
||||
رد: ما هي وضعية القيادة المفضلة لك في سيارتك ؟؟؟؟
أنا بقي عندي مشكلة كبيرة أني اول ما ارجع الكرسي أرى كدة وأسواق وأنا مسترخي ابص ألاقي نفسي أوتو متك بسوق براحة جداااا وفجأة نمت علي نفسي خالص وبدأت اسقط وساعتها قدامي حل من تلاتة يا أما أوزود السرعة علشان أفوق أو اعدل الكرسي علشان ابقي شايف الكارثة الي هعملها لا قدر الله والحل الثالث والي ليحصل بصراحة أني بفضل زي ما أنا وادور علي حد أغري معاه في التليفون شوية وربنا يستر علينا وعليكوا
__________________
|
الكلمات الدليلية |
قيادة السيارات |
|
|