تجربتى مع نيسان صنى

[TOOLA]

موضوع ممتع

[elgdawy2007]

الساده اعضاء نيسان المحترمين اولا انا سعيد جدا بأفكاركم ونظرتكم تجاه السياره نيسان صنى وبناء عليه قمت بشراء سيارتى نيسان صنى 2012 ex اوتوماتيك لكنى لاحظت مع الاسف ملحوظه بالتوكيل حين قمت بأستلام سيارتى وكان بها شكوى اول مطلعت بها من المعرض والشكوى عباره عن انه عند اول مطب واجهته بالسياره سمعت صوت خبطه بالمساعدين قويه اوى عند النزول فى المطب تتتك كده يعنى الصوت كمان لما حاولت ادوس فرامل وانا على سرعه بسيطه اوى لا تتجاوز 30 كيلو سمعت صوت تقه خفيفه كذلك الكرسى الذى على يمين السائق عن رفع الكسوه البلاستيك من عليه لاحظت وجود فرق حوالى 2 سم بين ظهر الكرسى وقاعده الكرسى طبعا كل المذكور ده كلام فارغ جدا وكلها عيوب بسيطه بتتعمل فى التوكيل بمنتهى السهوله عدا طكه السياره فى المطبات على سرعه عاليه دى مش عارف بقى ده عيب فى المساعدين او ان المساعدين عشان رياضيه مثلا بتعمل كده فى المطبات القاسيه عموما حنشوف لانى ساعه مدخلت التوكيل كانت السياره عامله 170 كيلو فقط لا غير وحتى كتابه سطورى هذه لحضراتكم السياره عامله 670 كم ما علينا المهم ان بس عاوز انبه لشيىء هام جدا بخصوص توكيل الحضره وبجد اسوء توكيل شوفته واليكم تجربتى مع هذا التوكيل الفاشل

اولا ناس مهندسين ومش فاهمين حاجه خالص فى اى حاجه اول القصيده واحد مهندس هناك كان بيستلم منيى السياره اسمه مروان محمد مرسى قعد يلف حوالين السياره وبعدين قالى فيه خرابيش على الشنطه من الخلف روحت باصص لائيت 3 خطوط بالعرض مسحتهم اتمسحوا خالص ومعدش ليهم اثر ما علينا قولتله دى مش خرابيش اصر على انها خرابيش وبعدين يقولى بص اهى قولتله فين دى المهم كان فيه واحد واقف هناك اسمه حسين فنى قولتله احضر معانا الله يخليك وشوف فيه خرابيش الراجل بص وراح قال مفيش حاجه خالص والمهندس يقولى طب خلاص بس عموما اهى دى خرابيش نبص تانى ولا خربوش اصلا فيها حتى الفنى اكد كلامى ان مفيش خرابيش خالص وحياه ربنا المهم بعد كده الفنى قالى معلش اصله لسه جديد وكل زبون يدخل يقوله العربيه اتخربشت عندكم والمهم روحت الساعه 1 ظهرا بحجز طبعا وكانت المشكله ان الكرسى اليى جنب السائق كان مرحل من مكانه شويه وكمان كان فيه صوت غلس عند الفرمله المهم خلصوا الصوت بتاع الفرمله والفرش وصوت الطقه او الخبطه العاليه عند النزول فى مطب قاسى قالى تعالى بكره عشان مفيش وقت وبنقفل خلاص ولو تحب احجزلك تانى قولتله حشوف المهم وانا هناك لائيت واحد عمال يشتكى ويشد شعره سيارته بقالها اربع شهور محجوزه كانت عامله حادثه وكانوا بيصلحوهاله طلعوا عين ام الراجل وكان جاى يستلمها وهو متعكنن اوى كمان بسألهم سؤال بسيط جدا التانك بياخد قد ايه بنزين قعدوا يلفوا حوالين بعض بتاع ساعه وشويه وكل واحد يقولى حسأل المهندس المهم سأل المهندس وياريت مسأله جه يقولى التانك بياخد 46 لتر ولما اللمبه تنور يبقى فيها 7 لتر احتياطى قومت قولتله هى بتخد كام كيلو فى الصفيحه رد البيه المهندس وقالى بتعمل 180 كيلو بره البلد وجوه البلد طيب يا مهندس مروان بيه محمد مرسى قام قالى مش عارف بالظبط اد ايه وبصراحه بعد اليى سمعته بجد فكرت انى امشى ومرجعلهومش تانى خالص واشوف اى مركز خدمه تانى فى صيانه الالف وللعلم السياره داخله عندهم اليوم عامله 170 كيلو بس ومدانيش صوره من الوصل اليى مضيت عليه كمان بالمشكلتين الموجودين فى السياره وده للعلم والنااس بتوع السياره اليى عامله حادثه ماشيين معايا بيشدوا شعرهم يا عينى بجد صعبوا عليا جدا سياره من شهر 8 الى شهر 12 بتتصلح فى التوكيل ههههههه بجد تهريج جامد اوى وعلى فكره انا ناوى كمان اعمل شكوى لان المعامله هناك كلها اهمال ومفيش اى رقابه وتضييع وقت ملهوش اخر ومحدش فاهم حاجه فى اى حاجه وحياه ربنا ودى تجربتى البيسطه مع مركز مودرن موتورز الحضره بجد فى منتهى السوء اليى فى الدنيا لذلك قررت ان شاء الله تعالى عند صيانه السياره فى 1000 كيلو انى اقوم بها فى القاهره ان شاء الله وعلى فكره يا جماعه السياره لحد الآن ممتازه وموضوع العزل كله فى الموديل 2012 زى الفل ومفيهوش اى مشاكل تذكر اطلاقا ومحدش يسدق اى شخص يقول ان العزل فى موديل 2012 غير جيد مطلقا الا اذا كان شخص دسيس من توكيل اخر ويحاول ان يضلل الاعضاء المحترمين لكى يعطى انطباع سالب عن السياره ودول كتير مع الاسف موجودين على النت والتقفيل المصرى جيد جدا ولا يوجد اى مشاكل فيه سوى بعض المشاكل الثانويه التى تحل جميعا فى التوكيل المهم بس يكون توكيل محترم غير توكيل الحضره ده لان بجد بجد كلمه ورشه صيانه على كبير برضه كبيره اوى عليه ودمتم بخير

[Good09]

من المواضيع اللى بتعرفنا النيسان صنىو تقيمها التقيم اللى تستحقه

[خالداعزالناس]

سياره اصيله وجميله واعتماديه ورائعه من نيسان اليابانيه


حتى لو بتتجمع فى مصر


بس بعد نزول رينو سكالا .........


الافضل ؟ نيسان صنى أو رينو سكالا ؟؟؟؟؟

[jojojojojo]

انا شايف من حيث توافر قطع الغيار طبعا النيسان صني افضل من رينو سكالا وكفايه ان مراكز فاهمه جدا لصني واي مشكله في العربيه بتتحل ع طول