|
#21
29-07-2009, 04:52 AM
|
||||
|
||||
رد: مشكاح وريما 2009
مثيرة جدا قصة الكفاح ..... فى انتظار الباقى ptmnlo123per184
|
|
#22
29-07-2009, 10:45 AM
|
||||
|
||||
|
رد: مشكاح وريما 2009
-8-
خرجت ريما تدارى وجهها وعينها المتورمة وذهبت الى الجزار00 -والنبى عايزة حتة ملبسة طازة -كام كيلو يا هانم؟ -تلاته كيلو -أحلى حته للهانم ياواد ألتمعت عيناها وهى ترى اللحمة تتلألأ على الميزان00 قام الصبى بلفها وناولها لها 00 تناولتها وأنصرفت وهى تقول: -شكرا يا معلم أستوقفها الرجل: -الحساب ياهانم قالت باستهبال: -حساب أيه؟ قال مندهشا: -حساب اللحمة اللى أنتى خديتها قالت فى استغراب: -ما أنت خدت الفلوس يا راجل أنت مسطول ولا أيه؟ -ده انتى باين عليكى بتستهبلى ولا نصابه00!! هات اللحمة يا وله وخرج الصبى يحمل سكينه لينتزع منها الكيس ورقعت ريما بالصوت الحيانى00 يا لهوووووووووووووووووووووى تجمع المارة00 قالت: -ألحقونى ياناس 00 الراجل عايز يا خد اللحمة منى بعد مادفعت حسابها ومدت يدها آدى التلاته جنية الباقى اللى أدهونى المفترى النصاب عايز ياخد الحساب مرتين ولام الجميع الجزار قال الرجل بانفعال: -دى نصابة وحرامية دى شكل واحدة بتاكل لحمة -وكمان بتغلط ياسافل يادون يا عرة الرجالة ألحقونى ياناس00 حد يشوف البيه الامين الراجل ده لازم يروح القسم يتربى قال المتجمهرون: -لم الدور يا معلم00 روحى يا ست ربنا يسهلك قال الرجل بغيظ: -ازاى الكلام ده00؟ تسرقنى عينى عينك كده00 لاممكن أبدا على جثتى قالت ريما ببجاحة: -هيه دى جزاة الست الشريفة ياراجل ياناقص؟ بينا على القسم وهناك تتربى وبعدها جوزى يربيك خاطبت الناس: -الراجل الناقص كان بيتحرش بيا00 يرضيكم يا رجالة أختكم الغلبانة تتبهدل كده00؟!! ونجحت ريما فى التخلص من الجزار بالضربة القاضية وعادت لمشكاحها لتطبخ له اللحم والخضار00 ولم تنس أن تتسلل الى السطوح وتخطف وزة سمينة تتمخطر 00 جلس مشكاح يلتهم الاكل فى نهم اللحم والمحشى والاوزة ولم يترك منها الا ورك تعجبت ريما وقالت: -مالك يا راجل أنت عيان؟ أول مرة تفوض حاجة -نفسى مسدودة يا ريما العلقة سدت نفسى عن الاكل -ربنا يسد نفسك ويديمها عليك نعمة قادر يا كريم00 تلاته كيلو لحمة وحلة محشى ووزة ناقصة ورك وشوية الخضار والتحابيش ونفسك مسدودة ربنا يتوب عليك ويشفيك -انتى بتسممى لى الاكل يا ولية!! -وانت بيحوق معاك حاجة يا جمل قطع حوارهما صوت طرقات على الباب00 كان زبادى المحامى00 دخل على مشكاح قائلا: -أيه يا مشكح؟ انت نمت على الاتعاب ولا ايه؟ -ما أنت شايف يابيه أنا راقد بقالى يومين -الله ايه ده صحيح !! ايه اللى عمل فيك كده؟ -لا دى حادثة -ألف سلامة يا راجل شوف أنا مش عاوز منك اتعاب بس بشرط قال مشكاح مسرورا: -أأمر يابيه -أنت ح تعمل لى خدمة مقابل الاتعاب -تحت الاذن والطلب ألتقط زبادى ورك الاوزة وأخذ يلتهمه وهو يقول: -همهم00 شوف يا سيدى00 فيه راجل كده مش تمام عمل حركة فى واحد زبون عندى وعايزين نردها له تسلم أيدك ياست ريما مفيش حتة صدر نحلى بيه بكره بالليل تعدى عليا فى المكتب وأنا ح أقول لك ح تعمل أيه00 سلام دلوقتى أنصرف الرجل قالت ريما: -الراجل لهف الورك بتاعى من غير أحم ولا دستور -زى بعضه مصمصى العضم 00كل واحد ورزقة -الراجل ده ألعوبان خللى بالك منه -متخافيش أنا صاحى له -بصى بقه أنتى بكره بدرى تسرحى -أسرح فين يا راجل -زى ما أتفقنا 00تشحتى -هيه دى آخرتها يا مشكوحتى!! -ح نعمل أيه ما باليد حيلة -عشان خاطرك بس -طب قومى أعملى لى كوباية شاى حبر -مفيش لا شاى ولا سكر -روحى للبقال هاتى -ابن الكلب حالف علينا -يا ريما هوه أنتى ح تغلبى !! ده بقال موش جزار تتبع
__________________
|
|
#23
29-07-2009, 01:07 PM
|
|||
|
|||
|
رد: مشكاح وريما 2009
تسلم يادكتور
شوقتنا والله للنهاية وبعدين بقى فى ريما ومشكاح دول مش هايجبوها لبر والا ايه سيبنى عليهم اخلصك منهمptmnlo123per113 بس كملنا الحكاية الاول والنبى
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#24
30-07-2009, 10:49 AM
|
||||
|
||||
|
رد: مشكاح وريما 2009
-9-
أرتدت ريما عباءة سوداء كالحة00 ونظارة سوداء00 قامت بعوج فهما وكسر عينها ومط رقبتها وسارت تعرج !!! -نناه يا محشنين00يا موحدين كوم نحم غنابةوعمية العينين كان شكلها مثيرا للشفقة -بيت المحشنين عمار نا يتهد لك بيت ونا يونع دار تدفعت عليها الاموال من الصباح حتى قرب مغيب الشمس وهى لا تكل ولا تمل !! قطعت كيلوات سيرا وعيونها كالصقر عادت لمشكاح تحمل مالذ وطاب وكان الجوع قد جعله كالمجنون 00 قام وأفترس الطعام ونظف الصحون وفى المساء ذهب الى المحامى ليعرف حاجته!! خرج من عنده الى البيت ومكث حتى بلغت الساعة الرابعة فجرا وانطلق00 وقف فى الشارع الجانبى يستطلع المارة00 كان الشارع ساكنا هادئا لا تدب فيه قدم سكب البنزين داخل المخزن ثم اشعل النار وأطلق ساقيه للريح!! ********************* فى الصباح ارتدى ملابسة وانطلق 00 دخل الى دورة مياه مسجد وخلع جلبابه النظيف وكان يرتدى تحته آخر مقطع 00 لف شال على رأسه وغطى معظم وجهه انطلق الى الشارع00 جلس على الناصية مفترشا الارض00 يهز جسده ويرتعش -يا أهل الخير مريض وعاجز مش لاقى علاج ربك هوه العاطى انتصف النهار والحصيلة جيدة والخطة ماشية عال العال00 ومن بعيد لمح ريما يجرها أمين شرطة وهى تولول00 انتفض من جلسته وأطلق ساقيه للريح !! وكأنه لم ير شيئا عرج على مطعم شعبى والتهم كوارع وفته ومنبار ولحمة راس على حبة كرشة ولسان حتى شعر بالشبع أخيرا!! عرج على البيت ونام فى فراشة وريما لم تعد!! فى الصباح أيقظه طرق على الباب وكان عسكرى من القسم00 انزعج مشكاح وقال: -خير يا باشا -تعرف واحده اسمها ريما -معرفش ريما ولا قديمة -بتقول انها مراتك -كانت مراتى00 هيه عملت أيه؟ -كانت بتتسول عايزة حد يضمنها عشان تخرج -مفيش حاجة تانية غير الضمان -لا00 أبقى روح أضمنها -شكرا يا باشا ماتيجى تشرب شاى -شكرا دخل مشكاح وأكمل نومه حتى آذان الظهر00 قام متكاسلا ثم ارتدى ملابسه وانطلق الى القسم يقدم خطوة ويؤخر الاخرى00 قام بضمانها 00 وبعدما خرجوا وريما تتعلق به قال: -كده يا ر يما طول الليل ألف عليكى لما رجليا ورمت00 عينى ما شافتش النوم00 شوفى وارمين ازاى قلت ريما: -يا حبيبى يا مشكوحتى والنبى صحيح -أمال يا غالية أنا ليا غيرك!! وأدار وجهه عنها وقال بصوت غير مسموع: -داهيه تاخدك عندما وصلوا البيت أخرجت ريما النقود من منطقة محظورة وقالت وهى تضحك: -قال ولاد الكلب قلوبنى00 يبقوا يشبعوا بالعشرة جنية اللى لقيوها معايا هه هه ههه قال مشكاح: -طول عمرك ناصحة وواعية يا رمرومتى ما تعملى لنا حاجة زفرة كده نتغدى بيها !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!! تتبع
__________________
|
|
#25
30-07-2009, 10:53 AM
|
|||
|
|||
|
رد: مشكاح وريما 2009
والله شوقنا زاد يادكتور
مستنى ومتابع بشغف
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
 |
|
|
