#26
|
|||
|
|||
رد: انحراف السيارة مع الضغط على الفرامل
لازم نعرف ان المشكلة دي ممكن يكون ليها اكتر من سبب 1 - ممكن يكون الكاوتش 2 - ممكن التيل الخلفي ( اتعب وبدل التيل مكان بعضه وشوف النتيجة) 3 - ماستر من مساتر العجل الخلفي فيه مشكلة ومش بتظهر غير عند الضغط عليه 4 - التيل الامامي (بدل التيل مكان معضه ) اعتقد ان الحل مش هايخرج عن كده وربنا يتسرها معاك وانشاء الله تتحل المشكلة لان ده خطر لو مسكت فرمله والارض فيها تراب او ميه وكنت بتجري بسرعة |
#27
|
||||
|
||||
رد: انحراف السيارة مع الضغط على الفرامل
متابع ومشتاق اعرف الحل
__________________
سبحان الله وبحمدة سبحان العظيم
|
#28
|
رد: انحراف السيارة مع الضغط على الفرامل
السلام عليكم
الموضوع ده حصل معايا في البولونيز من زمان...شوف الاحتمالات ده مش هيخرج منها انشاء الله: 1-ممكن يكون عندك ركبه من ركب العفشه لحامها فك.ف لما بتدوس فرامل الفرده اليمين بترجع شويه لورا...ف العربيه بتنحرف يمين وده علاجها سمكري شاطر ولازم تلحقها لانها خطيره وممكن الركبه كلها تنفصل من الشاسيه وانت ماشي وخلي واحد صاحبك يقف وامشي بالعربيه وفرمل قدامه خليه يشوف الفرده هترجع ورا وللا لا 2-ممكن يكون خرطوم من خراطيم مصاطر الفرعيه فيه سدد او اختناق ..ما يؤدي لانه بيوصل زيت بكميه اقل من الجانب الاخر فيؤدي لانحراف العربيه زي ما انت بتوصف..وحله انك تفكه وتسلكه كويس وتغسله وتركبه تاني 3-ممكن يكون مصطر الامامي بتاع الفرده اليمين (قافش) يعني بعد ما تشيل رجلك من على بدال الفرامل ...البستم بتاعه مش بيرجع للاخر.ما يؤدي ان لما تدوس فرامل تاني ,البستم بيوصل التيل للطنابير اسرع من الجنب الشمال..فيؤدي للانحراف . وحل الموضوع ده انك بتفك الماصطر من بعضه وتنضفه وتغسله كويس وتتاكل انك فكيت القفشه.او تغيره لو كان عما عتب او شفه عشان ميعلقش تاني 4-وممكن يكون عندك الجنب اليمين التيل مليان والجنب الشمال التيل متاكل فلما تفرمل ..برضه الجنب اليمين يمسك اسرع من الشمال
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن اللهم احسن وقوفنا بين يديك ولا تخزنا يوم العرض عليه اللهم اغفر لنا ولوالدينا ولمن له حق علينا |
#29
|
|||
|
|||
رد: انحراف السيارة مع الضغط على الفرامل
أصدقائي الأعزاء كل عام وأنتم جميعا بخير وان شاء الله يكون عام سعيد علينا وعليكم وعلى الشعب المصري العظيم وعلى مصر ان شاء الله .
انا بعتذرعن عدم المشاركة خلال الفترة الماضية بسبب ظروف العمل وأنا بشكر جميع الأخوة الأعزاء اللي أضافو للموضوع معلومة جديدة أفادتنا جميعا . أنا لسه لحد الأن لم أكتشف العيب الحقيقي اللي عندي ولكن جاري البحث وان شاء الله لما اعرف السبب الحقيقي في ده هكتبه هنا في الموضوع وشكرا جزيلا على اهتمامكم جميعا ونسألكم الدعوات تقبلوا جميعا تحياتي . |
#30
|
|||
|
|||
رد: انحراف السيارة مع الضغط على الفرامل
الأخ العزيز شارو أنا سعدت جدا بمشاركة حضرتك واضافتك للموضع بالنسبة 1- لموضع الركبة في العفشة اللي فك لحامها أنا وديت العربية للعفشجي كشف على العفشة بالكامل وربط حاجات كانت مفككة فيها وفعلا حسيت ان الانحراف قل بسيط عن الأول وكمان رجة الدريسكيون عند السرعات العالية ولكن طبعا مازالت المشكلة قائمة . 2- موضوع الخراطيم أنا اختبرتها قبل كده وجابت زيت من مسمار الهواء وده بيدل على انا دورة الزيت تمام بس اللي ممكن يكون مشكلة ان الضغط في خرطوم من الخراطيم اعلى من التاني بمعنى ان فيه فرده ضغط الزيت فيها ضعيف وللاسف ده هيكون اكتشافه صعب شوية . 3- لو البستم قافش في اي فردة من الفرد هتلاقي فيه حرارة عالية فيها بعد مشوار طويل او طبعا على حسب القفشة وده مش موجود عندي . أنا بشوف حرارة الجنوط بعد مشوار طويل بلاقيها طبيعية تقريبا . 4 - التيل في الجنب اليمين والشمال الميكانيكي بدلهم فعلا مع بعض وده يدل ان التيل في الفردتين مش متساوي بس أنا ساعتها مكنتش مركز معاه قوي فأنا هفك التيل بتاع الفردتين ان شاء الله بنفسي وهشفهوم ان شاء الله . وبالمرة هكشف على المساتر الفرعية بس مشكلة ضغط الزيت في جميع الخراطيم يكون واحد ديه مش هقدر احددها. تقبل تحياتي |
|
|