مخطط تصفيه الثوره ,,

[kj1]

الفيناله......مصر الجائزه الكبرى
من اكتر من 7000 سنة و مصر موجوده و هي مركز العالم اجمع .... فهي الجائزه الكبري .... و دائما و ابدا هي مستهدفه .... فمن يتحكم فيها او يتحالف مع ارادتها فقد ضمن تواجد نفوذه في اقدم مناطق العالم و هي الشرق الاوسط .
و حتي في التاريخ الحديث ... روسيا دخلت المنطقه في الخمسينات عن طريق مصر ... و حلت محلها امريكا ايضا عن طريق مصر .... و الان يتقلص النفوذ الامريكي بسبب مصر ... و تدخل روسيا للمنطقه مره اخري عن طريق مصر.
فمصر هي البوابه و هي رمانه ميزان العالم .... فكان تفتيت الاتحاد السوفيتي سابقا و القضاء على الامبراطوريه الشيوعيه بأيدوليجياتها مهمه سهله بالنسبه للغرب .... و كانت المهمه اكثر سهوله لتفتيت الشرق الاوسط بداية بالعراق و سوريا و اليمن و ليبيا .... و لكن الرقم الصعب هنا كان مصر ... فمصر هي من عصت على الغرب و وقفت و احبطت خطط الغرب التي تم اعدادها من عشرات السنين.
يبقي سر مصر و اللوغاريتم اللى محدش عرف يحله هو انتم يا مصريين ... السر العجيب في تكاتف و تماسك المصريين خلف قيادته و خلف جيشه في اي خطر يقرب من ارضهم ... فبالرغم ان الغرب عرف السر ده ... و كان كل تركيزه انه يفتت المجتمع الداخلي .... و انه يخلق الفتن و الانفلات و التناحر ..... و نجح بالفعل بالتوغل في عقول بعض الشباب المغيب و رجال الاعمال الخونه اللى استولوا على وسائل الاعلام .... فبدأوا التركيز على نشر الاشاعات و نشر الكآبه و روح الانهزاميه على الشعب ... و لكن كل مره يقف اللوغاريتم التاريخي لتلاحم الشعب المصري حائط صد و يحبط مخططاتهم.
دائما و ابدا خلال الفتره السابقه تلاقي كميه اشاعات رهيبه و بتركيز رهيب و بشماته سافله في حق الوطن .... و عامة .... الناس دي متدربه كويس .... و بتشتغل على موضوع البرمجه العصبيه للوعي الجمعي .... يعني ايه ؟ .
هو مش بيحاول يقنعك بالشائعه .... و لكن اللى بيشتغل عليه انه يقنعك ان كل الناس مصدقه الكلام الفارغ ده ... و انت الوحيد اللى مش مصدق ... فانت لوحدك .... و مش حتقدر تتصدي للكلام ده .... فبيصيبك باليأس و تبيع القضيه و متحاولش تشارك في الدفاع عن بلدك .... فيا اما تسيب بلدك و تطلع لاجىء على الحدود .... او تكفي خيرك شرك و تسيب الموضوع خاااالص.

[kj1]

الفيناله......مصر الجائزه الكبرى
الامثله على كده كتييييير بس للاسف احنا بننسي .... و خلونا نفتكر شوية امثله:
شعار الشعب يريد اللى طلعوا بيه ايام النصبايه الكبري على المنطقه و بداية تفتيتها اللى اتنصب بيه على شعوب بلاد كتير هو اكبر مثلال على كده .... فحضرتك لو اعترضت على اللى بيحصل او حتي موافق لكن معترض على الاسلوب ... فيقولك اسكت انت مش فاهم ... الشعب اللى عايز كده .... طب مين هو الشعب و عرفت منين ان الشعب كله عايز كده ؟؟ .... متعرفش
مثال تاني .... اسكندريه غرقت مرتين .... الدنيا تقوم و تقعد على الفساد و فشل الاداره و القطاع المدني في الوقايه او ادارة الازمة..... طب حضرتك متعرفش ان فلسطين و اسرائيل و الاردن و العراق و الكويت و شمال السعوديه كانت غرقانه بشكل اكتر من اسكندريه بكتيييير في نفس الوقت و فيه حالات وفيات اكتر من اللى سجلت في مصر ؟؟ .... و بالرغم ان لاول مره تكون فيه ادارة ازمه حقيقيه في مصر قام بها الجيش المصري و قام بالتعامل مع الكارثه و ازاله آثارها باسرع مما حدث في اسرائيل و اي دوله في المنطقه .... تلاقي محدش بيتكلم عن ده و لكن الكلام كله عن فساد المحليات و الكلام الكتير ده .... طب حضرتك شوفت اي صفحات على الفيس او نوشتاء من اسرائيل او اعلاميين من الكويت او العراق او اي برنامج من اسرائيل طلع عمل اللى اتعمل في مصر ؟؟؟ ..... اكيد لأ .... طب ليه .... لان التركيز على حضرتك انت
××مثال تاني ....و عشان تعرف قد ايه الحرب النفسيه مهمه جداااا في ما نواجهه و قد ايه حضرتك دورك مهم و انت قاعد في بيتك ..... تطلع اشاعات كبيره ان داعش جايه مصر .... و تطلع اغنيه صليل الصوارم اللى كانت بترعب اي حد بيسمعها في اي بلد .... و يتوزع فيديوهات تقول ان داعش جايه تفتح مصر .... فحضرتك تواجه ده من غير ما تحس .... و تستخدم نفس السلاح اللى كانوا بيستخدموه ضدنا و هو السخريه ... و تطلع نكته "طب خاللى داعش تيجي بس و نشوف مين اللى حيفتح التاني " ... و يتحول فيديو صليل الصوارم من فيديو يبث الرعب في القلوب ... الى رنة تليفون و فيديوهات كوميديه ... و من ساعتها متسمعش و لا بتشوف اي فيديوهات مرعبه عن الكلاب دول ... ده كان بسبب رد فعل حضرتك
××مثال تاني على اهميه دور حضرتك .... حادثة طياره تحدث في مصر .... تطلع اشاعات كبيييره و كلام بتركيز ان داعش هي من اسقطت الطياره .... و بالرغم ان محدش فكر ان ليه داعش مأسقطتش اي طياره غربيه فوق ليبيا او سوريا او العراق او اليمن بالرغم من انهم متواجدين على الارض هناك و لكن جم يسقطوا الطياره بصواريخ من عندنا ... و يطلع متحدث من هيئة الطيران البريطانيه يقول انه تعرض لصاروخ و لكن رب العرش نجاه بعض الامبليه الشهير اللى عمله و تفادي بيه الصاروخ .
و لو تلاحظوا ان الخبر انتشر لمده يومين كاملين و محدش رد عليه رسميا .... لكن حضرتك اللى رديت ..... كمية النكت و التريقه و عدم تصديق الاشاعه اجبرت الحكومه البريطانيه انها تنزل تكذيب رسمي للكلام الفارغ ده.... لو حضرتك معملتش كده و كنت صدقت الاشاعه ..... كانت الاشاعه حتتساب تكبر و يتبني عليها ... و يتاخد عليها قرارات رسميه كمان
دائما و ابدا حضرتك الهدف ..... و كتيييير جدا ناس تبعتلنا و تسألنا ازاي نشارك و نحافظ على بلدنا .... نحب نقولكم اضعف الايمان هو عدم تصديق الاشاعات .... لان هو مستهدفك و مش عايزك تشتغل ... لكن عايزك تفضل يائس من اي محاوله ممكن تعملها عشان تنجح ... دائما و ابدا عايز يصيبك بالاحباط ... و اليأس .... عشان متقفش مع بلدك ....
احنا قلنالكم قبل كده احنا في الفيناله ... و المعلم الكبير نزل يواجهنا بنفسه .... بعد فشل صبيانه طوال الاربع سنوات السابقه في تحقيق اي نجاح .... احنا دلوقتي بنواجه الشيطان الاعظم .... فستزيد الاشاعات بشكل كبيييير الفتره القادمه ... متتهزش .... سلاحنا هو وحدتنا .... اختلف زي ما انت عايز ... لكن متختلفش على بلدك .... اوعي يصيبك اليأس او تخاف على بلدك .... مصر في ايدي امينه ... اعمل بس اللى عليك و خليك في ضهرها و اشتغل و خاللي روحك المعنويه عاليه .
مصر دائما و ابدا لن ينطفىء نورها لانها تمتلك السلاح الوحيد اللى محدش يقدر يكسره هو تلاحم الشعب مع جيشه و مع مؤسسات بلده .... لن ينطفىء نور مصر لان حضرتك موجود و لن تتخلي عنهاوربنا معانا يألف بين قلوبنا ويهدينا وياخ بايدينا.
كلام فى الصميم
منقوووووووووووووول

[kj1]

كلام فى الصميم
فرنسا والخروج هلى المؤامره الانجلوسكاسونيا الصهيونيه
مش ملاحظين ان غريبه قوي ظهور الجماعات الجهاديه و التكفيريه في النيجر و مالي ونيجيريا ؟؟؟؟ .... طب ايه اللى جاب الشامي للمغربي ؟؟؟ .... و اشمعني الكلاب السعرانه دي مظهرتش عشان تنشر الاسلام بتاعها في اي بلد تانيه غير في المناطق اللى فيها ثروات زي العراق و الشام و ليبيا و غرب افريقيا دونا عن اي بلد تانيه في العالم ؟؟؟؟ ولا بقيت العالم كله خلاص حطم الاصنام و بقي مسلم خلاص ؟؟؟
القصه كلها ان منطقة غرب افريقيا مليانه خيرات ربنا ..... بترول و ماس و دهب و معادن و مصايد اسماك ..... و غيرها كتييييير .... طب و مين اللى موجود من زمان و مسيطر على المناطق دي و ليه قوات و قواعد عسكريه على الارض هناك ؟؟؟؟ .... فرنسا طبعا اللى هي ليها شخصيتها المستقله عن الغرب و اللى اكيد بتقاوم و بترفض تسليم الثروات دي للغرب عشان تاخد الفتات .
جميييييل .... فبقدرة قادر يا مؤمن طلع ليهم جماعة بوكو حرام و الجماعات التكفيريه في شمال مالي و النيجر ... قال ايه بقي يا مؤمن .... نقح عليهم الاسلام في الحته دي بالذات ... و بدأوا يضربوا في الحكومات المواليه لفرنسا هناك و في القوات الفرنسيه اللى على الأرض .
فرنسا اتأدبت او سابتلهم الجمل بما حمل ؟؟؟ .... لا طبعا .... امال ايه اللى حصل في الاربع سنين اللى فاتوا ؟؟؟ .... فرنسا لقت ان الجماعات دي ظهرت في مناطق نفوذها في غرب افريقيا .... و في تونس و ليبيا و سوريا .... فأخدت قرارات و اتحركت بناء على تقدير موقف كان خاطىء تماما و للاسف اتنصب عليها من امريكا نصباية السنين ... ... ازاي ؟؟؟؟ .
فرنسا لما شافت ان كرة الجليد بدأت تتحرك على الارض في تونس و سوريا و ليبيا و غرب افريقيا .... بدأت تتحرك بسرعه .... و كانت اول دوله تعترف بالحراك المسلح في سوريا .... و كانت اول و اكبر مشارك في العمليات العسكريه في ليبيا ... و ده املا منها انها تلحق و تكون موجوده على الارض في تقسيمة الكعكه اللى بتتقسم لصالح امريكا .... .... لكن للاسف .... بعد ما دفعت دم قلبها في العمليات في ليبيا و بعد كل ده ... لقت نفسها اتركنت على الرف و اخدت الصابونه اللوكس ..... و مش بس كده .... دى لقت مناطق نفوذها في غرب افريقيا بتتفتت ....
فرجعت تاني و بدأت تتحرك منفرده .... و بعد ما كان موقفها السياسي متخبط ما بين مصالح الغرب و مصالحها هي شخصيا .... و بعد زيارة الامير سعود الفيصل وزير خارجية السعوديه اللى هدد فيها فرنسا بخسارة فرنسا لمصالحها السياسية و الاقتصاديه مع العرب في حاله دعمها للمخطط الغربي .... بدأت تفوق و تقتنع انها بكده حتخسر الجلد السقط ..... فبدأت تدعم علانية الخيار الشعبي المصري في 30 يونيو.... و بدأت تتحرك بشكل نشط جدا عسكريا في غرب افريقيا .... و تدعم قواعدها العسكريه .... و تدعم نفسها مع حكومات مالى و موريتانيا و النيجر .
و مش بس كده .... دي بدأت في سباق مع الزمن في تشييد قاعدة " ماداما " في شمال النيجر و على الحدود الجنوبيه لليبيا اللى هي حتكون اكبر قاعده جوية ليها هناك و اللى منها تقدر الطائرات الفرنسيه التحرك بكل حريه للوصول الى العمق الليبي و ساحل الغرب الافريقي للقيام بعمليات دون الحاجه للتزود بالوقود لضرب الكلاب السعرانه الامريكيه اللى على الارض في مالي و النيجر و شمال نيجيريا اللى نفدوا على الكلاب اللى في ليبيا عبر النيجر و الوضع هناك حيطلع خارج السيطره على المتطقه كلها و مش بس كده .... ده حيهدد ايطاليا و جنوب اوروبا بالفعل ....
و مش بس كده ..... دي كمان بدأت في التحرك منفردا لدعم الدول المناهضة للخطه الامريكيه سواء عسكريا أو سياسيا ( طبعا بما يتناسب مع اجندتها ) .... زي مصر و السعوديه و الجزائر في صفقات تسليحيه متقدمه تكنولوجيا خارقه بذلك الاتفاقات الغربيه الضمنيه بعدم نقل اسلحه متقدمه تكنولوجيا الى الدول العدوه لاسرائيل عشان يفضل ميزان التفوق الاسرائيلي النوعي في السلاح قائم ... و بكده هي بتضرب فهمي نظمي رسمي في الامريكان و بتلعب لهم في الازرق.... ازاي ؟؟؟

[kj1]

كلام فى الصميم
فرنسا والخروج هلى المؤامره الانجلوسكاسونيا الصهيونيه
اتمام الاتفاق لتسليم حاملتين طائرات الى دوله عربيه لتكون اول دوله عربيه تمتلك حاملات طائرات و هي الجزائر اللى حتتسلم اول حاملة طائرات هليكوبتر الحديثه " ميستيرال "السنة اللى احنا فيها .... و اتمام الاتفاق مع مصر لتوريد الكورفيتات البحريه المتقدمه تكنولوجيا لمصر و مش بس كده ده كمان نقل تكنولجي التصنيع للكورفيتات دي للترسانه البحريه في الاسكندريه .
ده غير قرب انتهاء المفاوضات لتسليم مصر عدد فرقاطتين " فريم " اللى حتقلب موازين القوي البحريه في البحر المتوسط اللى هي مقلوبه اصلا لصالح البحريه المصريه ..... ده طبعا بخلاف المفاوضات اللى شغاله دلوقتي لتزويد مصر بالمقاتله الاحدث على الاطلاق " الرافال" اللى لو نجحت مصر في الحصول عليها ... حتكون اول دوله في العالم تمتلك المقاتله دي بعد فرنسا ... و لاول مره حيتعدل ميزان القوه النوعيه التكنولوجيه ما بين مصر و اسرائيل بسبب فرنسا .
و كمان فيه بعض الأخبار المتداوله ( غير مؤكده رسميا ) على بدىء مفاوضات السعودية مع فرنسا على توريد 45 قطعه بحريه فرنسيه الى البحريه السعودية ( لنشات دوريه سريعه) .
و نيجي بقي للتحرك الفرنسي الحراق ..... فتحركت فرنسا بقوه مع المجموعه العربيه سواء داخل الاتحاد الاوروبى او داخل الامم المتحده لدعم انهاء القضيه الفلسطينيه من جذورها بدعمها انشاء الدوله الفلسطينيه و انضمامها الى محكمة العدل الدوليه .... و ده مش حبا في سواد عيون العرب ... لكن ضربا في الامريكان اللى نصبوا عليها في الحدوته دي كلها .
بعد التحركات دي كلها ... حنلاقي التحرك المصري الفاعل و المتناغم و المتلاقي في مصالحه مع التحركات الفرنسيه للقضاء على الكلاب السعرانه في ليبيا و احكام الخناق عليهم .... فـ بيتم التنسيق مع الجزائر و تشاد امنيا و مخابراتيا .... و بيتم استكمال حصار بؤرة الارهاب الليبيه شمالا عن طريق ايطاليه و جنوبا عن طريق فرنسا اللى موجوده على الارض في النيجر جنوب ليبيا .... و ده سبب رئيسي لزيارة السيسي لايطاليا و فرنسا الشهر اللى فات
طبعا الكلام ده كله مش على هوى امريكا خاااااالص ..... و فوق كل ده .... طلع وزير الدفاع الفرنسي " جون ايف لودريان " يوم 3 يناير و كملها بتصريح ناري متحديا امريكا فهمي نظمي رسمي لما قال " يجب علينا التدخل العسكري المباشر في ليبيا للقضاء على ميلشيات الارهاب المسلحه في ليبيا .... الارهاب الليبي سيطال مصالحنا في النيجر و سيمتد الى فرنسا نفسها" .... فمعداش يومين و قالوله ... قلبك على الفلسطينيين و الدول العربيه و عايز تحارب الارهاب ..... طب خد بقي الارهاب عندك و في قلب باريس كمان .
و طلع قادة الغرب كلهم يتباكون و يقولوا لفرنسا ... انتي حبيبتنا .... احنا واقفين معاكي يا أوختي ... بس هاه !!!!! يا تري بقي حتعقلي يا فرنسا و الوضع اللى خلقناه ده ... حنستغله مع بعض و حتشتغلي معانا زي زمان في احداث 11 سبتمبر و لا حتعملي ايه ؟؟؟؟ ..... .
و جه الرد الرسمي لفرنسا على لسان الرئيس الفرنسي "فرانسوا أولاند " اللى كان غريب جدا و خارج الصندوق .... اولا رفض وصم المسلمين بالارهاب و قالها صراحة ان المسلمين ملهومش علاقه بالكلام ده في اشاره ان انا عارف اللعبه و عارف مين اللى ورا الكلام ده ... و مش بس كده ..... ده استخدم نفس منهج الدوله اللى وقفت في وش الغرب كله و هي مصر و طلب من شعبه النزول عشان يدوله تفويض لمكافحة الارهاب . .
طب ده يعني ايه ..... و ليه طلب من الشعب الفرنسي الطلب الغريب ده على المجتمعات الاوروبيه ؟؟؟ .... و هل هو فعلا محتاج التفويض الشعبي ده ؟؟؟ ..... و يا تري التفويض ده عايزه لمواجهة مين بالظبط ؟؟؟ .... و حيعمل بيه ايه ؟؟؟ .
بلاش نستبق التوقعات .... و خاللي بالك من قاعده مهمه خااااالص ..... في السياسه .... اللى بيتم في الغرف المغلقه بيختلف تماما عن اللى بتشوفه و ممكن يكون عكسه خالص او ان بيبان ليك حاجه و بيتم التحضير لحاجه تانيه خااااالص ....... و ده اللى حنتكلم عليه في المقال القادم بالتفصيل انشاء الله .
تحياتنا ليكم.
منقووووووول

[kj1]

كل عام و الأخوة الاقباط المصريين شركائنا فى الوطن بخير و سعادة رغما عن كيد الأنجاس الأرهابيين و من يساعدهم
تحيـــــــا مصـــــــر