ارشيف الاستراحة 2009

[salahabdelnabi]

المشاركة الأصلية كتبت بواسطة Dr. Bolbolan الحقــــــــونى بالخـاصــــــيه الصـــــــــوتيه ! Dr. Bolbolan ptmnlo123per1106

مفيش رد بعد الرد ......... اوجز فأنجز

[salahabdelnabi]

3


" الو ايوة ياريس ........انا جاك ....... الدنيا اتلخبطت ....... والحاجة ضاعت والبت مش لاقينها ..........

رميناه فى البحر والناس انقذوه ............. لا فقد الذاكرة من الواقعة والخضة تقريبا ........... حاضر "

قفل جاك الخط مع رئيسه وبص للراجل الرفيع اللى معاه وقاله وهو وشه منفوخ من الغيظ

: وبعدين يا موريس هانعمل ايه ؟؟؟! الريس طالب مننا نقلب الباخرة كلها حد لما نجيب الظرف ده

موريس : انت مقولتلوش ان احنا دورنا فى كل حتة وبرضه مش لاقين حاجة

جاك : مانت سامع المكالمة ........... بس تفتكر الظرف يكون راح فين وكمان سوزان ممكن تكون مستخبية فين ؟؟؟!!!!!

موريس : انا هعرفلك كل حاجة عن كل الموجودين على الباخرة وانت دور تانى فى كل حتة على الظرف
جاك : طب والواد المصرى ده هانعمل فيه ايه

موريس : هانخليه تحت عنينا لما نشوف هايفتكر ايه .........ونشوف اخرتها ايه فى الورطة اللى احنا فيها دى؟؟!!!

فى اللحظة دى كان برومبو وعايوشة فى اوضة دكتور الباخرة والراجل اللى كان غرقان

راقد على سرير الكشف وقبطان الباخرة بيقول للدكتور : اسمه ابيزا والشهرة بظبظ .... مصرى ....... كان فى الكابينة رقم 35

الدكتور وهو بيبص لابيزا : ها برضه مش فاكر حاجة ؟؟!!!

ابيزا منطقش والدهشة على وشه والدكتور شاور لبرومبو انه يترجمله الكلام فرد وقال : مش فاكر حاجة خالص ........ ولا حتى اسمى

برومبو : بيقولو اسمك ابيزا وشهرتك بظبظ ......طب انت بتشبه على الست دى – وشاور على عايوشة – او بتفكرك بحد يعنى

ابيزا : لا خالص .......... بس لما سمعت صوتها حسيت انى فاهم كلامها لان كل اللى كانو حواليا كانو بيتكلمو ومش فاهم منهم حاجة

برومبو : طب انت وقعت فى البحر ولا حد رماك

ابيزا بارتباك : حد رمانى ؟؟!!! مش فاكر ........مش فاكر اى حاجة ..... وحط وشه بين ايديه وراح معيط

عايوشة والعياط ابتدا يمسكها : يا حول الله ........ والنبى حالته تصعب على الكافر ........ ماتشوف صرفة يابرومبو

برومبو : وانا هاتصرف يعنى اعمل ايه فى الهو اللى احنا فيه ده ......... هى فسحة مهببة زاى و....

عايوشة وودانها احمرت : زاى ايه ؟؟؟!!!........ ماتنطق ........ سكت ليه ؟؟

برومبو وهو بيزغر لعايوشة : لمى نفسك ياولية....... نسيتى نفسك والا ايه ..... انا قصدى مهببة زاى هباب الحلة

القبطان وهو بيبص لبرومبو : انتو بتقوله ايه ؟؟!!!.......... الراجل ده هايبقى عهدتكم لانكم من بلد واحدة لحد لما ننزل قبرص

وهناك تودوه على السفارة هما يرحلوه بمعرفتهم على اهله فى مصر

برومبو : مش بقولك ........ فسحة هباب ........ جالنا عيل على كبر .....لا وايه .... وفاقد الذاكرة كمان


يتبع

[فاطومه المصريه]

يا صلاح يا جامد ptmnlo123per1147 ها الباقى بسرعه بقى ptmnlo123per1116

[mr/medo]

المشاركة الأصلية كتبت بواسطة AHMEDCAR هاقولك مثل لما اروح ازور توكيل علشان امشى امورى يبقى ايه انا اديتك المثل ده بسرعه كده و مش قادر ارد عليك علشان داخل من الموبيل ان شاء الله هايكون فى حوار ما بينا و تقبل خالص احترامى

المشاركة الأصلية كتبت بواسطة AHMEDCAR هاقول لحضرتك ازاى بتقلل قمتى انا مش قصدى انها بتقلل قمتى قدام الناس بالعكس دى وجاهه اجتماعيه لكن قيمتى قدام نفسى لما اروح و انا مزور ورقه و لا ضارب ختم علشان امشى مصلحه و ابقى واقف قدام الموظف و انا باقول يارب ما يخدش باله او انى اروح ادفع رشوه لموظف علشان يمشى الورق ملحوظه ماتقوليش ان مافيش محامى مش بيعمل كده و انا طبعا ليه ادخل نفسى متاهات

للمرة الثانية يا استاذ احمد بتثبتلى انك فعلا لم تمارس المحاماه وان معلوماتك عنها مغلوطه او مستقاه من السمع وتجارب الغير .

هو مين قال لحضرتك انك لازم تزور علشان تمشى امورك , وبما انك اتكلمت على التزوير فااحب اوضحلك انه فى فرق ما بين انك تزور اوراق رسميه علشان تاخد حق حد تانى او انك تتستر على جريمه عملتها او ما الى خلاف ذلك وما بين الروتين او الاجراءات الروتينية اللى بتطلب منك فى المحاكم او المصالح الحكومية .

انا متفق معاك تماما انه لا يجوز انك تزور مستندات او محررات رسمية او عرفيه انما الاوراق الروتينيه - على سبيل المثال دليل العذر اللى انت بتقدمه للمحكمة لو اتاخرت عن ميعاد الطعن فى الحكم ، كل القضاه عارفين انه مجرد ورقه ليس لها اى اساس من الصحه والقضاه نفسهم عارفين كدا بل انى شفت زميل كان بيملى بينات الورقه قدام القاضى فى الجلسه - كل دى اشياء يتطلبها الروتين الحكومى الغبى اللى مأخر البلد ومعقد الحياه والتعاملات ومخلى الناس تكره اليوم اللى بتروح تخلص فيه اى ورقه او اجراء فى اى مصلحه حكومية .


وعلى فكره فى محاميييييييييييين كتير جدا محترمين ولا يزوروا ولا يقوموا بافعال مشينه او مخله او اى شىء من هذا القبيل . والحمد لله انا معملتش حاجه من اللى انت بتقول عليها .

نيجى لموضوع انك بتدفع فلوس للموظفين . انا مش هقولك هتلى محامى مبيدفعش انا هقولك هاتلى اى بنى آدام مبيدفعش للموظفين والعساكر وغيرهم وغيرهم وغيرهم . وبما اننا فى مصر موتورز انا هسالك سؤال انت عمرك ما دفعت لعسكرى مرور فى الشارع او دفعت لحد فى المرور او مثلا وانت جاى بعربيتك من الجمرك أو او او او ........
اوعى تقولى لا.


وكمان يا استاذ احمد كل المهن اللى ربنا خلقها فيها الحرام والحلال وفيها الكويس وفيها الوحش لو انت اتعاملت بالمنطق دا فى كل المهن يبقى حضرتك مش هتشتغل ابدا ولا اى حد هيشتغل .

اخيرا يا استاذ احمد اذا كنت لاتحب المحاماه قول انك مش عايز تشتغل محامى ولكن لاتقدح فى مهنه من اعظم المهن فى الحياه , فهى مهنة العظماء والقادة , وهى مهنة الحق والنبل والشرف .

فالمحاماة مهنة من أهم المهن وأشرفها.وليس من بين المهن ما يسمو على المحاماة شرفاً وجلالاً .قال عنها (روجيسيو) رئيس القضاة الأعلى في فرنسا في عهد لويس الخامس عشر :"إن المحاماة عريقة كالقضاء،مجيدة كالفضيلة ،ضرورية كالعدالة، هي المهنة التي يندمج فيها السعي إلى الثروة مع أداء الواجب حيث الجدارة والجاه لا ينفصلان ،المحامي يكرس حياته لخدمة الجمهور دون أن يكون عبداً له ، ومهنة المحاماة تجعل المرء نبيلاً عن غير طريق الولادة ، غنياً بلا مال..رفيعاً دون حاجة إلى لقب..سيداً بغير ثروة.."ولقد قال عنها (هنري روبير) نقيب المحامين في فرنسا سابقاً ( ليس من وظيفة عدا وظيفة القضاء أشرف من المحاماة ، وهذا الشرف هو المقابل لمجهود من يمارسها و الموجب للصفات التي يمتاز بها عن غيره ،والأصل فيها نيل الشرف وخدمة العدالة ومساعدة صاحب الحق على أخذه ومقاومة الباطل والمبطلين.."وقال عنها (جاز إيزورني) أحد كبار المحامين في نقابة باريس : "إنه لفخر للمرء أن يكون محامياً ليبقى مستقلاً لا ينتظر من السلطة شيئاً ،وأن يتكلم بصوت عالٍ دون أن يقصر في قول كلمة الحق ، وألا ينتظر شيئاً إلا من ذاته.." )).

بعد الكلام دا حضرتك ممكن تقول انى مزودها حبتين وان دا كلام انشاء ، لكن صدقنى الكلام دا حقيقى وان كانت الحالة اللى عليها المحاماه او المحامين اليوم هى حاله سيئه او تبدوا سيئه ، فا احب اقولك ان دا شىء عارض وليس على المحاماه فقط بل على المجتمع باثره . فا انت تعلم ان كل الحضارات والامم والمجتمعات تمر بمراحل تقدم وتدهور وان كان من حظنا العثر اننا حيينا فى فترة التدهور والتأخر ؛ الا ان هذا لن يدوم طويلا . فمهما طال الليل فلابد من طلوع النهار وسطوع الشمس ولعله قريبا ان شاء الله .

[فاطومه المصريه]

http://www.youtube.com/watch?v=HFYIJE2XB2c

ما شاء الله عليها بيجد ربنا يحميها