عرض خاص من اليجانس لفرش السيارات

[RAYAN]

المشاركة الأصلية كتبت بواسطة محمد التهامى السلام عليكم حضرتك انا معايا لادا 2105 وعاوز اغير الكراسى الاماميه واعملها كسوه نظيفه ممكن تقولى سعر الكراسى الاماميه كام وتكلفة كسوه كامله للعربيه كام ولكم جزيل الشكر

عليكم السلام
اولا ياباشا نورت الموضوع بمشاركتك .
ثانيا انت لو عايز تغير الكرسيين عشان شكلهم مش عاجبك يبقى نشترى كرسيين بتوع عربية تانية شكلهم يكون اريح ليك ( وانا مش مع الفكرة دى لان اقل كرسى حالته كويسة هيلعب فى 500ج , وفى نفس الوقت هنروح لسمكرى عشان يعمل قواعد للكراسى الجديدة وعمرها ما هتطلع مظبوطة زى الكرسى الاصلى ) يعنى افضل بلاش نغير الكراسى .
ثالثا لو شكلها عاجبك بس الكراسى جابت اخرها هاتهالى وانا ارجعهالك جديدة وباقل تكلفة ممكنة .
رابعا سعر فرش اللادا ( جلد امريكى او المانى لون او اكتر وبالخياطة الدبل وضمان عامين ) 700ج قبل الخصم , 595ج بعد الخصم - دة بخلاف تجديد الكراسى وانا مش هاقدر احدد سعره غير لما اشوف الكراسى الاول - ولو بسيطة هتبقى مجانا ولو صعبة يبقى بسعر الاجزاء اللى هتتغير فى الكراسى بدون مصنعية - كله يهون عشان اعضاء مصر موتورز .

يارب تكون اجابتى افادتك , وفى انتظار شرف زيارتك لينا .

[RAYAN]

المشاركة الأصلية كتبت بواسطة zmzm0000 والله عداك العيب انت راجل محترم جدا بس للاسف متأكد ان الفرش اللي محتاجه مش جاهز عندك عالعموم دي صور الصالون واخد بالك الكنبه اللي وراء لوحدها 5 قطع غير المخادع الرأسيه ويا سلام لو التصميم ده بقي اللي تعمل زي بتاع التيدا او الكروز واو توريني اي حاجه علي مزاجك بس قوللي حيتكلف كام بعد الخصم

ياباشا انا محترم بوجودى مع ناس محترمة زى اعضاء مصر موتورز , وتأكيدك فى محله ياباشا انا فعلا معنديش مقاساتها , الكنبة اللى ورا هتفضل 5 قطع وبنفس تقفيل الفبريقة واكيد مش هنلغى المخادع , انما موضوع التصميم عربيتك ماشاء الله صالونها تحفة وتصميم الفرش اكثر من رائع فاحنا هنشتغل على نفس التصميم بتاع الفبريقة وممكن نلعب بالالوان زى ما احنا عايزين يعنى مثلا ( قاعدة الكرسى فيها جنب يمين وجنب شمال وكل جانب فيه نصف دايرة لو ركزت شوية هتاخد بالك منه دة ممكن يتعمل لون مختلف عن باقى الكراسى ونفس الكلام فى قاعدة الكنبة والالوان كتير زى ما تحب ) ودة رأى الشخصى ونصيحة لان انا يهمنى ان عربيتك تخرج من عندى تمام التمام والموضوع يرجعلك فى التصميم والالوان , فكر وانا تحت امرك فى اى استفسار , والتكلفة 720ج بعد الخصم من ( 850 ) , وبرضه خد جولة فى صفحتنا على فيسبوك هتساعد فى اختيار الالوان او التصميم مع العلم ان اى تصميم ينفع يتعمل فى اى عربية ولكن هناك افضل تصميم شكلا وبلا ضرر على الفبريقة .

[RAYAN]

المشاركة الأصلية كتبت بواسطة Moh.Osama ربنا يخليك والله مش عارف اقولك ايه فعلا محترم وبلاش موضوع بخيل ده هههههه ويا سيدى المشاريب عندى وان شاء الله فى القريب العاجل هتشرف بالزيارة والتعرف على انسان ذوق زيك ندخل فى الشغل انا دخلت على البيدج وملقتش صور لى اللوجان مافيش رينو غير سينيك وفلونس انت معملتش حاجه للوجان قبل كده ولو عملت يا ريت بردو تورينى صور علشان الواحد يبقى عندوا فكر عن الشغل هيبقى عامل ازاى ملحوظه متشرفتش باسمك انا محمد اسامه

والله ياباشا بتحرجنى بكلام حضرتك وطبعا الشرف لى فى انى اتعرف عليك , للاسف انا فعلا معملتش لوجان لسة ودة معناه ان عربيتك هتكون اول لوجان على صفحتنا , ولو حضرتك عايز تاخد فكرة عن الشغل فى حل من اتنين اولهم انك تبص على الفرش الاصلى وتبدأ تتخيل الالوان اللى انت عايزها دة لو هتعمل الفرش بنفس التصميم الاصلى , والثانى ان حضرتك تشرفنا بزيارة ونفكر مع بعض .

وخليك فاكر ياباشا انك قولت المشاريب عندك ههههههههههه ( بخيل بخيل يعنى مش اى كلام )

وانا اتشرفت بمعرفة حضرتك يا استاذ محمد , وانا اسمى احمد ريان ودة رقمى 01061203070 وفى انتظار زيارتك فى القريب العاجل .

[zmzm0000]

المشاركة الأصلية كتبت بواسطة RAYAN ياباشا انا محترم بوجودى مع ناس محترمة زى اعضاء مصر موتورز , وتأكيدك فى محله ياباشا انا فعلا معنديش مقاساتها , الكنبة اللى ورا هتفضل 5 قطع وبنفس تقفيل الفبريقة واكيد مش هنلغى المخادع , انما موضوع التصميم عربيتك ماشاء الله صالونها تحفة وتصميم الفرش اكثر من رائع فاحنا هنشتغل على نفس التصميم بتاع الفبريقة وممكن نلعب بالالوان زى ما احنا عايزين يعنى مثلا ( قاعدة الكرسى فيها جنب يمين وجنب شمال وكل جانب فيه نصف دايرة لو ركزت شوية هتاخد بالك منه دة ممكن يتعمل لون مختلف عن باقى الكراسى ونفس الكلام فى قاعدة الكنبة والالوان كتير زى ما تحب ) ودة رأى الشخصى ونصيحة لان انا يهمنى ان عربيتك تخرج من عندى تمام التمام والموضوع يرجعلك فى التصميم والالوان , فكر وانا تحت امرك فى اى استفسار , والتكلفة 720ج بعد الخصم من ( 850 ) , وبرضه خد جولة فى صفحتنا على فيسبوك هتساعد فى اختيار الالوان او التصميم مع العلم ان اى تصميم ينفع يتعمل فى اى عربية ولكن هناك افضل تصميم شكلا وبلا ضرر على الفبريقة .

والله عدا العيب وأزح هههههههههههه
تسلم ايديك ودماغك خلاص انا حفضي نفسي يوم وارتب معاك بالتليفون واجيلك يوم من اوله ونظبط المسائل والمعاينه تكون عالطبيعه والف شكر ليك يا ابو حميد

[elmo7areb]

انا عندي نفس مشكلة الراجل الى من اسكندرية
انا من المنصورة فا هيبقى مشوار صعب فعلا عموما يا باشا انت شغلك بجد يستاهل اروح السلوم
مبدئيا انا عاوز اغير فرش كراسي كامل مع مخدع السائق مع فرش كامل للارضية مع جوانب الابواب مع السقف
افضل خامه وافضل تطريز وخياطة وتقريبا اللون هيكون بيج فى رصاصى العربية نوعها نيو اكسنت 2008
اعمل حساباتك يا باشا بس اخصم ثمن المشوار الى هجيهولك وشوف حوار ازاى اجيلك يا باشا وتخلصني بسرعة لاني يعنى ممكن اجي مع خطيبتي وعاوز الحق اروح الحسين شوية وارجع المنصورة قبل العشاء