جولف 6 ولا فيات برافو T-jet ؟

[فادى]

المشاركة الأصلية كتبت بواسطة Madovic مشكورين يا جماعة عالرد الجولف اللي بقارن بينها هيا ال 1600 سي سي و Horas3000 مشكور حبيبي عالتوضيح بس الحقيقة فرق السعر مش كبير عشان قدامي واحدة موديل 2009 زيرو بفرق سعر قليل بينها وبين البرافو و دة اللي خلاني افكر تاني في الجولف بس انا بحس ان الجولف عربية مملة يعني مفيهاش اوبشنز كتير زي البرافو ولا انتم ايه رأيكم ؟ :D معلش يا فادي ممكن توضحلي اكتر قصدك ازاي الجولف مريحة اكتر ؟ شكرا مرة تانية على اهتمامكم وردكم

بما اننى اقارن بين سيارتين لم أركبهما, فاننى اعتمد فى المقارنة على معلوماتى من السمعة المتوارثة للشركتين,
و التى تقول ان سيارات فولكس فى العموم اكثر راحة و لكن سيارات فيات امتع فى القيادة و أفضل فى الاداء.
هذا الوضع قد و ربما أقول ربما لا ينطبق هنا, فالبرافو مريحة أيضا الى حد كبير لأن فيات أصبحت تعنى بتعيير نظام التعليق منذ طراز ستيلو الذى كان مريحا للغاية و لكن دون التضحية بديناميكية الاداء.
فى نقطة الاعتمادية فان عليك المقارنة بين فولكس التى كانت مشهورة بالاعتمادية فى الماضى و لكنها تعرضت للكثير من المشاكل على هذا الصعيد حديثا, و بين فيات التى تصعد اعتماديتها بسرعة الصاروخ بعد ان عانت من مشاكل فى الثمانينات و السبعينات على هذا الصعيد. و أعتقد انهم يلتقون فى منتصف الطريق.
و زى ما قولتلك الجولف سيارة مملة, السيارة التى صممها جيوجارو فى السابق كسيارة شبابية لم تعد شابة على الاطلاق. جيوجارو لخص هذا الوضع فى حوار قرأته له منذ فترة "مع كل سيارة جديدة, فيات كانت تريد ثورة ما, أما فولكس فانها كانت تريد الحفاظ على نجاح الماضى مع القليل من مجاراة العصر فقط."

[Nour_peugeot]

بردو انا متحيز للبرافو لانها افضل في المقارنه دي

[side view]

انا من ضمن الفريق المتحيز للجولف

اولا : نقطه مهمه جدا وهى عراقه شركه فولكس فاجن الالمانيه فهى اقوى جدا جدا جدا من فيات الايطاليه

ثانيا : الجولف ك شاسيه مبنى عليه اكثر من عربيه مثل الجيتا والاوكتافيا والاودى
موتور الجولف 1600 الى بيدى 102 حصان موجود فى الجيتا والاوكتافيا والاودى
وكلهم عربيات فى منتهى الروعه والدليل على ذلك انتشارهم باستثناء الاودى الى مالهاش سوق فى مصر

ثالثا من ناحيه الاداء الرياضى : دى مساله نسبيه
لو انت استخدامك للعربيه هيكون فى رالى او سباق عربيات يبقى انت بتدور على موتور اقوى وسحب اعلى وتسارع اعلى وفى النقطه دى العربيات اليابانى تكسب
مثل السيفيك والكورولا وال لانسر والسوبارو كلهم عربيات فى منتهى القوة والتسارع اعلى بكتير جدا من الجولف

من ناحيه الثبات والاتزان فطبعا العربيات الالمانى مثل الفولكس والفورد والاوبل ثم باقى العربيات الاوروبى مثل البيجو والفيات والسيات

من ناحيه الكماليات : دى مسأله نسبيه
فكل عربيه وكل موديل ليه مميزاته وكمالياته
فمش هتلاقى عربيه فيها كل المواصفات والكماليات والموتور والسحب والاداء الا المرسيدس وال BMW

انت لو استخدامك للعربيه جوه المدينه او داخل مصر عامه تبقى الجولف اقوى
لو انت فى دوله من دول الخليج او اوروبا او هتسافر بيها بره مصر تبقى اى عربيه تانيه غير الجولف

ربنا يوفقك

[فادى]

ثالثا من ناحيه الاداء الرياضى : دى مساله نسبيه لو انت استخدامك للعربيه هيكون فى رالى او سباق عربيات يبقى انت بتدور على موتور اقوى وسحب اعلى وتسارع اعلى وفى النقطه دى العربيات اليابانى تكسب مثل السيفيك والكورولا وال لانسر والسوبارو كلهم عربيات فى منتهى القوة والتسارع اعلى بكتير جدا من الجولف

هعلق على النقطة دى بس لأنها غريبة شوية,
على حد علمى فان التسارع و السرعة القصوى يعتمد بالأساس على منحنى العزم (و الذى تعطى القوة الحصانية و العزم الأقصى فكرة عن شكله لمحركات تستخدم نفس التقنيات) و المقاومات التى تواجه السيارة (الوزن, مقاومة الهواء, و غير ذلك), بالاضافة الى علبة التروس طبعا و نسبة التخفيض و الدفع خلفى ام امامى.
و يحتسب أداء السيارة بالاعتماد على هذه الأرقام, و لا يوجد بالحسبة اى عوامل تعتمد على ماركة السيارة أو بلد الصنع!! لذا لم افهم كيف تكون الهوندا ذات ال120 حصانا مثلا اسرع من البرافو ذات ال150 حصانا؟!! رغم ان المحركات الأسيوية عموما أقل كفاءة و تكنولوجيا من مثيلاتها الأوروبية! مع العلم ان السيارات الايطالية هى الأفضل على صعيد المحركات و الأداء الرياضى(حتى أفضل من الألمانى بكثير) لأنها تسيطر تقريبا على معظم السباقات المهمة(الشركات اليابانية تشارك فى معظم السباقات ايضا لكنها لم تحقق النتائج المرجوة!!!!).

من ناحيه الثبات والاتزان فطبعا العربيات الالمانى مثل الفولكس والفورد والاوبل ثم باقى العربيات الاوروبى مثل البيجو والفيات والسيات

الثبات بالذات تشتهر به السيارات الفرنسية و خاصة السيتروين, قبل الألمانى. الألمانى ليس مميزا على هذا الصعيد أبدا.

[Nour_peugeot]

سترون هي العرفت العالم معني الثبات الحقيقي ده صحيح