ايه من رائيكم اكتر عربيه للاستخدام الشاق تنفع فى مصر (موضوع للنقاش)

[3bd0]

انا شايف ان الناس كلها متفقة ان العربية لازم تكون عالية
بس انتو بتقارنو بين عربيات (كلهم عاليين) من فئات مختلفة

انا في رايي ان فكرة الربع نقل او "البيك اب" ملهاش لزمة الا في حالتين:
- يا اما انتا هاتحتاج تنقل حاجات كتير كل فترة، والحاجات مستحيل تتنقل لو في سقف للعربية
- يا اما انتا شاب، ودي عربيتك الخاصة، ومتأكد مليون في المية ان عمرك ما هاتحتاج تاخد ناس كتير معاك في العربية، وفي نفس الوقت شايف ان شكل الربع نقل احلى من شكل الجيب من نفس العربية

غير كده، اي كان الربع نقل اللي انتا بتحبه، ليه متاخدش المقفول منه؟
مثلا : (الدودج رام - الدرانجو) او (الهايلكس - الفورتشينر)

انا كانت وما زالت عربية احلامي الكاديلاك اسكاليد ext
بس ما بعدت ما اخدت الارمادا، اكتشفت اد ايه الصف التالت ده مفيد، وفي نفس الوقت عمري ما حاولت انقل حاجة والعربية قالت لأ دي كبيرة عليا (بما فيهم دولاب بدرفتين)

نقطة اخيرة:
لازم تاخدو بالكم ان في شركات كتير بتخلي الربع نقل عفشته انشف بكتييير من الجيب اللي زييو، عشان لما بتنقل بني ادميين غير ما بتنقل عفش شقتك. انا ركبت الهايلوكس كتير (بنزين وديزل)، بصراحة بحسها ناشفة جدا جدا ومش عارف الناس بتسافر بيها ازاي مسافات طويلة، ولكن ارجع واقول انها لازم تكون كده والا ماتبقاش ربع "نقل". انا عندي في الارمادا العفشة اللي ورا زيها زي التيتان، بس من قدام مخلينها انعم شوية، فرق الراحة واضح جدا.

[eng/walaaeldeen]

السلام عليكم
السيارات المختاره جميله وفعلا الطرق المصريه عايزه سيارات خدمه شاقه بس ياريت نبص علي ازمة البنزين لأن السيارات ديه هاتزود الأزمه
والله المستعان