مقارنة عملية بين الشيفروليه كروز والكيا سيراتو

[sergeant]

المشاركة الأصلية كتبت بواسطة HaMaDa-ToUBaR ياباشا انت مرورك وكلامك ع عينى وراسى من فوق وكلامك ع الجمارك مفيش علية كلام .. بس الى انا كنت اقصدة ان الوكيل مش طبيعى لكن الجمارك اهى اسمها فى الاول والاخر جمارك وهنضحك ع نفسنا ونقول المفروض انها رايحة للبلد كدة ولا كدة ... لكن الوكيل بيسرق وبيستهبل ع عينك يا تاجر طبعا بالنسبة لموضوع المواتير فانا مش هختلف معاك ان التكنولجى الحديثة مش مطبقة معاة بشكل كامل ... بس علشان مش نظلم بأمانة فعلا انا الموتور الى معانا ايكو تيك 1.8 وما شاء الله علية وعربيات كتير من المواتير الى cvvt .vvt-i.ivtec مش بتقدر تعمل معايا حاجة فالمحرك عندى بصراحة فوق الممتاز كقوة وتسارع استهلاك البنزين انا اؤيدك فية بشدة ان محركات ايكو تيك ملهاش علاقة بالاقتصادية فى استهلاك البنزين ... بس لو جينا نشوف هتلاقى انا الالمانى عموما كدة معروف بصوت مرتفع نسبيا واستهلاك بنزين عالى .. لانهم مش بيفكرو فى اقتصادية قد ما هما بيفكرو فى عزم وقوة ع عكس اليبانين ... اولى اهتمامتهم الاقتصادية والراحة والهدوء وعموما ياباشا انا استمعت كتيييييير بالمناقشة معاك ويارب دايما يكون فى كلام متبادل بينا

ياباشا دا انا الي يشرفني اني اتناقش معاك
واعتقد ان عربيتك لكتي 1.8 هي اوتو ولا منول وتقييمك ليه ايه بشكل مبسط والعيوب والمميزات
دي الاوبترا الي عندنا صح ولا هي الكروز زي التوقيع..

[fineart607]

انا لا حظت ان ماتور الكروز ليس به اى حماية من اسفل حتى غطاء بلاستيكى هل السيراتوا كذلك؟؟؟؟؟؟؟؟؟؟؟؟؟؟؟؟؟؟

[HaMaDa-ToUBaR]

المشاركة الأصلية كتبت بواسطة sergeant ياباشا دا انا الي يشرفني اني اتناقش معاك واعتقد ان عربيتك لكتي 1.8 هي اوتو ولا منول وتقييمك ليه ايه بشكل مبسط والعيوب والمميزات دي الاوبترا الي عندنا صح ولا هي الكروز زي التوقيع..

تسلملى يا غالى وربنا يخليك يارب

شوف بقى ياسيدى انا عربيتى lacetti-cdx جاية من برة طبعا اكيد حضرتك عارف انها ملهاش وجود فى مصر ولا ليها وكيل وكدة

طيب اية الفرق بين عربيتى وبين الشيفرولية كروز ؟؟؟

نرجع فى الاصل ان العربيتين برة مصر واااااااااحد مفيش بينهم اى اختلاف سواء فى الاوبشن او المحركات مجرد فرق العلامة التجارية فقط

بمعنى ان المصنع بيخرج العربية بثلاث محركات فقط الى انا قولت لحضرتك عليهم

المحرك 1.6 منزلش ابدا فى العربيات دى ..

تعالى بقى نشوف الفرق بين عربيتى والشيفرولية كروز الى موجودة عندنا

الشيفرولية كروز الى هنا راكبلها محرك اوبترا e-tecll 1.6 بيولد 107 حصان وطبعا دة السبب انة خلى اداء العربية دى وحش جدا

الكروز الى هنا الكاملة بتاعتها تعتبر الفاضية بالنسبالى مفقترة جدا للكماليات

تعالى بقى نتكلم عن اداء العربية الى معايا او المحرك ecotec 1.8

المحرك دة بيخرج صافى 138 حصان ... كلام جميل بس كل دة كلام ع ورق

من تجربتى الشخصية ... المحرك جميييل جدا كقوة اداء وعزم وتسارع وتحس فعلا انا راكب عربية من قوة المحرك وانطلاقة

العيوب الى انا شايفها لحد دلوقتى ... استهلاك بنزين عالى نسبيا مع المقارنة بالمحركات 1.6 اليبانية والكورية

المحرك بيتميز بخشونتة وزئيرة العالى دى بالنسبة لناس كتير اوى عيب بس بالنسبالى انا ميزة وزى ما قولت لحضرتك هتلاقى معظم محركات الالمان بنفس النظام دة

قطع الغيار بتيجى من برة وفيها بهدلة شوية بس دى بردة مش عيوب محرك .. دى مشكلتنا احنا ان معدناش حاجتها .. مع العلم انك ممكن تروح تجيبها من التوكيل منصور باسم مثلا (عاوز فلتر الزيت بتاع اوبل استرا المكنة الاوروبى ) وهكذا
بس احلى تخيط يا معلم

ملحوظة ... عاوز اقولك ان اى حاجة عندى فى حوض المكنة made in germany
كل قطع غيارها وفلتر الزيت وكلة المانى وطبعا دى كفاية لوحدها

معلش طولت عليكى بس حبيت اقولك كل حاجة

سلام يا صاحبى

[sergeant]

تمام يا باشا ربنا يبليك فيها وديك خيرها ويكفيك شرها
بس فيه حاجه عاوز اقولها
نفسي ان العربيات في مصر تبقا زي بره يمكن الحلم يتحقق
وبالمناسبه
تسارع عربيتك نفس تسارع الاكسنت الي معايا لو عربيتك اوتو 0-150 في 24 ث

[sergeant]

بس اعتقد ان فيه كروز 1.6 بس 113 حصان دي برضو مبنشفهاش