طقوسك ايه ؟؟؟

[samehsaeed]

المشاركة الأصلية كتبت بواسطة BASSEM BESO موضوع حلو وممتع

شكرا على ذوقك يا جميل

المشاركة الأصلية كتبت بواسطة BASSEM BESO انا طقوسى انى بنزل بشيل الغطى واسمى واركب طبعا مش بشوف زيت ولا مية ولااى حاجة عشان العربية لسة جديدة (اسبرانزا 2010 ) وبعدكدة اركب واشغل الطبلاوى او محطة القرأن وادور امشى

زي الفل ياباشا وخاصة موضوع إنك تشيل الغطاء لأن ده معناه إنك عندك غطاء أصلا لعربيتك وده أنا بعتبره في حد ذاته حاجة ممتازة وبشجعها جدا بس طبعا للي بيركن في جراج مش في الشارع لأن في الشارع هيتسرق زي ما عرفت

المشاركة الأصلية كتبت بواسطة BASSEM BESO بس بانسبة لعربيتى القديمة ال132 بنزل بحس انة يوم اسود مش طلعلة شمس واخر مزهثت منها دخلتها التجديد وربنا يرجعها بالسلامة ......................... .

يارب ترجعلك بالسلامة وأحسن من الأول بإذن الله

[samehsaeed]

المشاركة الأصلية كتبت بواسطة h00ka ببص من البلكونة كدة هطلع ازاى و فى حد قافل ولا لا و فى الغالب لا ..... بنزل صلاة خفيفة كدة ايا كان سبب النزول من البيت..... بدور و اطلع استكشف العربية وانا بمسحها خربوش , قلم جاف , اي حاجة غريبة " مرة لاقيت العربية مغسولة بمعنى مغسولة بالجير حتى المرايات " ربنا يسامحه بقى ,,, بركب بزود بنزين ببص على زيت و حرارة وبنزين واربط الحزام واظبط الكاسيت اللي بيشلنى " كل مرة تطفيه لازم تظبطه تانى " واطلع وربنا يستر معانا جميعا

كلام زي الفل ياباشا وخطوات منظمة جميلة عجبتني بصراحة
* بتبص من البلكونة الأول قبل ما تنزل عشان تظبط حالك مش تشد الرحال وتنزل تلاقي نفسك خبطت في حيطة سد والعربية مقفول عليها ومش هتعرف تطلع
* بتصلي ركعتين قبل ما تخرج وديه حاجة في حد ذاتها أكثر من روعة وخاصة إنك بتبقى على سفر والله اعلم الطريق فيه ، يارب حتى تكون رايح أول عباس وانت ساكن في أول مكرم برده مع البلد واللي بنشوفه فيها من ألوان وأشكال السواقة كل يوم، أنا حقيقة اعتبر المشوار ده سفر
* بتهتم بالعربية وتتابع حالتها أول بأول وأنا بحترم ده جدا، سواء في العربية أو أي حاجة عندك، حتى لو جراب الموبايل، أصلي بحب قوي اللي يحافظ على الحاجة
* بتهتم تربط الحزام وديه حاجة برده بحترمها قوي ومش عارف الناس اللي ما بتربطهوش ما بتربطهوش ليه نفسي أفهم سبب وجيه لكده ؟
* بالنسبة لنوع الكاسيت الله يكرمك يا كابتن قولنا نوعه ايه عشان ماحدش يجيبه وتبقى عملت خدمة فينا

[حسام البورسعيدى]

انا طقوسى ابص على العربية من البلكونة واشوف هطلع ازاى (اصل انا ساكن على البحر والارض لسه رمل ومش متساوية وفيها حفر وطلعات ونزلات والناس بتركن عشوائى) ..
وبنزل وانا رايح على العربية ببص عليها نظرة سريعة (ضغط الكاوتشات ولو فيه طوب ولا حاجة)

غالبا قبل ما اركب بزود ميه فى القربة وكل اسبوع تقريبا بقيس الزيت ..

وبعدين بركب العربية وقبل ما ادور بربط الحزام (علشان منساش) وبدور وبشغل الكاسيت وبفتح الازازين اللى قدام نص فتحة وبسخن 3 او 4 دقايق وبسمى ربنا وبمشى ...



وشكرا على الموضوع الجديد ..

[SuccessCre8or]

بدور و استنى دقيقتين و اتوكل على الله

[د.كمال]

أنا مريح دماغى ومأجر جراج بس لازم ابص على ال4 فرد والزجاج والابواب واخش ادور واتكل على الله