ارشيف الاستراحة 2009

[حسين122]

هيه دي الشخاره ألي بالكهربا ألي أتكلم عليها هاني رمزي في فيلم محامي خلع ؟؟؟؟؟؟


ptmnlo123per145

[حسين122]

تفتكرو لو ركبلها شكمان ممكن يكتم الصوت شويه ؟؟؟؟؟

[king mimo20]

المشاركة الأصلية كتبت بواسطة حسين122 هيه دي الشخاره ألي بالكهربا ألي أتكلم عليها هاني رمزي في فيلم محامي خلع ؟؟؟؟؟؟ ptmnlo123per145

ويا ترى كام وات ؟؟؟؟؟

[salahabdelnabi]

4


فى الكابينة وابيزا راقد على السرير وحواليه عايوشة وبرومبو وهما لسه بيشدو فى الكلام قصاد بعض

ابيزا قعد على حيله وبص لبرومبو وقاله : مش عارف ليه حاسس انى اعرفك ........... ملامحك مش غريبة عليا !!!!!

عايوشة وهى بتبصله قوى وبتبص لبرومبو : تقريبا الذاكرة بدأت ترجعله ياخويا ........ حاول معاه كده يمكن يفتكر ايتها حاجة

برومبو : اسمى برومبو ........ برومبو .......... الاسم ده مابيفكركش بحاجة؟؟!!!

ابيزا برق بعينيه لثوانى وبعدين هرش فى راسه وقال : برومبو ؟؟؟ برومبو ؟؟؟ لا مش فاكر حد بالاسم ده خالص!!!!

برومبو : طب مش فاكر انت كنت راكب الباخرة دى ومسافر قبرص ليه ؟؟

ابيزا وهو بيعصر فى دماغه وبيغمض عينيه ويفتحها وواضح عليه انه بيحاول يركز : ابدا ....... مش قادر افتكر اى حاجة

عايوشة والدموع فى عنيها وصوتها مبحوح ومخنوقة من العياط : وبعدين يا برومبو ......... دا الجدع مش فاكر اى حاجة خالص .......

زمان امه دلوقتى قلبها متشحتف عليه ........ ياعينى ياختى

برومبو بعصبية : وهى امه تعرف منين بس باللى حصله ده !!!!......... دا لو كانت امه عايشة اصلا !!!!

عايوشة وبدأت دموعها تسح : وكمان يتيم ......... يا عينى يا ضنايا

برومبو والنرفزة مسكته على الاخر : ياستى انتى عايزة جنازة وتشبعى فيها لطم ......... بقول لو ....... قوام يتمتيه

عايوشة : والله الجدع صعبان عليا قوى ......... وامه برضه لو عايشة صعبانة عليا قوى

اكيد قلبها حاسس بالحوسة اللى ضناها فيها ..........قلب الام ياخويا بيحس ولو ضناها فى اخر بلاد المسلمين !!!!!

فى اللحظة دى دخلت ممرضة شقرا وعينيها ضيقة شبه اليابانين عشان تتابع حالة ابيزا ......... وكانت فاكراه لوحده

وفوجئت بعايوشة وبرومبو فى الكابينة وارتبكت للحظة .........ثوانى واتكلمت كام كلمة كده

عايوشة تنحت وبصت لبرومبو قالتله : هى بتقول ايه البسرياية دى ؟؟!!!

برومبو خلع الطاقية وهرش فى دماغه : مش فاهم ولا كلمة من اللى قالته ومش عارف بتتكلم بانى لغة ......... يمكن بتتكلم باليابانى او الصينى ؟؟!!!

الممرضة بصتله قوى بتركيز وبصوت رفيع وعربى مكسر قالت : من...فضلك ...مستر ... خد ...مدام ...اطلع ...برة .... فى حقنة

عايوشة : ماهى بتنطق عربى بنت ال .......... والا بلاش

برومبو بارتباك : بينا عشان تديله الحقنة ......... مايصحش نبقى موجودين

خرج برومبو وعايوشة من الكابينة والممرضة قربت من ابيزا اللى ارتبك ومابقاش قادر ينطق ومش عارف يعمل ايه

والممرضة ميلت عليه وقالتله بالعامية المصرية : احمد ربنا انك لسه عايش ....... ركز معايا شوية وحاول تفتكر ........ انا سوزان ............الظرف اللى اديتهولك وديته فين



يتبع

[salahabdelnabi]

5


جاك وموريس قاعدين فى الكابينة بتاعتهم وجاك منفعل قوى على موريس وبيطوح ورق كان فى ايديه وقام من على كرسيه

وبنرفزة قال : يعنى ايه مالهاش اثر على الباخرة كلها؟؟!!!!......... ايه رمت نفسها فى البحر وراه والا فص ملح وداب ؟؟!!!

موريس بارتباك : مش عارف اقولك ايه؟؟!!!........ كل اسماء الناس اللى على الباخرة انا جبتهم فى الورق ده

وشوفت كل الحريم اللى فيها مافيش واحدة شبهها خالص لا فى الجسم ولا الشكل !!!!

جاك بعصبية شديدة : طب راحت فى انهى داهية ؟؟!!!!

موريس : ممكن تكون مزوية هنا والا هنا

جاك بعصبية اشد : مزوية هنا والا هنا فين يعنى ؟؟!!!! انا قلبت الباخرة شبر شبر ..... مالهاش اثر........ والكابينة بتاعتها فاضية

موريس وهو بيحاول يهدى جاك : طب دورت فى المطبخ او المخزن ؟؟........ تكون مستخبية هناك والا حاجة ؟؟!!!

جاك ووشه احمر من كلام موريس : وتفتكر حاجة زاى كده ماخطرتش فى بالى .......بقولك ماخلتش مكان الا لما دورت فيه !!!

موريس : طب الواد المصرى ده مافيش اخبار عنه ؟؟!!!

جاك : مافيش جديد ........ راقد فى الكابينة بتاعته ومعاه واحد وواحدة مصريين قاعدين معاه

موريس : واحد وواحدة مين ؟؟!!! ودول طلعولنا من انى مصيبة ؟؟!!!!

جاك وهو بيتمشى فى الكابينة بعصبية : القبطان ياسيدى لما لاقاهم مصريين زاى بعض والواد فاقد الذاكرة قالك يتولوه لحد لما نوصل قبرص

موريس : طب والحل ؟؟!!!......... هانعمل ايه دلوقتى ؟؟!!!......... اكيد الريس هايتصل ويسأل

جاك : مش عارف اقوله ايه لو اتصل ؟؟!!!........ بس لازم نخلى عنينا على الواد ده .... لما نشوف اخرتها معاه هايفتكر والا لأ

موريس : طب لو مافتكرش ومالقناش الظرف ولا البت دى هانعمل ايه ؟؟!!!

جاك ووشه هاينفجر من الغيظ : عقدها بقى ماهى ناقصاك ..... ساعتها مافيش قدامنا غير اننا نرمى نفسنا فى البحر ونخلص ........

احنا مش قد الريس ولا اللى هايعمله فينا


يتبع