البلد محتاجه دكتاتور

[حازم شاهين]

وافقت حكومة تسيير الأعمال فى اجتماعها صباح اليوم، الأربعاء، برئاسة الدكتور عصام شرف رئيس مجلس الوزراء، على مرسوم قدمه وزير العدل ينص على تعديل قانون العقوبات، بما يسمح بمضاعفة عقوبة الحبس فيما يتعلق بعمليات التخويف والترويع والبلطجة ضد المواطنين والإعدام فى حالة وجود وفاة.

وينص القانون على تغليظ عقوبة الحبس إلى الضعف، فيما يتعلق بإصابة المواطنين جراء الأعمال السابقة، فى حيت تصل العقوبة إلى حد الإعدام فى حالة وفاة أحد المواطنين، ومن المنتظر أن يعرض هذا القانون على المجلس العسكرى اليوم للموافقة النهائية عليه واعتماده.

المصدر اليوم السابع

[د.كمال]

وما المانع ان تطبق الاحكام العرفيه لمده شهرين فقط على ناس معينين فقط منهم البلطجيه وحاملى الاسلحه وقطاع الطرق ومثيرى الفتنه الطائفيه وتمنع الاعتصامات الفئويه ايا ان كانت .
وحتى نعطى الفرصه للشرطه بالنزول التدريجى فى الشارع حتى يتمكنوا من جمع صفوفهم والسيطره على الامن .
فى اعتقادى ان ربنا وحده هو إللى ساترها على البلد اليومين دول وان لم تتخذ اجراءات فوريه الله وحده العالم بما سيحدث .
واتمنى من كل قلبى ان ظنى هذا يخيب

[احمد بدر1978]

مطلوب الصبر لان البلد بتتحول من بلد مقهورة ومجبورة الى بلد ديموقراطى يعنى الناس ما صدقت انها قدرت تتكلم بحرية وبدون خوف

[miam0502788391]

المشاركة الأصلية كتبت بواسطة حازم شاهين أنا أرفض الفكرة دى جملة و تفصيلا إزاى بعد كل التضحيات دى و الكفاح ده علشان الحرية عايزنا نرجع تانى لدولة الخوف و البطش أغلبية الشعب المصرى بيروح شغله كل يوم حاليا و بيحاول يرجع يعيش حياته العادية أتصور إنه بعد فترة قصيرة الوقفات و المظاهرات هتبتدى تقل تدريجيا و خصوصا لما الناس تبتدى تحس بالتغيير الحقيقى و الحكومة تبتدى تاخد قرارات لمصلحة الناس الموضوع محتاج صبر شوية و الجاى أحسن إن شاء الله لكن أبدا لن نعود للدكتاتورية بأى شكل من اﻷشكال إن شاء الله

يا سلام عليك يا استاذ حازم
بيعجبنى فى حضرتك روح التفاؤل
وانا متفق ان الجاى افضل من اليوم وامس بس يا جماعة شوية صبر وبلاش تشاؤوم وزى ما قلت فى موضوع قبل ذلك الله يخليكوا تفاءلوا

[Devill Blood]

أنا لا أفهم ,أنتم بتقولوه أى وبتعملوه أى انا مش فاهم بالظبط أزاى عايزنا نرجع للى كنا فيه مش أنتم اللى كنتم بتطلعوه وتشتموه وتقولو حكومة ولاد *** ورئيس إبن ****,

ثانيا , أنتم تعرفوا قبل هذه الثورة حالنا كان ازاى؟
جرائم كل يوم بأشكال غريبة ومتوحشة مثلا عاطلين يغتصبوا طفل ويقطعو عضوه الذكرى
وأم تقتل أطفالها وتخزنهم فى الثلاجة للأكل
وأخ يغتصب أخته
لدرجة أن أحنا أتعودنا على الكلام ده بسبب النظام,
ودلوقتى بنلقى باللوم على الثورة!!!!!!

أحب أقول لكم يا أذكياء أن النظام لم ينتهى,النظام ليس دولة رجل واحد بل مازال هناك ذيول,إن هذه كلها أفعال النظام,.الهجوم على متظاهرين المسيحين فى أكثر من منطقة فى وقت واحد بالرشاشات وقنابل المولتوف بطريقة لا يفعلها مدنيون أبدا,أنصحكم تفتحوا عنيكم على الحرائق المتزامنة فى هيئات الكسب غير المشروع وأمن الدولة والمحاسبات ووزارة المالية التى بها كشوف تودى النظام فى ددددددهية,مشكلتنا أن احنا عبط أوى أفتكرنا أن أحنا أنتصرنا,عرفتم ليه الناس بتوع التحرير اللى كنتم بتشتموه فيهم كان عندهم حق!