السيارات الجديده في مصر

[pro mada]

المشاركة الأصلية كتبت بواسطة sheekoo اية اخبار الشيفورلية كروز

العربيه محققتش الانتشار المرجو منها و ده بسبب نزول السيراتو الجديده الاسواق في نفس الوقت و اللي غطت عليها و طبعا انا العربيه دي مبتعجبنيش عشان محركها محرك الاوبتر ( و ده محرك النوبيرا القديم ) و طبعا شكلها مش حلو اوي يعني و التوكيل منزلها بكماليات لا تليق بعربيه في الفئه السعريه دي ( موديل المانيوال مفيهوش ازاز كهربا خلفي متخيل ؟؟؟؟؟؟؟ ) و ده رأيي الشخصي في العربيه

[pro mada]

المشاركة الأصلية كتبت بواسطة shc_82 السلام عليكم ايه رأيك فى الرينو اللوجان الفول أوبشان؟ عربيه كويسه وهل فيها نفس صعوبات الميجان من حيث الاحتياج الدائم للتوكيل وغلاء قطع الغيار؟ الموضوع ده مش صعب اوي زي الميجان و لكن ارجع و اقول قطع غيارها غاليه نسبيا و مش متوافره اوي خارج التوكيل ولو هشترى عربية فى نفس سعرها, هى أفضل ولا الفيرنا ولا اللانوس مثلا؟ اللوجان افضل من حيث الكماليات و الشكل و طبعا الخامات و موضوع الايرباجز اللي فيها في موديل الاعلي و لكن الفيرنا و اللانوس الافضل من حيث الانتشار و سعر اعاده البيع و طبعا اسعار قطع الغيار أرجو الافادة وجزاك الله خيرا

الرد في الاقتباس

[pro mada]

المشاركة الأصلية كتبت بواسطة الصيداح شكرا أخي الغالي على ردك جزاك الله كل خير بس لي سؤال ما الفرق بين بين المحركين 1300 و 1600 سي سي؟ جزاك الله كل خير

هشرح تاني الفرق بين المحركين
المحرك 1.3 لتر طبعا اصغر من 1.6 لتر و لو جيت حسبتها بالسنتيمتر مكعب هيبقي1.3 لتر بيساوي 1300 سم3 و 1.6 لتر بيساوي 1600 سم3 و السنتيمتر المكعب هي ال سي سي اللي احنا بنقولها كتير فكده هو ده الفرق بين 1300 سي سي (1.3 لتر ) و المحرك 1600 سي سي ( 1.6 لتر )

[ahmed77505]

ما هي مميزات وعيوب الهوندا سيتي وطبعا رأيك انت مهم جداً
ولك جزيل الشكر والتقدير

[shc_82]

المشاركة الأصلية كتبت بواسطة pro mada الرد في الاقتباس

جزاك الله خيرا على الاهتمام وسرعة الرد,
انا قرأت فى المنتدى ان العربية ده (اللوجان) هتبقى كويسة بسبب امكانياتها وقلة مشاكلها وجودة خاماتها رغم انها بتتجمع فى المغرب حسب معلوماتى, وكمان سنة أو أقل ممكن تنتشر وترخص قطع غيارها ويعلى سعر إعادة بيعها.
ايه رأيك فى الكلام ده؟ واذا كان صحيح هل تبقى هى أفضل ولا الكورى؟ خصوصا ان شغلى فيه سفر كتير.
وهل الفرق كبير بين سعر قطع غيارها والكورى لدرجة انى أشترى الكورى أحسن؟ ولا محتمل مقابل مميزاتها؟.
أسف للاطالة وربنا يكرمك على جهودك معانا.