السيارات الجديده في مصر

[pro mada]

المشاركة الأصلية كتبت بواسطة ahmed77505 ما هي مميزات وعيوب الهوندا سيتي وطبعا رأيك انت مهم جداً ولك جزيل الشكر والتقدير

انا هعمل لحضرتك تقييم سريع
1- المحرك:1.5 لتر و السحب بتاعه ممتاز وان كان بيقل شويهptmnlo123per1127 مع التكييف
2-الشاسيه: قوي و متين (ياباني يا عم) بس شكل العربيه نفسه مش حلو في نظري و طبعا ده موضوع ازواق
3-الصالون الداخلي: شكله حلو جدا طبعا (كنت سايق السيتي 2005 من اسبوعين) والخامات والتقفيل ممتاز و الكلام ده ينطبق علي التابلوه سواء شكل او خامات او تقفيل وطبعا الصالون واسع والكنبه اللي ورا مريحه
4-الشنطه:مساحتها مش بطاله بتقضي الغرض و طبعا الفرش ممتاز كالعاده
5-العفشه:ممتازه بس تخلي بالك في المطبات والحفر و النؤر و بلاوي شوارع بلدنا
6-قطع الغيار:نااااااااااااااااا ااااااااااااااااااااار بره وجوه التوكيل و مش متوفره اوي
7-الضمان:عند الفطيم ومدته 3 سنين او 120 الف كيلو(مش متاكد من عدد الكيلووات)
ارجو ان اكون افدتك واي استفسار انا في الخدمه

[pro mada]

المشاركة الأصلية كتبت بواسطة shc_82 جزاك الله خيرا على الاهتمام وسرعة الرد الله يخليك , انا قرأت فى المنتدى ان العربية ده (اللوجان) هتبقى كويسة بسبب امكانياتها وقلة مشاكلها وجودة خاماتها رغم انها بتتجمع فى المغرب حسب معلوماتى, وكمان سنة أو أقل ممكن تنتشر اكيد وترخص قطع غيارها معتقدتش ويعلى سعر إعادة بيعها ممكن. ايه رأيك فى الكلام ده؟ واذا كان صحيح هل تبقى هى أفضل ولا الكورى؟ لا اللوجان افضل طبعا من ناحيه الخامات و التقفيل خصوصا ان شغلى فيه سفر كتير ربنا يستر طريقك . وهل الفرق كبير بين سعر قطع غيارها والكورى طبعا الفرق كبير و في فرق في توافر قطع الغيار نفسها لدرجة انى أشترى الكورى أحسن دي مسأله نسبيه مقدرش احكم فيها؟ ولا محتمل مقابل مميزاتها؟. مسأله نسبيه برضه أسف للاطالة وربنا يكرمك على جهودك معانا الله يخليك يا رب.

الرد في الاقتباس

[pro mada]

فين اسئله النهارده يا جماعه ؟؟؟؟؟؟؟؟؟؟

[gaffer]

السلام عليكم انا عندى سؤال انا معايا 37 الف وعايز اجيب حاجة مستعملة وتتحملنى بسافر كتير ومعروض عليا عربية فيات سينا موديل 2001 حالتها كويسة جدا 1400 سى سى ورخصتها تنتهى الشهر القادم بس صاحبها طالب فيها 40 بعد اذنك ممكن تقولى هى عيوبها اية ومميزاتها اية وكمان المفروض يكون سعرها اية معلش وكمان لو سمحت ترشحلى اية غيرها بالمبلغ دة والف الف شكر على مجهودك الرائع

[pro mada]

المشاركة الأصلية كتبت بواسطة gaffer السلام عليكم انا عندى سؤال انا معايا 37 الف وعايز اجيب حاجة مستعملة وتتحملنى بسافر كتير ومعروض عليا عربية فيات سينا موديل 2001 حالتها كويسة جدا 1400 سى سى ورخصتها تنتهى الشهر القادم بس صاحبها طالب فيها 40 بعد اذنك ممكن تقولى هى عيوبها اية ومميزاتها اية وكمان المفروض يكون سعرها اية معلش وكمان لو سمحت ترشحلى اية غيرها بالمبلغ دة والف الف شكر على مجهودك الرائع

اولا اهلا و سهلا بيك في المنتدي

ثانيا انا اعتقد ان مبلغ ال 40000 جنيه سعر مبالغ فيه و كمان العربيه تقفيلها مش كويس اوي و لكن محركها يعتمد عليه و اعطاله قليله و لكن الميكانيكيه اللي ممكن يشتغلوا في العربيه دي قليلين اوي و كمان قطع غيارها مش متوافره اوي و غاليه نسبيا فمرجحش العربيه دي لحضرتك

و انا برجح حاجه من الاتنين :

- تزود باكو و تشتري ماروتي زيرو و ترتاح كم هم المستعمل

- بالمبلغ اللي معاك ممكن تشتري سوزوكي سويفت موديل 93 او 94 و تكون حالتها نادره و يتفضل فلوس كمان

و ده رأيي الشخصي و شوف رأي حضرتك ايه و لا تنسي صلاه الاستخاره و انا تحت امر حضرتك في اي وقت