ما هو معدل لستهلاك الوقود للنيو اكسنت 2010

[Amir Hassan]

المشاركة الأصلية كتبت بواسطة mesho70 تخيل انا فى يوم واحد كان فية 5 رادار على الطريق من القاهرة الى اسيوط الصحراوى الغربى والمنيا كان بها 2 رادار وجربت كل اللى ممكن تتخيلة انى لا اتجاوز ال80 وكانت الرخصة بتتسحب ( غرامة 105 ج وايقاف من شهر الى شهرين ) ودة كان فالقانون القديم اما الان فغرامة فورية 150 جنية او 300 جنية ان اتأخرت فالدفع عن ثلاث ايام وجربت انى اسير خلف الميكروباصات بيبقوا عارفين اماكن الرادار بالرغم من انها مش ثابتة لكن زملائهم عالخط بيبلغوهم بالمحمول عن اماكن الرادارات وبرضو كانوا هما يعدوا وانا ادبس فالمخالفة وجربت انى اذعق واعلى صوتى ( لما بكون مش مخالف ) وبرضو كنت بدفع والرخصة تتسحب يعنى طالما كان فية رادار بيلموا وخلاص وعلى فكرة لما الرخصة بتسحب بيدبسوا ايصال السحب فالرخصة ولو مسكت رخصتى ونظرت فالشمس تشوف النجوم من كتر الدبابيس اللى اخدتها

كل ده شايله فى قلبك وساكت ياراجل
قول بعبع فك عن نفسك
ده اللى زيك الله يكون فى عونه
بس اقولك وانت فى وش الظابط قوله
حسبى الله ونعم الوكيل
بس اوع تكون انت اللى غلطانptmnlo123per111

[mesho70]

المشاركة الأصلية كتبت بواسطة amir hassan كل ده شايله فى قلبك وساكت ياراجل قول بعبع فك عن نفسك ده اللى زيك الله يكون فى عونه بس اقولك وانت فى وش الظابط قوله حسبى الله ونعم الوكيل بس اوع تكون انت اللى غلطانptmnlo123per111

بالرغم من انى مش عارف معنى " بعبع " لكن تشكر على شعورك

وحصل انى كنت بنفس الطريق وفى المنيا برضو وقفت فى كمين متحرك ( غير ثابت وبيبقى فى اى مكان )

ووقفنى امين شرطة وابتسم وقلى " حمد لله على السلامة يابية ممكن نتعرف " واتعرفنا

قلى " ممكن اشوف الرخص " ادتهالة اخدها واختفى ونزلت وراة

وكنت - الله يعزك - قالع الجزمة وفاككك حزام البنطلون وازرارة

المهم نزلت بالشراب وماسك البنطلون ( لو نزل هتبقى مشكلة )

لقيت الباشا ( رائد ) بيكتب قلتلة خير قلى " متصور رادار "

قلتلة انا سعادتك ماشى 80 قلى " لا عندى 94 " قلتلة انا شايف

عربية المرور على التبة وانا مكنتش ماشى اكتر من 80 وورينى صورة

الرادار اللى انت مصورة قلى " تشوفها فى بلدكو " قلتلة احنا فى بلدنا محدش

صورنى انا اتصورت هنا قلى بصوت عالى " روح اشتكينى لوزير الداخلية "

قلتلة حسبنا الله ونعم والوكيل ولما رجعت لقيت الرخصة موقوفة شهرين

بالرغم من ان الظروف اللى زى دى الاقاف بيكون شهر واحد وهو غالبا ً عمل

اكتر من مخالفة اما الغرامة بتيجى مجمعة عند التجديد من غير ما تعرف التاريخ او السبب

وحسبنا الله ونعم الوكيل

[mohamedsamirshalaby]

انا عندى عربية النترا 2006 اتوماتيك
بتستهلك بنزين فى الصفيحة 20 لتر بتعمل حوالى 160 كيلو داخل البلد

رحت التوكيل وعملت كل حاجة محتجاها وغيرت السيور والفلاتر

دا استهلاك طبيعى ولا عندى مشكلة فى العربية
انا بفكر ابيعها

[mesho70]

المشاركة الأصلية كتبت بواسطة mohamedsamirshalaby انا عندى عربية النترا 2006 اتوماتيك

المشاركة الأصلية كتبت بواسطة mohamedsamirshalaby بتستهلك بنزين فى الصفيحة 20 لتر بتعمل حوالى 160 كيلو داخل البلد رحت التوكيل وعملت كل حاجة محتجاها وغيرت السيور والفلاتر دا استهلاك طبيعى ولا عندى مشكلة فى العربية انا بفكر ابيعها

شوف يا اخى

موضوع استهلاك البنزين دة انا كانت معى عربية اكسنت 1300 سى سى موديل 2001

وطوال 8 سنوات تقريبا ً وعملت بيها 175000 كم كنت دائما ً اقوم بحساب معدلات استهلاك

البنزين ( كنت اعمل جميع الصيانات من 1000 وكل 5000 بالتوكيل ) وكان

اولا ً لحساب المعدل لابد ان تقوم بتفويل العربية تماما ً يعنى تشوف البنزين فى زور التنك

ويمكن دة مش مستحب لانك لابد من ترك جزء للهواء لكنى كنت دائما ً بكون مسافر والاستهلاك سريع

وتقوم بتصفير العداد هنا وبعد فترة تكرر نفس الموضوع وتقسم الكيلوا متر على لترات البنزين لحساب المعدل

وهنا مبرط الفرس لان المعدل يتوقف على *- سرعة السيارة ودى اهم حاجة ( بفرض انك على طريق سريع مفتوح )



و*- حمولة السيارة *- التكييف *- الرياح ( فالأجواء الصحراوية ) فنجد الخلاصة اهم شىء هو سرعة السيارة فيكون

• اذا كانت سرعة السيارة من 80 الى 90 كم / س فمتوسط الاستهلاك كل 20 لتر بنزين تسير 350 كم او اكثر
• السرعة ذادت حتى قبل 120 كم / س ينخفض ......................... ..250 كم
• السرعة ذادت عن 120 كم / س اما متحسبش افضل او بيكون تقريبا .200 كم او اقل

اما داخل المدينة فالموضوع يختلف ففى الشتاء يكون المعدل اعلى نتيجة التسخين او هل تترك السيارة شغالة بدون اثناء

التوقف وكثرة الفرامل ( طاقة لم تستخدم واهدرت ) واشياء مثل هذة كثيرة خلاصتها

داخل المدينة موضوع معقد يعنى الاستهلاك يتراوح مابين كل 20 لتر بنزين تسير مابين 160 كم الى 200 كم تقريبا ً

وبالنسبة للسيارة الجديدة لانسر 2010 و 1600 سى سى المعدلات قريبة ولكن اقل قليلا ً ( لم احسبها كثيرا ً )

على الطريق السريع والسرعة من 80 الى 90 كم/س تكون كل 20 لتر تسير 300 كم تقريبا او اعلى قليلا ً

ان ذادت السرعة عن 120 كم يكون المعدل 200 تقريبا ً

وداخل المدينة لم يتجاوز 160 كم تقريبا ً

[Amir Hassan]

المشاركة الأصلية كتبت بواسطة mesho70 شوف يا اخى موضوع استهلاك البنزين دة انا كانت معى عربية اكسنت 1300 سى سى موديل 2001 وطوال 8 سنوات تقريبا ً وعملت بيها 175000 كم كنت دائما ً اقوم بحساب معدلات استهلاك البنزين ( كنت اعمل جميع الصيانات من 1000 وكل 5000 بالتوكيل ) وكان اولا ً لحساب المعدل لابد ان تقوم بتفويل العربية تماما ً يعنى تشوف البنزين فى زور التنك ويمكن دة مش مستحب لانك لابد من ترك جزء للهواء لكنى كنت دائما ً بكون مسافر والاستهلاك سريع وتقوم بتصفير العداد هنا وبعد فترة تكرر نفس الموضوع وتقسم الكيلوا متر على لترات البنزين لحساب المعدل وهنا مبرط الفرس لان المعدل يتوقف على *- سرعة السيارة ودى اهم حاجة ( بفرض انك على طريق سريع مفتوح ) و*- حمولة السيارة *- التكييف *- الرياح ( فالأجواء الصحراوية ) فنجد الخلاصة اهم شىء هو سرعة السيارة فيكون اذا كانت سرعة السيارة من 80 الى 90 كم / س فمتوسط الاستهلاك كل 20 لتر بنزين تسير 350 كم او اكثر السرعة ذادت حتى قبل 120 كم / س ينخفض ......................... ..250 كم السرعة ذادت عن 120 كم / س اما متحسبش افضل او بيكون تقريبا .200 كم او اقل اما داخل المدينة فالموضوع يختلف ففى الشتاء يكون المعدل اعلى نتيجة التسخين او هل تترك السيارة شغالة بدون اثناء التوقف وكثرة الفرامل ( طاقة لم تستخدم واهدرت ) واشياء مثل هذة كثيرة خلاصتها داخل المدينة موضوع معقد يعنى الاستهلاك يتراوح مابين كل 20 لتر بنزين تسير مابين 160 كم الى 200 كم تقريبا ً وبالنسبة للسيارة الجديدة لانسر 2010 و 1600 سى سى المعدلات قريبة ولكن اقل قليلا ً ( لم احسبها كثيرا ً ) على الطريق السريع والسرعة من 80 الى 90 كم/س تكون كل 20 لتر تسير 300 كم تقريبا او اعلى قليلا ً ان ذادت السرعة عن 120 كم يكون المعدل 200 تقريبا ً وداخل المدينة لم يتجاوز 160 كم تقريبا ً

الله عليك ياحبيب والدييك
تسلم ياباشا