العربيات ح تجنني والله ...وحالة نفسية سيئة جدا جدا

[nadeem55]

والله سوقت السيارة أول مرة دون أن يعلمني أحد منذ ثلاثين سنة ، والسبب كنت مغرم سيارت وكنت ألاحظ ماذا يفعل السائق جيدا ، وليس معنى هذا أنني أرشدك لعدم التعليم على يد أحد بل تحتاج لصبر وجرأة

[nktis]

الذ شيء السواقه وخصوصا لما تكون في بدايتها..
اول والحمدلله بسوق موتوسيكلات من زمان بس فاكر اول مره بدات اتعلم العربيات وكان بصراحه احساس رائع وكانت عربيه دبابه موديل 90 ...مش حاجه جامده.فاكيد البنزين ونعومه العربيات الملاكي الحديثه هيكون لها احساسها الاجمد وربنا يوفقك

[hima_111]

اهم حاجه جمد قلبك السواقة خبرة مع التعود ولا تخاف من اى حاجة

[mahranahm]

هى مش كيمياء الكلمة دى كنت بقولها لنفسى كل لما الاقى عيل صغير بيسوق العربية بسهولة
المهم القلب وشد حيلك يا بطل ومتخفش ومتخليش قلبك يوحيلك انها صعبة اوى

وان شاء الله نشوفك سايق فى احدى مقابلتنا بأذن الله تعالى

[tamem]

السواقة بعد التعلم زى الخاتم فى الصباع زى العوم كده عايز بس تعود وممارسة حتى لو انت مش جرئ هتتعلم هتتعلم
انا اتعلمت والعربية زيرو مع نفسى والموتوسكل كمان والحمد لله بسوق كل حاجة من اول العجلة لحد الجرارات الزراعية بالماتورة
وعندى استعداد اسوق اى حاجة حتى ولو كان قطر او طيارة كله بالتعود