ارشيف الاستراحة 2009

[omnya]

المشاركة الأصلية كتبت بواسطة bmkbmk احييك يا امنية على الموضوع المميز اولا و كلامك و تجاربك مع ال 22 عريس و رأيك فى الموضوع ثانيا و ثالثا اتكلم انا شوية بقى ده بعد اذنك طبعا انا محمد عندى 30 سنة مهندس كمبيوتر و متزوج و عندى بنتين الحمد لله انا خلصت كلية و اشتغلت سنتين فى مصر و بعدين سافرت على الكويت و انا لسة موجود فيها لحد دلوقتى انا بدأت افكر فى الجواز طبعا بعد ما اتخرجت و اشتغلت على طول بس ساعتها طبعا انا كنت لسة بادئ اكوم نفسى فا كان ساعتها الجواز هيبقى كله على حساب السيد الوالد او على الاقل الجزء الاكبر منه ... و انا بصراحة الموضوع ده ماكنش عاجبنى قوى لأنى عارف ان اللى بيجى بالساهل بيروح بالساهل و ده اللى كنت مقتنع بيه ساعتها و انا ماكنتش مرتبط بواحدة معينة و مليش والله فى الصياعة و الكلام ده بس طبعا ليا زميلات كتير فى الكلية و الشغل و اللى استشفيت من التعامل معاهم احسن مواصفات للانسانة اللى هكون حابب الحياة معاها طول عمرى ...... و اعتقد ان اكبر عائق للزواج فى مصر هو ان الشاب يكون جاهز ماديا حتى بنسبة معينة قبل ما يدخل نفسه فى جواز و مصاريف .. علشان يبقى داخل بقلب جامد المهم شلت الفكرة من دماغى لحد ما اقف على رجليا شوية و الحمد لله ربنا سهل و سافرت الكويت و بعد سنتين بدأت افكر فى الجواز تانى .. و كنت كل اجازة انزلها يكون الاهل محضرينلى عدد كبير من العرايس علشان اشوفهم .. مش موقفينهم صف يعنى ولا حاجة بس سائلين على كذا حد و طبعا فيهم من زميلات و صاحبات اختى و يفوت شهر الاجازة و اشوف العرايس و ماحسش مع ولا واحدة منهم بالتقارب اللى انا بفكر فيه ولا الصفات اللى فى دماغى .. منهم اللى مدلعة زيادة و اللى عندية و دماغها ناشف و اللى معندهش دماغ اصلا مع احترامى للجميع واللى واللى واللى و فضلت على الحال ده 3 سنين .. و طبعا كل سنة اتنازل عن شوية مواصفات من اللى فى دماغى و طبعا الحاح الاهل عليا انهم عاوزين يفرحوا بيا ساعد على كدة كتير .. و انا مش هكذب عليكى و اقولك انى مكنتش خايف من المسئولية .. لا طبعا كنت خايف بس مش بنسبة كبيرة يعنى .... و على فكرة الاختيار بالعقل فى موضوع الجواز ده بجد حاجة حلوة جدا (و مش قصدى جواز المصلحة طبعا) و يا سلام لو بالعقل و القلب يبقى هو ده التمام اما الاختيار بالقلب بس فاشل جدا جدا جدا لحد ما رحت شفت مراتى و من اول ما اتعاملت مع حماتى و حمايا قبل ما اشوف العروسة و هى داخلة بالصينية حسيت انهم قريبين منى قوى و اعرفهم من زمان و لما شفت العروسة سبحان الله حسيت ان هى دى اللى انا بدور عليها و ربنا سهلها فى كل حاجة و اتفقنا على كل حاجة تانى يوم و لقينا الشقة تالت يوم و كتبنا الكتاب و عملنا الفرح و اتجوزنا فى تلات اسابيع قبل ما الاجازة تخلص ........ و الحمد لله عايش سعيد جدا و ربنا يا رب يسعد كل الناس هى الحكاية نصيب اولا طبعا و لازم يكون فيه تكافؤ فكرى و مادى و معنوى بين الطرفين و تفاهم تفاهم تفاهم و لازم طبعا اخلاص النية علشان ربنا يوفق بس و هى دى حكايتى ,,, ربك لما يريد و احييكى مرة تانية على اثارة الموضوع المميز

اهم نقطه في قصتك طريقه الاختيار الصح ....
هو اجمل شئ بجد و اللي فعلا ليه متعته لما قلبك و عقلك يجتمعو لان عقلك لو اختار صح يبقي انت كده ضمنت الا حد كبير نجاح مشروعك الزوجي و ياسلام بقي لما يدخل القلب متعه حقيقه و سعاده مافيش شك

[omnya]

المشاركة الأصلية كتبت بواسطة hossamhamdy الموضوع مش سهل خالص خالص ده انا بقالى سنه بدور ,لا والناس بقى اللى بتجيب اى حاجه بعيد عن اللى الواحد بيفكر فيه وقال عليه, على امل ان يحصل قبول.. .فاللى بيحصل انى بيبان انى مش مبسوط و فى مره روحت زياره كده كنت عايز اجرى من البيت و فضلت ساكت و مش عارف اتكلم فى ايه مع انى رغاي و بعرف اخترع اى حاجه اتكلم فيها بس كنت هموت.ptmnlo123per1106

من النقط المهمه جدا القبول عارف انا و الله 22 عريس كانو تقريبا كلهم كويسين و فيهم ناس بأمانه بالورقه و القلم مايترفضوش انما مافيش مانتش حاسس بروحهم مافيش روح تحس انك حاببها او مرتحلها

[omnya]

المشاركة الأصلية كتبت بواسطة AHMEDCAR ماهو دلوقتى تعالى كده ادخلى اى بيت و قوليلهم انا مش معايا غير مرتبى هايقولولك روح جيب شقه الاول و بعد كده نشوف الموضوع ده

و مقدرش اقولك ان ماعندهمش حق الحياه فعلا في مصر بقت صعبه و جدا و انت نفسك لو مش داخل في موضوع الجواز و انت مش مرتاح ماديا او مظبت نفسك هاتكره الجواز و هاتقول ( العيشه و اللي عايشنها ) انما المبالغه في الامور هي اللي غلط مافيش شك

[AbOnOrA]

اولا يا امنية احييكى على جرائتك فى فتح الموضوع بشكل شخصى وعرض تجربتك الشخصية ديه

لكن الموضوع على قد مانتى فتحتيه ببساطة لكن بقى مفتوح على مصراعيه وصعب حد يلمه برائى او مشاركة واحدة لانه موضوع كبييييييييير جداًُ بجد

فانا هحاول ارتب الموضوع فى افكار مبسطه علشان نحاول كلنا نطلع منه بنتيجه مفيده

اولا الظاهر من الموضوع ككل ان فيه حالة استياء عامة بين الشباب والبنات مش بس كده ده بين الرجال والسيدات ايضاً وكل واحد فيهم بيرمى مسئوليه فشل العلاقة على التانى
سواء كانت العلاقة ديه خطوبه او حتى جواز
لان المشكلة مش بس جواز ده احنا عندنا معدلات طلاق مفزعه وكلنا بنشوفها كل يوم
اذن المشكلة عمرها ماهتكون رجالة بس او شباب بس او بنات او ستات او حتى جواز ولا حتى طلاق

المشكلة اجتماعية فى المقام الاول
العلاقة نفسها بين عنصرى المجتمع باظت
ليه باظت وازاى والخراب ده حصل على مراحل شكلها ايه ده برضو يطول شرحة فانا برضو هركز على المهم حالياً وهو وصف مكامن الخلل فى العلاقة دلوقتى

مبدئياً فيه اسباب فى الخلل ترجع للاطار الاجتماعى ككل

يعنى ولد طالع فى بيئه مارينيه (من مارينا) اكيد بالنسبة له الجواز والبنت والمجتمع كله قيم مفقوده وليها ابعاد تانية خالص غير المفروض يكون ونفس الكلام للبنات فى نفس الشريحة ديه
ودول العيب مش عليهم قد ما على كل اللى حواليهم

نيجى للشريحة المتوسطه اللى بردو القيم عندها اختلفت فبقى فيه حرام وفيه عيب وفيه برضو ترويش وخروج وفسح والبنت لازم تاخد حريتها والبنت لازم تاخد ثقة والولد ميعيبهوش حاجة وكميه لخبطة وعك فى القيم والمبادىء خلت فيه ميوعة فى كل حاجة والجيل طالع تايه مش عارف يدور على ايه وفين

نيجى بقى لشباب
الشاب من دول حاجة من اتنين يا اما مييييح خالص وعايز يحب ويتجوز وبس واول واحدة بيعرفها ويحبها هو وحظة
يا اما شاب عنده سوابق وده بيتعامل مع الموضوع وفق منظورين
بيعرف البنت (طبعا سهل يعرف بنت من غير خطوبة رسميه) يشوف ديه بتاعه حب ولا جواز
لو بتاعة حب يبقى يا هلا هيقضى معاها اليومين مابين حب وخصام وهجر ووئام كيفما اتفق وبعدين تروح لحالها

لو بتاعة جواز هيعمل معاها كل اللى بيعملو مع بتاعة الحب برضو علشان يتأكد انها فعلا كويسه ويا اما البنت تسقط فى الاختبار وده اللى بحصل فى الغالب _(اما انها فى الاصل وحشة او انخدعت تحت شعار الحب) وساعتها برضو مش هيكمل
او انه تتحفظ وتصد وترفض وفى الحالة ديه يبقى دمها تقيل وبلدى وعايشة فى الدور وهتعملهم عليا الخ الخ

والنوع ده اخر ما بيزهق فى الغالب بيستسلم لجواز الصالونات علشان يتجوز واحدة ميشكش فيها وهو حظة ونيتة برضو

البنات بقى
يا اما عايزة تحب وتتجوز يا اما عايزة تحب عقبال ما تتجوز
النوع الاولانى يا اما تقابل النوع الاولانى من الشباب ونخلص من الاتنين
(بس خدو بالكو الاتنين بيبقو هيمانين فى الحب وبتصدمو فى واقع الجواز المسئولية والالتزامات المادية والمشاكل الاسرية واحتمالات الطلاق بتبقى كبيرة)

يا ما بتقع مع النوع التانى من الولاد فتتحول على ايده للنوع التانى من البنات

النوع التانى بقى ناصحة حبتين
بتقضى حياتها مع النوع التانى من الشباب لحد ما تقع فى واحد من النوع الاولانى لتعلن اعتزالها الحياه العملية وتفرغها للحياة الزوجية مع المغفل الجديد اللى غالباً بتختارة على اساس (خدى اللى بيحبك ومتاخديش اللى بتحبيه) فيبقى سهل تمتطيه (يعنى تبقى مؤثرة عليه وممشياه)

طبعا مش كل الشباب والبنات كده لكن ديه الفئات الغالبة واللى بتتسبب فى الحالة العامه ديه

غير دول فيه شاب (اوبنت) بيدو (او بتدور) على عقل وستايل وشريكة حياه تبقى صاحبته وحبيبتة وشريكتة
ودول فى الغالب يتوهو ويتصدمو برضو مابين النمازج التانية ونادراً لما بيلاقو بعض
لان اصلا الاختلافات الثقافية بين الشباب وبعضهم وافتقاد ثقافة الحوار واحترام الاخر وادراك الفروق الحقيقية بين الرجل والمرأه فى عصرنا ده بيخلى احتمالية التوافق الفكرى والثقافى معدومة

وفيه نوع بسيط خالص شاب (او فتاه) عايز يظفر بذات الدين وشايف ان الجواز طريق العفه والاستقامة وعايز يفتح بيت ويكون اب ويربى اولاد ويكبرهم ويجوزهم ووو
النموزج التقليدى القدييييييييم خالص بتاع زمان ده
نموزج ونيس ومايسه
نموزج فى الغالب هو اتربى عليه وشافة او حتى افتقده فى طفولتة فعايز يحققة
حد عايز استقرار اكتر من الحب
حد عايز الدين اكتر من الجمال
حد عايز حسن العشره اكتر من خفة الدم والدلع

الحد ده (ولد او بنت) لو صدق النية مع الله ربنا سبحانة وتعالى تعهد بانه يوجدله من يكافئه

قال الله تعالى

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ

(26) سورة النــور

فخلونا نسيب موضوع البحث عن الزوجة والبحث عن الزوج لانه مش بايد حد وكل واحد هياخد نصيبة اللى مكتوبله وهو فى لسه جنين فى بطن امه

خلونا نتكلم فى الزواج نفسة ايه وازى يبقى زواج ناجح وازاى العلاقة نفسها تكون ناجحة
خلونا نصحح المفايهم الغلط عند الشباب والبنات عن الجواز
خلونا نفكر ازاى الشاب والفتاه المقلبين على الزواج يعرفو يرسمو حياتهم (حتى قبل مابداؤها)

معلش طولت عليكم شويتين بس انا شايف ان لو محددناش الهدف من المناقشة مش هنوصل لحاجة فى الموضوع ده ابداً ولو بعد ميت سنه

[omnya]

المشاركة الأصلية كتبت بواسطة AboNoRa اولا يا امنية احييكى على جرائتك فى فتح الموضوع بشكل شخصى وعرض تجربتك الشخصية ديه لكن الموضوع على قد مانتى فتحتيه ببساطة لكن بقى مفتوح على مصراعيه وصعب حد يلمه برائى او مشاركة واحدة لانه موضوع كبييييييييير جداًُ بجد فانا هحاول ارتب الموضوع فى افكار مبسطه علشان نحاول كلنا نطلع منه بنتيجه مفيده قال الله تعالى الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ (26) سورة النــور فخلونا نسيب موضوع البحث عن الزوجة والبحث عن الزوج لانه مش بايد حد وكل واحد هياخد نصيبة اللى مكتوبله وهو فى لسه جنين فى بطن امه خلونا نتكلم فى الزواج نفسة ايه وازى يبقى زواج ناجح وازاى العلاقة نفسها تكون ناجحة خلونا نصحح المفايهم الغلط عند الشباب والبنات عن الجواز خلونا نفكر ازاى الشاب والفتاه المقلبين على الزواج يعرفو يرسمو حياتهم (حتى قبل مابداؤها) معلش طولت عليكم شويتين بس انا شايف ان لو محددناش الهدف من المناقشة مش هنوصل لحاجة فى الموضوع ده ابداً ولو بعد ميت سنه

اولا .مشكور مشكور مشكور يعني ورا كل كلمه حضرتك كتبتها عاوزه اقولك وراها مشكور ...
اما ثانيا . هو فعلا موضوع كبير بس عشان يترتب صح ...هايوصل لانه يبقي سلسله موضوعات هاعتبر ان الموضوع ده الافتاتحيه الخاصه بالسلسله اللي جايه لان احنا افتقدنا الاستقامه و التوازن الاجتماعي خالص في كل شئ في حياتنا و بالتالي ترتب عليه الخلل اللي حصل في العالقه الزوجيه و اللي كانت ضريبه للخلل الاجتماعي كاكل لانها هي اساس المجتمع( لو مافيش جواز طيب هايبقي فيه مجتمع منين ببساطه يعني )..

ثالثا : تعقيبا علي الكلام اللي حضرتك قولته و اللي ملخص في تليخيص لانواع البنات و الشباب من حيث نظرتهم لمسأله الجواز و اللي كان كالتالي.

نوع عايش في ميه البطيخ و لا قيم ولا مبادئ و يلا نعيش الحياه هيلا هوب .
نوع ينظر للزواج من منظور ديني بحت ( و ليس عليه ملام ) و ليس من منظور اجتماعي ديني متكامل .
نوع بقي ماسك العصايا من النص ( احترام و ادب و اخلاق ) ( و عقل و قلب ) . وانا بصراحه مع النوع ده .. لانه فعلا زي ما حضرتك ذكرت بينأي و يختار و عاوز يحب و يتجوز و يفرح و يعمل كل حاجه انما في حدودها و اعتقد انه نوع كويس ولا غبار عليه و فعلا اختيراته بتكون من ساهله و بيتخبط كتير مع ناس غريبه حبتين .

تعقيبا علي مسأله البنات الناصحه اللي تعمل اللي هي عاوزاه و بعدين تدور علي خروف و يخلص الفيلم العربي علي كده اسمحلي دي مش نصاحه ده غباء ثم غباء ثم غباء
لان الشخص المحترم بيبان من احترامه لنفسه و لذاته قبل احترامه للاخرين ( و لو هي فعلا عندها اداميه كانت احترمت نفسها الاول حتي بينها و بين نفسها )..

و انا بقول تاني الكلام ده ينطبق ايضا علي كل شاب برضه ماعندوش اداميه و ( مقضيها زي مابيقولو )..

و لو هاتكلم تحديدا علي الاسباب اللي بتخلي كل شاب و بنت يبعد عن الموضوع ده
1. عدم القدره علي تحمل المسؤليه .
2. ماحدش ناوي من جواه انه يستحمل الطرف اللي قدامه.
3. احباط نفسي ( ماحدش شايف لنفسه مستقبل )
4. مافيش سقه نهائي في الطرف التاني ( كل بنت بتبص علي الشاب علي انه صايع و ضايع و اكيد الجواز هايفشل بسببه فا بلاش احسن ) (كل ولد بيبص علي البن علي انها صايعه و ضايعه و اكيد بتمثل الادب و اكيد قاعده دلوقتي فرحانه و شيفاني الخروف اللي هادبسه فلا كان غيرها اشطر و بلاش جواز احسن ) و ده مجرد سبب عند ناس معينه انما مش كله.
5. تجارب الاصدقاء و الاهل اللي انتهت بالفشل او حتي مجرد الزهق من الجواز و المسؤليه ( و العيشه و اللي عيشنها ) و النصيحه المحترمه . يا عم خليك كده احسن ايه اللي هايوجع دماغك و الشكوي المره من الجواز اللي بتصيب بالاحباط
و يتحول الشخص اللي ناوي يقبل علي الجواز لمريض نفسي تايه في النص مابين حلاوه الجواز و البين و ان في حد في الدنيا يبقي معاه و مابين كل الاسباب اللي بتلف و تدور في دماغه و اللي منهم ال 5 اسباب اللي ذكرتهم .

و كان ليه تعليق علي فكره الخيال ان كل واحد راسم في خياله شئ و الواقع شئ تاني
انا شايفه انه مش غلط ان يكون ليك مقاييس معينه .. الغلط و الصح هنا بيعتمد علي خيالك فيه ايه ؟؟؟؟؟؟؟؟؟؟؟؟؟؟!!!!!!!!!!! !!!!!
لما ابقي بحلم براجل بجد محترم و عنده اخلاق و ابن ناس و طيب و ارتحله و و و و و اعتقد انه مش غلط و لو لم اجده يبقي الغلط مش في خيالي الواسع انما الغلط في المجتمع اللي الرجاله اللي من النوع ده تاهو فيه و اوشكو علي الانقراض ...
و العكس صحيح بالنسبه للراجل فكره انه يتمني انها تكون جميله و محترمه و بنت ناس و تستحمله و دلوعه و بعد الجواز تبقي مايسه كمان ....لو لم يجد تلك المواصفات يبقي صدقني العيب مش عنده و لا في مخيلته انما في المجتمع اللي اتشقلب حاله و ذهبت مبادئه مع الريح.....

اما لو علي اسباب الفشل بقي و عدم الراحه بعد الجواز
1. المسؤليه كبيره و غير متوقعه
2. لا هي اتعودت تستحمل حد ولا هو عنده استعداد يستحملها
3. دلع زايد و اقل مشكله تعملها حكايه و تجيب بابا و ماما و تكبر
4. و ده مهم مهم مهم مهم 0 افتقاد لمعني الزوج : هي مش فاهمه ان جوزها ده بقي دلوقتي بابا و ماما و تيته و جده و انور وجدي وتامر حسني كمان . مش فاهمه انه هو بقي الاقرب ليهاا من بابا و ماما و من الفيلم الهندي اللي هي عاملاه ده .
و هو مش فاهم يعني ايه مراته . مش فاهم انها اهم من اصحابه و الكوره و البلاي استيشن و النادي . مش فاهم ان ان الطفشان من البيت مش هايحل مشكله مش فاهم انه بقي راجل البيت و ماحدش هايجي يحلله مشاكله و الا بقي نجيب بابا و ماما و مايشتكيش ساعتها ان المدام صعدت المشكله للساطات العليا. و مش فاهم ان البيت و العيال اللي هو بيزهق من صوتهم و سرخهم مش مسؤليتها لوحدها و الله هي مارحتش اشترتهم من السوبر ماركت ولا سوسو صحبتها سلفتهملها لفه .اللي مش قد حاجه مايعملهاش
و علي الصعيد الاخر . المدام مش فاهمه ان الراجل ده بيطلع عينه بره و انه لسه داخل حياه و المسؤليه خضاه و معصباه و لازم تستحمل شويه و نبطل الدلع الزياده و نخلينا في المعقول

و خد بقي من ده كتيييييير ..
و من وجهه نظري الشخصيه اللي اتمني ان الكل يستوعبها صح انا مش مستعده اني اتبهدل عشان واحد ناوي يبهدلني و الجمله دي تحتها ملييييييون خط و المقصود منها في الاخر مش مطلوب من اي طرف انه يتحمل الطرف التاني علي حساب نفسه ويجي علي نفسه كتير
يعني باختصار : صبر الست و تحملها للراجل اللي ماعدوش دم مش هايحل المشكله
و صبر الراجل علي الست اللي ماعندهاش دم برده مش هايحل المشكله

و الحل ان كل واحد يعقد مع نفسه و يشوف هو بيعمل ايه و هايعمل ايه و عايز حياته تبقي ازاي و يصلح من نفسه الاول (راجل او ست ) و بعدين يحسن الاختيار من ناحيه كل شئ ومن ناحيه اولوياته و يخليه صرييييييييييييح مع الطرف التاني

ببساطه ( انا مش عاوز حياتي تبقي فاشله انا مستعده اعمل كذا و كذا و كذا عشانك انتي مستعده تعملي ايه ) نتفق الاول علي مبدأ الجواز بينا هايبقي ماشي ازاي
طبعا بعد حسن الاختيار و القبول و الراحه النفسيه لان لو ده مش موجود مش هاتبقي متقبل انك تتكلم اصلا مع اللي قدامك ......

تغير المجتمع لا يملكه الا اثنان : الله :- لانه قادر علي كل شئ .
و الانسان : لانه اقدر واحد علي تغير نفسه.

استعين بلله و حاول تغير من نفسك ماتقولش لما اتجوز هاتغير سواء ولد ولا بنت ابقو قابلوني (في الحلقه الجايه مع الفتش كرومبو)