زيادة أسعار البنزين والسولار تنتظر موافقة «مرسى»

[محمد صالح - المحامى]

نتائج زيادة اسعار البنزين
===============
نبتديها من الناس الى فوق بتوع بنزين 95
ولا هتفرق معاهم حاجة ( واحد جايب عربية بنص مليون جنية هتفرق معاه فى اية )
بنزين 92 ( الوسطية )
اهم فئة كان لازم تفضل زى ما هى لانهم بيخفوا شوية عن بنزين 80
غير ان دول هما اغلبية العربيات الجديدة الى بتريح البلد من الزحمه بسبب اعطال العربيات الكحيتى بتاعه بنزين 80
بنزين 90 انا عمرى ما شوفته ( بس المفروض يكون البداية عن 80 )
بنزين 80 ( بنزين الشعب )
اى مساس بالسعر هيبهدل المتبهدلين اكتر ما هما متبهديلين
يعنى اسعار الاكل هتغلى حجة بان البنزين غلى
اسعار المواصلات هتغلى حجة بان البنزين غلى
اسعار النقل هيغلى حجة بان البنزين غلى

========================= =========
حكومتنا الهمام بدل ما تلغى الدعم عن البنزين
تروح تتشطر على الى بيسروقوا البنزين وبيهربوه
او الى عمالين يزودوا الاعباء على الشعب الغلبان ( قصدة الناس الى تحت ومحدش حاسس بيهم )

[alaatitoo]

المشاركة الأصلية كتبت بواسطة m_ss2 نتائج زيادة اسعار البنزين =============== نبتديها من الناس الى فوق بتوع بنزين 95 ولا هتفرق معاهم حاجة ( واحد جايب عربية بنص مليون جنية هتفرق معاه فى اية ) بنزين 92 ( الوسطية ) اهم فئة كان لازم تفضل زى ما هى لانهم بيخفوا شوية عن بنزين 80 غير ان دول هما اغلبية العربيات الجديدة الى بتريح البلد من الزحمه بسبب اعطال العربيات الكحيتى بتاعه بنزين 80 بنزين 90 انا عمرى ما شوفته ( بس المفروض يكون البداية عن 80 ) بنزين 80 ( بنزين الشعب ) اى مساس بالسعر هيبهدل المتبهدلين اكتر ما هما متبهديلين يعنى اسعار الاكل هتغلى حجة بان البنزين غلى اسعار المواصلات هتغلى حجة بان البنزين غلى اسعار النقل هيغلى حجة بان البنزين غلى ========================= ========= حكومتنا الهمام بدل ما تلغى الدعم عن البنزين تروح تتشطر على الى بيسروقوا البنزين وبيهربوه او الى عمالين يزودوا الاعباء على الشعب الغلبان ( قصدة الناس الى تحت ومحدش حاسس بيهم )

كلامك صح مية المية

[fourseasons]

يا حماعة ربنا يسترها علينا والله.انا حاسس ان البلد بقت على صفيح ساخن جدا.وحضرتك حتى ال عندوا كذا عربية يعتبر استهلاكوا للبنزين واحد او مضاعف بس.مش معنى ان عندوا 4 عربيات انه مخدورهوم على طول او بيطلع بيهم فى وقت واحد اى نعم انا معاك ان ده يعتبر نوع من انواع البزخ انه يكون فى البيت الواحد اكتر من عربيتين على الأكثر.انا مع رفع سعر البنزين اه بس تدريجى لأن مش معقول سعر سلعة يفضل مثبت لأكثر من 20 سنة ذى البنزين 80 ب 90 قرش من على ما اوعى او على الأقل من اول ما بدأئت اسوق من يجى 15 سنة.انا انه المروض يرفع السعر عشر قروش او 20 قرش كل سنة او سنتين حيبقى معقول الطريقة ديه لأن انتا قبلها بيوم حتخوش البنزينة حتفول مثال ب 30 جنيه تانى يوم حتدخل حتفول ب 32 ج مش فارق محسوس اوى غير لما تانى يوم تدفع 45 جنيه بس حنقول ايه شر ولابد منه وللعلم انا مش مع الحكومه اساسا ولا انتخبت مرسى من اصله"تبع شفيق يعنى من الأخر" عشان محدش يقول انى من المطبالتيه للأخوان.وربنا يرحمنا برحمتوا

[osama-am]

المشاركة الأصلية كتبت بواسطة احمد سويلم انا مع زياده السعر عشان الناس اللى طول اليوم بتلف بعربياتها والبيوت اللى فيها 3 عربيات و4 عربيات انا مش عاوز ادخل فى جدال عقيم مع اى عضو من الاعضاء اللى ضد الزياده بس للاسف احنا شعب عاوزين الحكومه ترضعنا قبل ما أسال انا الحكومه بتدينى ايه اسال نفسى انا بشتغل شغلى باخلاص ولا لا ولا كل همى ان انا اخلع من شغلى الساعه 10 الصبح والمدام اللى بتروح شغلها تنقى الرز والانسه اللى حاطه عينيها على زميلها هاقول ايه ولا ايه ولا ايه انا هحكى موقف بسيط جدا حصل قدامى فى مصلحه ما فجاه لقيت واحده قامت اخدت كوبايه شاى من زميلها اللى جمبها فى المكتب وطبعا الزميل المحترم مسكتش قام لطشها على ضهرها بس طبعا بعد ما اخدت كوبايه الشاى بتاعته المفاجاه صاحبى معايا قالى انت تعرف ان جوزها شغال معاهم فى المكتب طيب انا راضى حكموكوا هل ديه مناظر ناس رايحه تشتغل وتخدم المجتمع صدقونى والله لو كل واحد اشتغل باخلاص حالنا هايتعدل ان شاء الله

سعادتك مع الزياده لانك هاتخدها من الزبون وهوه فى الاخر اللى هايشيل الليلة . اما من ناحية ان الواحد يشوف بيأدى عمله ازاى قبل مايطلب من الحكومه دى نقولها لموظف حكومه انما اللى شغال خاص بيعمل اكتر من المطلوب لانه لو ماعملش هايلاقى نفسه

[mr_astra]

الدكتور مرسي غلط انة بدا حياتة الراسية بقرض ربوى
ولازم احنا اللى نشيل الطين
كل حاجة فى البلد هاتغلى حتى لو ملهاش علاقة بالوقود
طب انا مستعد انى اركن عربيتى بس هاينفع اركب مواصلات ؟؟؟؟ شوفو الصورة المنشورة بتاعة مترو الانفاق الطوابير علية ادا اية وبعدها نحكم هاينفع نركب مواصلات ولا لا
وخدو بالكم احنا بنتكلم على احسن وسيلة مواصلات فى البلد
ما بالك بقى بالاتوبيسات والميكروباص اللعين
انا مش عارف لية الحكومات بتغض النظر عن اى موارد فى البلد وتبص بس على حاجة واحدة انة مورد سهل ومقدور علية وهو المواطن المصرى
واسهل كلمة نغلى الوقود ونعمل ضريبة على الموبايل ......
الناس اللى بتتكلم على السعر العالمى للوقود انا موافق يطبق فى مصر بس لما اقبض مرتب عالمى ومش بس كدة اخد كل مميزات المواطن الامريكى او الاوربى
اللى بيتعالج فى مستشفيات الحكومة وممكن يعمل عملية تتكلف مليون جنية بدون ما يعمل قرار علاج على نفقة الدولة
المواطن الامريكى ممكن يركن عربيتة ويركب مواصلات لانها تشبة اتوبيسات السياحة اللى عندنا بغض النظر عن الطرق اللى بتمشى عليها
طب احنا ممكن نوفر نص الوقود المحروق لو فى سيولة فى المرور وساعتها الدولة هاتوفر نص دعم الوقود وانت كمواطن هاتحس براحة
لو كل واحد شاف شغلة بضمير ومنهم ظباط المرور والله ما هايكون فية ازمة مرور فى القاهرة اللى ازحم مدن الجمهورية