ممكن مساعدتكم : محتار بين لانوس وA516

[kae]

أنا حجيبلك الموضوع في كلمتين صاحبي اشترى موتسيكل صيني من أبو 2500 من كام سنة كده حلو
الموستيكل حكاية إيه وامكانيات اييه حاجة كده سوبر تركبه من هنا ناعم نعومة الدنيا رهيب من الآخر صاحبي كان طير من الفرح وانا كمان كنت سعيد إن في حاجة صيني بتنفع

هم 3 شهور يا باشا والموتسيكل ده طلع شخاليل للعيال لا تقولي محافظة ولا كلام منده إنت ماشي في شوارع مايعلم بيها إلى سبحانه ..... يعني إنت مش هتجيب متسيكل تفرح بيه شهرين وترميه بيقولي والله الخامات كلها بلاستيك مرشوش علشان يبان إنه جبار .

طيب سيبك بقي من اللي أنا بقوله ده أولى مفيش واحد معاه عربية A516 هيقولك إنها وحشة علشان ده موضوع يطول شرحه , حضرتك بمنتهى البساطة وقف أي تاكسي 516 ودردش معاه بس حاول تكون 516 موديل قديم شوية يعني يكون عدى عليها سنتين كده ولا 3 .

لييه تدفع فلوس في عربية فيها شك ولو واحد في المليون إن كونها صيني يعني مفيش جودة وتفضل كل مايحصل حاجة تقول يارتني سمعت الكلام شفت ما أنا قلتلك ...إلخ... , طبعا أنا مش باكره el-516 بس أنا بفكر لو مكانك هاعمل إيه , لو دي عربية العمر يعني مش هتغير وإنت اصلا استعمالاك في العربية راقي خليك في صيني وربنا يسترها معاك غير كده وبلا تردد عندك 4 عربيات في نفس الفئه
1- فرنا
2- لوجان
3- ساجا
4- لانوس

وانا قاصد الترتيب ده وربنا يوفقك ويعملك اللي فيه الخير

[مندوووووو]

اولا انا اسف على ردى المتاخر قوى بس ده لان النت عندى كان فيه مشكلة
ثانيا بجد شكرا شكرا ليكم وعلى كلامكم وربنا يخليكوا
ثالثا كل سنة وانت طيبين

[mahmooud135]

المشاركة الأصلية كتبت بواسطة kae أنا حجيبلك الموضوع في كلمتين صاحبي اشترى موتسيكل صيني من أبو 2500 من كام سنة كده حلو الموستيكل حكاية إيه وامكانيات اييه حاجة كده سوبر تركبه من هنا ناعم نعومة الدنيا رهيب من الآخر صاحبي كان طير من الفرح وانا كمان كنت سعيد إن في حاجة صيني بتنفع هم 3 شهور يا باشا والموتسيكل ده طلع شخاليل للعيال لا تقولي محافظة ولا كلام منده إنت ماشي في شوارع مايعلم بيها إلى سبحانه ..... يعني إنت مش هتجيب متسيكل تفرح بيه شهرين وترميه بيقولي والله الخامات كلها بلاستيك مرشوش علشان يبان إنه جبار . طيب سيبك بقي من اللي أنا بقوله ده أولى مفيش واحد معاه عربية A516 هيقولك إنها وحشة علشان ده موضوع يطول شرحه , حضرتك بمنتهى البساطة وقف أي تاكسي 516 ودردش معاه بس حاول تكون 516 موديل قديم شوية يعني يكون عدى عليها سنتين كده ولا 3 . لييه تدفع فلوس في عربية فيها شك ولو واحد في المليون إن كونها صيني يعني مفيش جودة وتفضل كل مايحصل حاجة تقول يارتني سمعت الكلام شفت ما أنا قلتلك ...إلخ... , طبعا أنا مش باكره el-516 بس أنا بفكر لو مكانك هاعمل إيه , لو دي عربية العمر يعني مش هتغير وإنت اصلا استعمالاك في العربية راقي خليك في صيني وربنا يسترها معاك غير كده وبلا تردد عندك 4 عربيات في نفس الفئه 1- فرنا 2- لوجان 3- ساجا 4- لانوس وانا قاصد الترتيب ده وربنا يوفقك ويعملك اللي فيه الخير

اقيد هذا الرائ

[مهند سالم]

يا جماعة الموضوع تلخيصه في كلمتين دائما الواحد بيقولهم:
الصيني بطيخة مقفولة
وباختك يا أبو بخيت.........
ببساطة مستورد عايز يكسب أكبر قدر ممكن من الفلوس، ومصدر بيعامل الشعب المصري على إنه عايز حاجة رخيصة والسلام.
خليك في المضمون بصراحة أنا ما شفتش أي حاجة صيني عدى عليها زمن إلا ولقيتها زي ما بيقولوا: مشخللة. وحتى التوكيل سيئ، يعني حتى مش هتقدر تعتمد عليه، لأن في ناس من زهقهم من التوكيل بقوا يصلحوا بره.

[eslam rslan]

أنا عايز أققول حاجة
احنا فى بلدنا هنا غالبا شراء السيارات مبيكنش عن اقتناع كامل بالعربية لكن بيكون العامل المهم هو الفلوس يعنى بمعنى تانى ان الواحد مننا بيجيب العربية الى أقصى امكانيتة المادية تسمح بيها
عكس دول كتير الحالة المادية عندهم أحسن لأن سعتها هيختار صح بدون ضغوط مادية
أنا مثلا جبت عربية 516 و أنا مش مقتنع بيها هتقلى انت مقتنع باية ؟ هألك الالمانى رقم 1
طب لية مجنتش ألمانى ؟ العين بصيرة و الايد أصيرة
خلاصة الكلام ان أى عربية فى الفئة السعرية دى من 50000 -70000 لازم يكون فيها عيوب
يبقى انت تشوف هل العيوب دية تناسبك ولا لا انا كان ببنسبالى عيوب 516 أحسن من عيوب اللانوس و الفرنا و الموضوع نسبى يختلف من شخص لاخر عشان كدة مش هتلاقى اجماع على نوع واحد حتى لو استنيت 10 سنين
واللة المستعان