20-02-2016, 12:44 PM
|
 |
|
|
تاريخ التسجيل: Dec 2009
المشاركات: 109,157
|
|
رد: مخطط تصفيه الثوره ,,
المشاركة الأصلية كتبت بواسطة kj1
كانت الخطة - طالما مش عايزين الاخوانجية يحكموكوا - إن الناتو ييجي يقدملك الديموقراطية بالعافية، زي ما قدمها قبلك للعراق و غيرها.. يمكن سهل تهزم جيش زي ما عملوا في الجيش العراقي، و يمكن سهل تهزم شعب و تحطمه زي ما حصل للشعب الليبي.. بس الإتنين مع بعض مستحيل.. ماحدش بيهزم شعب و جيش مع بعض أبدا..
عشان كده المشاهد دي مع مشاهد التفويض كانت مروعة.. رسالة مروعة لأنها وضحت لهم اللي كان خافي عليهم و ماعملوش حسابه.. الخطة فشلت..
كان الهدف إن يجيلك القوات الأجنبية بهدف حماية الشرعية و أفلام حماية الأقليات، و بعدين نفاجأ بالناتو بيدك بيوتنا زي بيوت الناس في طرابلس.. و فئة الإخوان الخونة وسطنا مؤيدين للقصف.. "عشان حماية الشرعية" و فئة رافضة، عشان دي بلدها و دي أرضها.. و فئة "أنا مش مع حد".. عشان شمام كلّة عبيط.. و يبقي في "معارضة مسلحة" و "معارضة معتدلة" و "قوات نظامية".. و نكرر السيناريو اللي عملناه في سوريا.. و الجيش يبقي بيتطحن مع خونة الداخل و أعداء الخارج..
بس بالمناظر دي.. ماينفعش.. الوضع إتقلب تماما.. في "قلة بتمثلها جماعة إرهابية" ضد شعب كامل بجيشه و شرطته و مؤسساته...
رهان خاسر بالنسبة للعدو.. ماينفعش خلاص... فشل الرهان.. و التاريخ صنعه المشهد العظيم دا...
عشان كده الخطة اتغيرت من "فوضى خلاقة" إلي "فوضى ممنهجة".. لابد من تفتيت الكتلة الحرجة لـ30 يونيو "شعب و قوات مسلحة".. و في نفس الوقت نعمل علي تفتيت الشعب نفسه إلي "شعب و شعب".. طيب إزاي؟
فرق تسد.. الخطط القديمة بتنجح دايما...
نطلق الشائعات الممنهجة.. نطلق الشائعات الزاحفة.. نسلط الميكروسكوب علي الكوارث و نحجب الضوء علي الإنجازات و النجاح و نقضي وقتنا في التسفيه منهم.. و نضخم أي مشكلة صغيرة و نعمل منها أزمة كبيرة...
القناة تبقي ترعة و المؤتمر يبقي فنكوش و المساكن تبقي وحشة و الدكتور مايشتغلش ..
ننشر صور لإنجازات مش من البلد و نقنع الناس انها من البلد.. و لما مايلاقوهاش علي أرض الواقع.. يفهموا إن حكومتهم بتضحك عليهم...
ننشر سلبيات من كل مكان.. و في كل مكان..
حانطلق كلابنا في مواقع التواصل.. حانطلق كلابنا في الإعلام.. حانطلق كلابنا في الفن.. ولو عن طريق واحد عبيط و ممثلة هبلة يطلعوا يعيبوا في ستات البلد.. و لو عن طريق إعلامي مايركزش إلا علي سلبيات و يتجاهل أي خبر كويس مدعياً إنه "بنحاول نوصل صوت الشعب للدولة"...
عن طريق إعلامي يدلس علي الناس و ما يجيبش خبير يشرحلها إن سعر الدولار ارتفع عالميا.. لا.. نقنع الناس انه ارتفع في مصر بس.. "بلدكم بتنهار يا جماعة"..
رسالة مستترة خبيثة نجحت قبل كده.. وقعت الصومال و أسقطت بغداد...
لازم نحطم روح الشعب دا المعنوية.. لازم ندمره معنويا علي كل الأصعدة.. و لو بطرق بتبدو للناس تافهة.. بس بتأثر فيهم بشدة....
لازم في سبيل دا نتحكم في الإعلام.. لازم الإعلام 24 ساعة يقولك: "انت فاشل و ضعيف و منهك و جائع.. حاتفشل.. عمرك ما حاتنجح.. سلبيات كتير.. مفيش أمل"..
الخطة دي نجحت ضد روسيا في الحرب العالمية الأولى.. لحد ما ستالين لقى القوات الألمانية علي حدود بلاده.. و شاف الفلاح السوفيتي ماسك البندقية وواقف محبط متخاذل.. و مش عارف يحارب ويموت ليه و هو مفيش فايدة.. الألمان لا يقهرون.. و دا خلا ستالين يطلق حملته الإعلامية المضادة و يلم شعبه و يخليه يلتف حول الجيش السوفيتي.. و نجح...
العراق لم تسقط إلا لما انفصل الشعب عن الجيش.. و كذلك ليبيا و اليمن، و سوريا كادت تلحق بالمصير الأسود نفسه، لولا ان الناس فاقت.. فاقت في لحظة حاسمة بس دفعت تمن غالي جدا جدا...
ماتخلوش حد يفكك الكتلة الحرجة بتاعت 30 يونيو.. يوم ما خرج شعب و حط إيده في إيد ولاده في الجيش و الشرطة، فمسح بأستيكة خطة لاحتلال الشرق الأوسط و إعادة ترسيم الحدود...
ماتخلوش حد يسفه من مجهودكم لما بتتبرعوا و للا بتعتوا رسالة موبايل واحدة لصندوق تحيا مصر.. الرسالة دي بتفرق...
ماتسمحوش لحد يشتتكم و لا يحبطكم.. دي آخر مراحل الصراع خلاص.. و حانعديها مع بعض... هانت...
تحيــــــا مصــــــر
منقووووووووول
|
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
